بداية اتمنى من الاعضاء والعضوات الا عندهم معرفة قانونية يفيدوني ....

طبعا انا موظفة عمري 27 تزوجت زوجي وانا ادرس في المرحلة الجامعية واشترطت الوظيفة ....
زوجي فيه صفات حلوة بس كمان فيه سلبيات واهم سلبية في نظري انه عينه على راتبي طبعا انا متكفلة بمصاريفي واذا احتجت خدامة اجيبها من راتبي من التقديم الى اخر راتب تستلمه طبعا الخدامة انا اشوف انه من واجبي انا ادفع فيها.... طبعا ادفع معه ميزانية للبيت وفي البداية كان يتحكم في صرفي من راتبي ... لو رحت للسوق يحاسبني اغلب المرات على 35 وال 40 ريال وممكن يعصب ويهزئني قدام البائع عشان الفلوس... لو وقعت في ازمة ماليه ماراح يساعدني لله بيعطيني سلف حتى لو هي 100 ريال على عكسي انا اعطيه ومستحيل اقوله رجعها خصوصا المصاريف العاديه ومصاريف السفر انا ادفعها او النص بنص طبعا سفرات داخلية ... اما السفرات الخارجية فأنا لي فترة احاول فيه وانا متكفلة بكل مصاريف السفر بس رافض لانه مايحب السفر للخارج .. بس بشكل عام وبعيد عن الامور الماديه يعتبر كويس ... معليش كلامي مو مرتب بس حبيت اعطيكم خلفية عن امورنا المادية وتعرفون ليش ابغى اثبت حقي قانونيا ..


الحين يبغاني اطلع له قرض بمبلغ وقدرة عشان يشتري سيارة ( هو عنده سياره ولسه نظيفه وخرابها قليل) ووعدني يتكفل بكل مصاريفي .. وهو كمان مطلع قرض على راتبه ... انا ما اريد السيارة بإسمي.... اريد طريقة اثبت فيها حقي وتكون معتبره في المحكمة.... وهل هناك طريقة قانونية لإثبات حقي من غير شهود ... انا متردده ودائما انصح اي وحده انها ما تثق بزوجها في الامور الماليه خصوصا لو شايفه انه بخيل عليها ...... انقذوني بحل قانوني ... انا ماراح اطالبه بالمبلغ الا في حالة خيانة مثلا او ماشابه يعني ما ابغى اتحسر بعدين على شبابي وعمري و كمان فلوسي أقل شئ اطلع بأقل الخسائر ..

مستجدات
الرد 49
http://www.66n.com/forums/showpost.p...3&postcount=49

الرد 75
http://www.66n.com/forums/showpost.php?p=3192705&postcount=75

يكتب لك شيك مقابل القرض كامل
ليه تعطينه دامك منتي راضيه وضامنته
الافضل اذا عطيته تعتبرينه صدقه لوجه الله

جا في بالي اقترح عليها موضوع الشيك
لكن مشكلة الشيك ان له صلاحية محددة ولابد أن يصرف المبلغ - غالبا ستة اشهر
بعدها ماله قيمة.

هل الشيك مضمون ويعتبر به في المحكمة >>>>> انا ما اعرف في هذي الامور

المبلغ كبير ولو بأعتبره صدقة جارية بأعطي امي احسن ...
هو ما عنده مانع اثبت حقي بس احسه متحسس من ناحية الشهود طبعا اهله يعرفوا انه انا راح اعطيه فلوس للسياره هو قالهم وهم ناس طيبين و فيهم خير كثير بس انا مستحيل اخليهم شهود لاني ما احب احط زوجي في هذا الموقف قدامهم وكأني أقولهم انا ما اثق بولدكم ..<<<< ابغى حكاية الشهود آخر حل

اذا كتب الشيك نصيحه خبيه ولا يقدر يوصله
وبالتوفيق حبيبتي رغم اني احس السياره شي كمالي وانتي مو ملزومه فيها
بس هذا قرارك

انا رضخت لطلبه لانه وقف معي في بداية وظيفتي ....

ليش بيشتري سيارة بالقرض ؟ عشان يستخدمها مثلا؟

اذا كان كذلك اكتبي السيارة باسمك هذا اضمن شئ.
لوجمعتوا مع بعض مبلغ مثلا واخذتوا قروض وعمرتوا بيت او اشتريتوا بيت اصري أنه يكتبلك نص البيت.
الاشياء العينية هي اللي تضمن حقك, انت حاولي تاخذين قرض على راتبك وتشترين ارض باسمك عشان مايبلشك ويطلب من راتبك دايم. أو تتساعدين انت واياه وتشترون ارض وتسددون بالتساوي من رواتبكم.

السيارة بيستخدمها ....
الارض الحمدلله عندي ولما خلصت اقساطها (كنت اسدد من راتبي من غير قرض )طلبني وهذي اول مرة اطلع قرض
وانا ما احب السيارة بإسمي يصير لها شئ لا سمح الله او حتى لو باعها بعد سنين ماراح احصل قيمتها ....
انا تمنيت نبني بيت بس هو مأجل الموضوع واكيد لو عمرنا وساعدته لازم يكتب لي نص البيت لكن في السيارة ماراح استفيد لو كانت بإسمي

اذا كمالي مثل ماقالت مرام منتي بملزومه ولاتعتبر فزعه
للآسف ماني من اصحاب الشيوك 😂
بس اتوقع كاني سمعت انه في شيك مفتوح
او طلعي قرض لك انتي ارض عماره اي شي افضل دامها كماليه وهذي نصيحه من وحده للبنات الموظفات قبل الزواج
قالت كل وحده تطلع لها قرض لارض بسمها افضل والعقار الابن البار 😉

مرحباً أختي

إختصاراً ... لاتطلعين قرض بإسمه حتى لو زعل
ولاتدخلين بدوشه أنتِ في غنى عنها... خصوصاً وأن سبب القرض قد يعتبر من الإسراف والزيادة وسبب غير وجيه .

وأما الطريقة القانونية فلا أعلم



أعانك الله