السلام عليكم اخواني واخواتي
هذه ربما تكون اخر استشارة لي في هذا القسم للمتزوجين
ربما البعض يذكر مشاكلي السابقه مع زوجي من بداية زواجي
استمرت الخلافات لمدة سنة وكل خلاف اقوى من الثاني وجرحه اعمق من الي قبله تتدخلو اهلي واهله وف كل مرة يعتقدو انهم يصلحو لكن ترجع المشاكل بينا الى ما اقتنع زوجي انه مشاكلنا احنا المسؤلين عنها واحنا الي مفروض نحلها
لان في كل تتدخلات الاهل كان هو من يشكني عندهم وانا كنت اطلب منه ان نحل الموضوع بينا

طبعا المشاكل تفرعت لين صار كل واحد يشوف الثاني كومة من العيوب الي مش ممكن يتقبله
والمشكلة الحقيقية اساسها عدم توافق فكري بينا كل واحد نظرته مختلفة ف كل امور الحياة وثانيها عصبية زوجي وعدم مرونته ف الحوار

انا في البداية كان عندي اغلاط لاني ماكنت فاهمته وكنت اغضب كثير من سبه لي وتجريحه ولا اتقبل اعتذارته الغير مباشرة لاني ماكنت اعرف انها اعتذارات كنت اشوف تجاهل لان طريقته ف الاعتذار ان يرجع يكلم عادي ولا كانه صار شي

هو بالمقابل كان يحاول يسيطر علي ويدخل ف شؤوني ف كل صغيرة وكبيرة بل اغلب مشاكلنا بسبب امور صغيرة مثل الكاسة مانظفت زين تاخرتي دقيقه تتصلين علي اكثر من مرة تزعجيني اشياء اتصرفها بعفوية الاقيها عاملة كومة غضب عنده واحيانا ما تكون هي السبب وانما تعبير عن عدم رضاه ف كل شي

مانسوف كثير لان اي سالفه يقلبها جدال ومن ثم صراخ ومن ثم هواش ف البداية طبعا كنت احاول اوضح وجه نظري الين خففت الين عدمت السوالف فصرنا ف الفترة الاخيرة من حياتنا مانحكي ابدا خوفا من الخصام الا للضروريات

زوجي ماتقبل شخصيتي ابدا ولا حاول يتقبلها مصر انه يغيرني انا شخصيتي باختصار قوية نوعا ما لكن قلبي نظيف اعفو لكن اخذ موقف مستقلة جدا خصوصا وقت مانتخاصم اعطيه حريته عشان يفكر ونرجع نتحاور لكن هذا كان يزيده كره لي يشوفني انه مو فارق معي وخصوصا انو هو الي كان يغلط علي
صريحة مااحب الف والدوران منظمة اميل للجدية في اغلب حياتي ولكني برضو مزوحة واتقن المزح لكن بحدود

زوجي عكسي يحب المزح الكثير من غير حدود لا يعترف بالاحترام في الالفاظ فوضوي مايحب التخطيط يعني يحب يعيش حياته وبس اي كانت

شخصيته ليس متتطلبه لكنه متعب لان الي يرضيهه اليوم يغصبه بكرا والعكس ومايثمن كلامه ابدا

مشاكلنا ارهقتنا نحن الاثنين انا صار عندي صداع ملازمني وهو بعد اشوف مو مرتاح رغم هروبه بالنوم او بالخروج لكن يستمر ف المشاكل وليس ف الحلول

زوجي جرحني كثير ف كلامه خصوصا لما صار يتكلم عن جسمي ويسفه فيني نفرت منه اكثر وماصرت اتقبله

انا اكلمه عادي مثلا اوجه له انتقاد هو يشوفه تجريح ويكبر الكلام لين تعظم ف نفسه ويزيد حقد

جونا مشحون جدا حتى ف احسن حالتنا ماينعرف متى حيقلب الموضوع نكد

انا بالنسبة لي تغيرت كثير وصرت احاول احتوي غضبه احاول اسكت لكن لان مو من شخصيتي السكوت صار الكبت يؤلمني ويزدني بعد وهو لا يفهمني ابدا


اخر شي قررنا ع الانفصال وكان قراره قال مانصلح لبعض وانا حاولت ادخل اهلك واخليهم يفهموك لكن انتي مثل ما انتي ماتفهمين وماتعرفين للحياة الزوجية فلاحسن ننفصل

طبعا احنا ماعندنا مشاكل لا ف طبخ والا ف امور البيت ولا في اي شي يتعلق ف هالامور عندنا مشكلة مابينا

زوجي يستنكرني ويستنكر تصرفاتي مع الناس وتعاملي معهم حتى طريقة ضيافتي كل شي مايعجبه مع اني اتقنه لكن بطريقتي وليس بطريقته بس دايما ينتقدني كذا يتقال ومو كذا وكذا يتسوى ومو كذا

بعد قراره انا طلبت منه نعطي نفسنا فرصة ثانيه ونحاول حتى لو نروح مستشار اسري يرشدنا ونستشيره ف قرارنا وافق ورحنا جلسه اولى وطلب المستشار تكون جلسات عشان يقدر يفهم الموضوع اكثر لكن زوجي كان يقولي احسن ننفصل قال لو هذا ف راسك لا تتعب نفسك وتضيع فلوسك سوي الي ف راسك لكن لو تبي حل انا اعطيك

زوجي وافق من غير رضى نكمل يقول نشوف وش اخرتها

لكن ف اثناء تخططينا لحجز مواعيد مستقبيله
صارت مشكلة اخرى بينا او بالاصح عدم تفاهم

انا وقتها استسلمت قلتله خلاص ماعاد ابي انا بعد تعبت لاني تعبت من تجريحاته وصحتي بدت تتاثر غير الشحوب والكأبه الي ظاهرة علي لا ويعايرني هو فيها يقولي شوفي وجهك وش صاير وانك انتي مهمله في نفسك وانا من حقي اشووف حرمة تهتم ف نفسها وفيني

طبعا لاحد يقول انا ما اهتم لكن هو عينه ماتتطيح الا ع الشين وللانسان مايقدر يكون كامل

بعدها هو ارتاح قالي خلاص متى تروحين بين اهلك قلت اي وقت تبيه
قالي تجهزي بجيك بعد شوي
ورحت بيت اهلي صار لي اسبوع تقريبا ع اساس ننفصل

هو كلم ابوي وقاله خلاص قررنا ننفصل ابوي قاله اصبرو شوي

صار زوجي يرسل يقولي ابوك يقولي اصبر اصبر ع ايش قلت مدري اساله

الان انا حالتي كالتالي
رغم انتظاري لهذا الموقف الي هو الانفصال الا اني حزينة اقول لنفسي انا تحسنت ويمكن اقدر اتعامل معاه
وف نفس الوقت زوجي طبعه صعب وكل الناس يعرفون هذا الشي ومقصر كثير ف دينه خصوصا صلاته وهذا الشي يحزني ويضايقني واقول اخاف اضحي ويضيع تضحيتي ع الفاضي مع شخص لا اخلاق ولا دين ولا حسن عشرة
غير كذا زوجي بايع ومو اول مرة هذه يقول فيها ننفصل كثير قالها لكن هذه اول مرة بقناعه منه وبهدوء فانا اقتنعت كمان لان الموضوع يكون عن تراضي افضل من انه يكون عن خصام ويمكن نكون بينا اطفال

فاذا حاولت اصلح الموضوع او اطلب منه نرجع كله بيجي فوق راسي وبطلع انا الغلطانه ويمكن ماقدر اسوي شي خصوصا انه هو خلاص مايبني
وانا مرتاحة كثير الحين واحس نفسيتي تحسنت لكن احساس الحزن ومحاولة التجربة او المغامرة بفرصة جديدة معاه تراودني

رغم اني لن استطيع الرجوع الا اذا حققت رغباته الي هي افصل من دوامي واجلس ف البيت بحجة انه يبي ست بيت قاعدة مع انه كان يعرف اني اشتغل قبل لا يخطبني لكن هذا كان من ضمن تواقعته انه بيجبرني عليه والشي الثاني يريد خلفة في اقرب وقت بغض النظر عن استمرار علاقتنا او لا او تفاهمنا واستقرارانا او لا اهم شي يخلف وهذين الموضوعين من اكثر المواضيع الي بيكررهم لما تبطل حججه ف اتهامته المتعددة لي فيلجأ لهذين الموضوعين عشان بضغط علي

طبعا امه ورا كل تصرفاته رغم انها ماشافت مني الا كل خير بس ماكانت راضيه من زواجه مني لانها ماختارتني

طولت عليكم رغم اني اختصرت
احساس الفشل يقتلني ماتعودت افشل ف حياتي ولا احب الاستسلام لكن هذا الرجل قهرني
حسبي الله ونعم الوكيل
انصحوني حاسة بانكسار وحزن وقهر

صراحة بما انه مايصلي ولايخاف ربه وبايع لاترجعين له ان طلق بسلامته

وان تراجع لاترجعين بسهوله والقرار الاول والاخير لك

والله ي حبييتي رغم رقي كلماتك واسلوبك المنطقي اﻻ انها تحمل بداخلها خيبة امل وحزن
الله يفرج همك
اكثري من الدعاء وروحي عمرة وادعي هناك والله يصلحلك الحال

لا ادري
استخيري
اذا فيه فرصه اغتنميها وارجعي
الطلاق مش لعبه
ولا هو سهل
خذي اجازه من عملك وشوفي الوضع

ماجربتي تغيرين اسلوبك؟

لا تجادلينه.. بس قولي حاضر وسايري حتى لو سويتي اللي براسك

واذا هن انتقادي على الفاضي والمليان.. اسكتي طنشي كلامه ولا تاخذينه على محمل الجد

كذا مايصير عليك مدخل!

اذا اسلوبك ماتغير ايش فايدة الفرصة الجديدة بدون نتائج ونفس المشكلة تنعاد مرة واثنين وثلاثة؟

اختي قرأة مشكلتك مرتان
ووجدات الااتي:

انتي شخصيتك قيادية وعلى بصولة الشخصيات تعتبري شخصية شمالية
وزوجك نفس الشخصية ولديكم صراع القادة على الزعامة والسيطرة على زمام الامور
واشغلتم انفسكم بذلك ولم يتنبة احد منكم لها ولو على فرضية اعطيتي زوجك القيادة كتجربة منك
لمدة شهر سوفا يتغير حالكم للافضل لان السفينة لايقودها الا ربان واحد فقط

وعسى الله يوفقكم يارب

__________________
سبحان الله وبحمده سبحان الله العظيم

أنا نفس شخصيتك بالضبط، ..........................
كل ما أملك هو أن أدعو لك أن يكتب لك مافيه الخير
ولا شك أنك في موقف لاتحسدين عليه
الله يلطف بك

__________________
ياصبحِ لاتِقبل !!
عط الليل من وقتك..

عدم اقتناع كل منكم بالثاني ادى لعدم تقبل كل منكم الاخر ...بصراحة من خلال ماقرأت زوجك ما عليه حسوفة ..عزيزتي مواصفات شخصيتك متزنة وعاقلة وراقية احمدي الله انه لايوجد اطفال وانفذي بجلدك من هذه المعناة فصحتك ونفسيتك اهم وربي يعوضك بما هو خير...واكثري من الاستخارة ..اسأل الله ان يوفقك لما فيه خير لك

__________________

يالله ياأسأت الإختيار ...

جيتي في بالي قبل فتره وقاعده اسال نفسي تطلقت هذي البنت ولالا


والله احييك انك كافحتي للتقريب بينكم رغم كل الي ذكرتيه عن زوجك الا انه يعشقك لما اتصل عليك وقال ابوك يقول نصبر صدقيني لو مايبغاك بجد كان قال لابوك ماابغى فرصه ابداً واتصاله عليك بيشوف ردك تمنيتك قلتي معاه حق انا وانت نحب بعض لكن شخصياتنا ماتقابلت وفي النهايه القرار عندك ... كان وجدتي رد مختلف منه...


ادعي الله اذا خير الطلاق ان ييسره وان شر يصرفه عنك ....

صديقه لي قياديه وموظفه وتعليمها عالي وزوجها تعليمه متوسط ويفرض رأييه بقوه لكن حياتها ماشيه تقول مره ارد عليه وعشرين اتنازل وتفضفض لنا عشان ترتاح

انتي شوفي نفسك هل في قلبك ميل له عشان تفتحو صفحه جديده غالباً الرجال يتأذو من الشخصيه القياديه يعني لا تتوقعي بتلاقي زوج يتقبل شخصية المرأه القياديه فبتضطري تتازلي اذا ماهو مع هذا مع غيره ...

فلو تحسي انه زوجك يستاهل تكافحي من جديد الله يقويك ....حاولي تثيري الحب بينكم الفتره هذي وانك رح تفقديه

وطمنينا عليك الله يسهل امورك ...

وفي شي ثاني لو قدر الله لك الرجوع لزوجك الاشياء البسيطه تجاهليها مثلاً قالك الكوب ليه مو نظيف قولي من عيوني انظفه لك ليه تتشنجي من الامور البسيطه حاولي تغصبي نفسك ع تسكيته بكلمات عاطفيه مع إبتسامه والله الابتسامه لها مفعول قوي جداً صدقيني رح ترتاحي وهو مع الوقت بيخفف انتقاد لانه لو بتشاجري معاه او تتضايقي ممكن يزيد

ولما ذكرتي مايحب ضيافتك ياقلبي شاركيه في الرأيي وجامليه ولو مانتي حابه تجامليه لا تظهري ذاتك وتقولي أنا كذا ...
لا خطأ قولي والله يا قلبي عاجبني لكن ابشر مره اعتمد طريقتك في ضيافتك ومره اعتمد طريقتي في الضيافه

طيب بكره بيجيك اطفال بتفرضي رأييك عليهم بكذا دفنتي شخصياتهم


بالنسبه للوظيفه لا تتنازلي عنها