طبعا وضعت موضوعي من قبل في قسم ساعدني بس ماوجدت تجاوب لانشغال العضو عن المنتدى ..
السلام عليكم .. احتاج مشورتك على الوجه السريع..

طبعا انا متزوجة لي سنتين ونصف .. الحمدلله موظفة وراتبي افضل من راتب زوجي3مرات .. مع ان زوجي عدل وضعه الوظيفي بس راتبه مازال على القد .. يعني شي يدفعه للاجار مع اني احيان كثيرة اساعده فيه .. وشي من راتبه يسدد قرض اخذه لزواجنا .. وشي من راتبه يعطيني في مبلغ السيارة اللي شريتها له مع انه مو كل شهر يعطيني حسب ظروفه .. ومصروف البيت كله ؤقوم فيه..

طبعا صارت مشاكل كثير بيني وبين زوجي اعتقد ان المادة هي السبب .. هو ينظر انه لازم انه اوقف معه اساعده اذا احتاج .. وانا اقول في خاطري انا ماقصرت عليه في السابق ووقفت معه كثير ..

اخر مشكلة صارت بيننا تصالحنا منها وبدبنا صفحة جديدة لنا اربع ايام .. وانا فعلا ابي افتح صفحة جديدة .. وبصراحة في المشاكل السابقة كنت اطلب من زوجي يوديني لاهلي لكن كان متمسك فيني لو مو عن طريق مباشر .. وبصراحة ايضا يخاف على مصلحتي وعلى مالي ومايحب لي اخسر شي منها ابدا الا في شيء ضروري..

انعم الله علي وشريت ارض باسمي طبعا على اساس ابنيها ونسكن فيها ونرتاح من الايجار .. لكن مترددة .. اخاف اعود زوجي على اني اتحمل كل شي وهو لا .. بس ارجع اقول بالنهاية شي باسمي حتى لو مادفع شي .. في الايام اللي كانت بيننا مشاكل قلت له ماعاد ببني البيت لان البيت عليك ودبر نفسك بس حنيت عليه ماعنده ومافي امل يصير عندنا بيت ملك في القريب ابد .. وبنفس الوقت ودي اسكن في بيت ملك لي احس اني ملكه فيه ..

فكرت نهاية الاسبوع نسافر انا وزوجي منطقة نغير جو وفكرت نجلس ونرتب امورنا من جديد .. افكر اقوله انت زوجي مالك مالي ومالي مالك .. ونتفق على المصاريف بيننا وكيف نوزعها .. فكرت اقوله ادفع قسط الدين اللي عليك وخل مبلغ نصرف منه شهريا وباقي راتبك نجمعه للايجار واكنسل اقساط السيارة واعتبرها هدية مني لان شهر يدفع وشهرين مايدفع على حسب ظروفه وابي اسةعده في هالنقطة لاني مستفيده من السيارة يراحة مايقصر علي في مشاويري يوديني ويجيبني وين ماابي وبأي وقت..مترددة قبل ما اتراجع عن كلامي لما كنت زعلانة منه اني بطلت ابني البيت .. مااعرف كيف اتصرف؟؟؟

وفي نقطة اخاف ابني البيت ويصير اخوانه يجون عندنا بالاجازات ويقعدون بالاسابيع في بيتي ومااخذ راحتي .. حاليا انا مااقدر استقبلها في بيت الايجار لان بيتي صغير .. بس اخاف اذا صار عندنا بيت كبير يكثر جيات اهله واخوانه وينحرج يقولهم هذا بيت زوجتي .. ما اعرف وش اسوي

اطلب منكم الاستشارة العاجلة.. واتمنى انكم ماتخيبوني وتتفاعلو مع موضوعي واستفيد منكم ومن ارائكم وتوجيهاتكم..

مستجدات
الرد 41
http://www.66n.com/forums/showpost.p...1&postcount=41

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

قاعدتي هي ،،، زوجك يستاهل ؟ والنعم فيه؟ يبان فيه الخير ؟ اذن يستحق كل مساعدتك واحذري المن! ... اذا بتعطينه معناه لازم تنسي انك اعطيتيه وما تتذكري هالموضوع مع كل مشكلة تصادفكم ... يعني المشكلة بوادي وتجي سالفة الفلوس معاها واللي هي بوادي ثاااني ...

دام كلشي بيكون باسمك من ارض وبيت اذن مافي خوف و ايضا اقولك اذا تحسين نفسك عند اي مشكلة راح تتذكري هالامور لانها جد تخليك تنفرين من زوجك او تحسيه قليل همه من ناحية المال في حين انه مو بيده هالشي اذن انصحك بعدم البناء وتصبرين الى ان يجي فرج رب العالمين ..

حبيبتي الحياة تعاون ، ودام انها موجوده لاتحرمي نفسك وزوجك وابناءك مستقبلا من هالنعمة واستمتعي وطنشي باقي الامور ... طبعا كل هذا اذا كان زوجك رجل ونعم الرجل ويستحق التضحية ... هالشي انتي الاعلم والاعرف به .. تعرفين شخصيته ، وتفكيره ، وهل يستحق الثقة ام لا ...

ربي يالف بين قلوبكم ويسخركم لبعض ان شاء الله ،،،

جزاك الله خير اختي كلامك جدا رائع،،

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

غدا ان شاءالله اتفقت معه نسافر يومين منطقة باردة نغير جو ونجدد روتين حيااتنا من جديد .. مازلت انتظر توجيهاتكم ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

سفرة بكرة على حساب من فيكم؟؟؟

ما تكلمنا على حساب مين بس طلبت منه ان غدا نسافر للمنطقة الفلانية فقال ان شاءالله من دون مانتكلم مين يتحمل السفرة..لكن اتوقع انه هو سيتحملها..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

من رأيي تخلينه يتحمل كل شي ، عشان ماتعودينه أنتِ تتحملين كل شيء ..
أما مسألة البيت فأشوف عادي توكلي على الله وابني وربي يبارك لك فيه ..

هذي فعلاً مشكلة ، بس ما أعرف كيف تنحل ،
بس نصيحتي لك لاتوقفين عن قرارك ببناء البيت مادام "بأسمك" .. مهم جداً تبنين . . البيت رح يفيدك كثير ومستقبلاً ..

وغير كذا زوجك رح يوفر بحكم انو خلاص مافي تسديد إيجار ..
وبيصير بس عليه " يسدد القرض والسيارة " وهذي بسيطة كل الرجال متحملين هالأشياء .

وإذا تقدرين "مستقبلاً" تبنين شقق وتأجرينها يكون أفضل ، عشان يزيد دخلك ويتضاعف .

__________________

عزيزتي
الحياة الجديدة التي بدأت من كم يوم
تحتاج منك لصبر لتري هل يستحق كل هذا
او ستتحسرين مستقبلا
هل انت و هو فعلا تغيرتما
ان قلتي نعم. فأنت مخطئة فالإنسان لا يتغير في مدة أسبوع
اختبري نفسك على تحمله و انظري.

__________________

+ القرارات المصيرية لاتبنى على "لحظة" صفاء

لا تبخلين.. لكن اعطي بحدود

تقدرين تشترين عقار وتاجرينه

مو شرط يسكن هو فيه.. للزمن عشانك ولضمانك الشخصي

وبنفس الوقت تعيشين تحت جناحه يدفع سكنك و يؤمنه ويحس بالمسؤولية

وتعيش هي بمنزل ايجار وتترك منزلها الملك فقط عشان يحس بالمسؤولية..

قلة المادة وعدم المقدر على سكن ملك ما له دخل بالمسؤولية ابد.. العقار غالي جدا ومن الصعب جدا ان يمتلك شاب منزل بهذا الزمن الا بعد سنين طويلة...
زوجها تقول ان دخله ضعيف والمادة حاجرته وهي تساعده لكن للأسف تمن عليه وقت المشاكل وهذي قوية بحق الرجل..