انا تزوجت لي خمس سنوات عمريّ 23 معي بنتين
من خذيته يضربني ويهيني ويسبني مايحترمني ابد ابد ولا لي قيمه عنده 24 ساعه برا البيت تحملت وتحملت

‏ودخلت الشرطه والمحاكم بينا ورجعت اعطيه فرصه

كتب الله وحملت بنتي ونفس الموال صبرت عشان بنتي
دايم يضربني يهيني وصلت فيه يقذفني ويشتمني

‏وخذا بنتي مني مره وخلا امه واخوه يقطوني بيت اهلي وجبت بنتي عن طريق المحكمه
وقدر الله ورجعت قلت يمكن يتغير طبعا الحال مثل ماهو والعالم الله

‏حالي ماتغير ابد لدرجه يضرب بنته ولا اقدر اسويلها شي يضربني معها

حاول يتقرب من خواتي بس ماحصل مراده ومن خذيته بنات وخيانات لدرجه يجيب لبيتي

‏وتحملت وتحملت وجبت بنتي الثانيه
ماعندي سلاح الا دموعي وادعي ربي وحالي مثل ماهو ازداد سوء من تعامل لصرف لكل شي ياطالع ياعلى جواله
‏يدخل يغلط يطلع يغلط نادر جدا يضحك او يسولف معي
وصلت انه يطلبني ابوس رجوله وتحملت
ياخوي كثير كثير ماظن احد تحمل الذل الي امت عايشته والحسره

‏فوق انه يسب يهاوش يغلط يشتم يقذف ودايم يا موقف يامسجون
معروف راعي مشاكل وصلت انه انحكم بشهر 10 الي راح قضية ابتزاز وانحكم سنه و7 شهور
‏وجاء العفو وطلع بعد 7 شهور سجن مع ذلك ماتخليت عنه رغم انه اوجعني وكسر قلبيّ ولا احد يدري وش العذاب الي عايشته

‏ساكته ومتحمله ابوي مايهمه شي ولا يبيني إنا وامي وخواتي وامي فيها سكر وهي الي تصرف ع البيت وعلى خواتي واخواني ماشاءالله عددهم كثير يادوب تلحق

‏المحكمه اكثر من الف مره مايوقفون معي حقي ضايع وصلت فيه من طلع من السجن انه يضربني ويجبرني على اكل حبوب كبتاجون يشدني مع شعري ‏ويضربني

والشاهد الله على كلامي اكثر من مره يوكلني كان يعطيني مسمى اخر الين اخر مره نفسيتي تعبت وتعبت زياده منه قلت يمه زوجي يعطيني حبوب

‏ويجبرني عليها بالقوه
وقررت ما اكلهن كالعاده يشربني ماء على طول اخر مره يحسب اني اكلتهم حطيتهم تحت لساني لين تطمن وطلعتها وشلتها طعم جدا مر

‏لدرجه ما انام يومين ثلاث ايام ونفسيتي زفت انسدت نفسي من كل شي الين قبل كم يوم ا خذا بناتي وحذفني لاهلي بالغصب جاب بناتي بعد ماهددته بالحبه الي‏ معي

لدرجه استغفرالله وعذرا وقت العلاقه يقول تخيليني اخوانك وناديني باسمائهم وكلام والله يفشل واستحي اقوله عليم الله حالتي معه جدا سيئه كل شي كل شي سواه فيني وش اردى يعطيني
‏حبوب وانا زوجته
شلون بناتي بكرا كل ماضربني يقول جيبي مهري واذلفي من وين لي وابوي مايعطي ريال وكل شي حسره متزوجه اهله ماهو هو ماله راي

‏رحنا الهيئه وقالو كبتاجون حسبي الله
‏علما انا بيت اهلي حذفني من الخميس ساعدوني تكفون وش اسوي


تم تعديل العنوان ليتناسب مع المضمون

شو تسوين؟!!!!

تسألين؟!!



شو تنتظرين يسوي أكثر عشان تفكين عمرج منه؟!!

__________________


اللهم طِيبَ الأثر .. وحُسْنَ الرحيل.

الله يكون بعونك

__________________

(( هناك مواقف أيقظتني وصنعتني من جديد..
وهناك علاقات توقعت منها الكثير ووجدت منها القليل..
وهناك دروس لم تكن بالحسبان، لكنها علمتني الأنتباه ! ))

خليكي في بيت اهلك ولا تطلعي هذا مجنون
حسبي الله ونعم الوكيل
روحي ارفعي قضية في المحكمة فسخ للضرر
وطالبي بحضانة بنتك ونفقتها الله يعينك

وش تنتظرين بعد! !!!

لا تخافي ما راح تدفعين ولا ريال الخلع يكون اذا كانت الزوجة لا تريد زوجها كرها له وليس متضررة
المحكمة راح تفسخ العقد بدون ماتدفعي شيء بس احفظ الادلة

__________________

عزيزتي تطلقي منه ..
إذا هو صاحب علاقات محرمه وكبتاجون ويحاول يتقرب من خواتك وراعي مشاكل ..!
عندك بنتين حافظي عليهم .. والدولة تعطيك ضمان إجتماعي + دوري لك على شغل.

وايش يعني ابوك مايبيك !!!

__________________

المشكله استنت لين تدبست ببنتين منه!!
المكتوب باين من عنوانه من اول حياتكم يا عزيزتي ..

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..

لا حول ولا قوة الا بالله !!!
انا لله وانا اليه راجعون ...!
هذا مسكين ...وليس في عقله الان الا ان يهديه الله ..هذا اجرام بعينه ..
أختي لا تفكرين ترجعين له ابددد .. اذا وصل الى هذه الحاله هذا ضرر عليك وعلى بناتك ..
حتى بناتك حاولي ما يجلسون عنده هذا خطر عليهم ... اعوذ بالله وصل به الحال الى مخدرات وخيانات ويشبه نفسه باخوانك اعوذذذذذ بالله ..
يارب رحمتك ...
أختي حقك لن يضيع والله معك اذا انتي على حق ..
أحتفظي بدلائل عندك ولا يستطيع ان يجعلك ترجعين المهر .. ولاتصبح هذه نقطة ضعفك ..
الله يفرج همك ياارب ..