السلام عليكم ورحمة الله
اخواني سبق وكتبت عن موضوعي وطلاقي بالموقع

والحينه موضوعي اخذ منحنى جديد

راح اشرح موضوعي بالمختصر
تزوجت انسانه احبها وتحبني
ولا اعلم ايش اللي صار لي ولها وبعد شهرين تطلقنا
وكل هاذا كان بسبب الشك وتدخل اهلها وامور احس اني استعجلت وكنت متهور ولا فكرت

طبعا بعد الطلاق سافرت من السعوديه لامريكا دوره ولي الحينه عشر شهور

طبعا تعبت وربي تعبت ببعدها عني والله تعبت ووصلت لدرجة اني انعزلت عن العالم واربع وعشرين ساعه مكشر
وطفشان
مرت اكثر من اربع شهور وانا على هالحاله
طبعا اختي راحت وخطبت لي صاحبتها وانا ما اعرف وما خطبتها بس سالت البنت وسمعت بالكلام طليقتي
مع العلم انها ليست من قبيلتي
وبعدها كلمت البنت وقالت لها كلام كثير عني وكذا
اختي قالت لي والبنت كلمتها وقالت لها الكلام وقالت انا تهاوشت معاها وانا اعرف اخوك ولا علي منها وهي مو صاحيه
المهم قالت لي اختي وقالت شفت اللي تحبها ايش تقول فيك وكذا
انا ملغي سالفت الزواج نهائيا نهائيا
لاني مستحيل اتزوج انسانه على حساب انسانه ثانيه
المهم بعد السالفه باسبوعين جاني اتصال واذا بها طليقتي
طبعا انا ما قدرت اقاولم وكلمتها
المهم بالاخير انا وهي اعترفنا بخطائنا وكل واحد ندمان ندمان
المهم انا مطلق بالثلاث وطلعت صك
المهم قالت موضوع سحر ومدري ايش انا من الناس اللي ما يامنون بالاشياء هاذي
وكلمت الافتاء ورفضوا يقولون صك خلاص ما فيه رجعه
مع ان الطلاق حسبه الشيخ طلاق بائن ثلاث طلقات لاني ارسلت لها انت طالق ثم طالق ثم طالق وكان عليها الدوره وطلقت وانا غضبان

المهم كلمتها وحاولت اقطع علاقتي معاه وجلست تترجاني وانا اتالم
المهم ابعدنا حوالي شهر
ولكن لاسف لا قدرت اقاوم
والله اني حاولت وحاولت وحاولت
ولكن والله مو بيدي احبها وربي احبها
واالله ما ادري ايش اقول ولكن تعبت
انا رجعت احبها اكثر من اول
وهي نفس الشي
وقلت اذا رجعت السعوديه اروح لشيخ واحاول

والله ذبحني التفكير وانا مضغوط علي اهلي كل يوم مكلميني عن الزواج
وابوي ناشب ولاسف زعلان علي
لان عمي وناس ثانين كلموه وقال لي وانا رفضت نهائيا
وهو راكب راسه الى اذا رجعت تتزوج
وانا وعدتها ما اتزوج غيرها ولى انتظرها لين تتزوج
وانا تعبت والله
ما استغني عن رايكم
ونصيحتكم
او اذا فيه احد عنده علم بالطلاق






تم تغيير العنوان ليتناسب مع المضمون

والله ياسيدي مااقدر افتيك بشكل شخصي لكن اذكر لك واحد من أقربائي طلق زوجته ثلاث طلقات في مجلس واحد
واستفتى واعتبرت له طلقه واحده اذهب للشيخ رئيس هيئة كبار العلماء في الرياض ولا توزع نفسك بين فلان وعلان
الله يكتب لك الخير وتبشرنا عنك بما يسر

ان شاء الله
انا باقي واخلص دورتي بعد شهرين وارجع من امريكا ان شاء الله واللله بيسرها
دعاكم

طلعت كذا فتوى ان الطلاق ثلاث مرات بمجلس واحد يعتبر طلقه وحده
والله اعلم فاياليت تخبرنا بلي يصير معك لان نفس موقفك انا وماعندي احد اساله هني في الكويت لان طلاقنا من ايام وانا لزمت عليه والله يكتبلك الرجوع يارب وم تحرم عليك باذن الله

ابشري ان شاء الله اشوف وارد لك
والله يسرها

اخوي سو بحث هل يوتوب طلاق الثلاث بجلسه وحده راح يطلعلك فتاوي العلماء وبرامج دينيه الاغلبيه تاكد انها تعتبر طلقه وحده وبشرنا وان شاءالله خير

المشكلة صدور الصك من المحكمة..

لو ما صدر الصك.. ممكن جدا تعتبر طلقة واحدة.. وصعب تجد عالم يقبل مناقشة موضوعك بعد صدور صك المحكمة حتى لو كان يرى الطلاق بثلاث في مجلس واحد طلقة واحدة..

تواصل مع المفتي وشوف وش يقول لك.. ولا تدور بعدها على أقوال ثانية ولا تعيش بماضيك.. وأمض في حياتك..

...
..
.

__________________
سأكتبُ شعريَ الباكي ..... بدمع القلب لا الحبرِ
أُسَطِّرُهُ على كبدي ..... وأتركُ دَفْتَرَ الشِّعْرِ
جراحُ أحبتي في الأرضِ ..... تبعثُ عاصِفَ الفِكْرِ

هلا والله
كلامك على العين والراس
لكن والله والله مو بيدي
والله حاولت انسى وابعد ولكن والله ما قدرة وهي نفس الشي
يمكن تقول الشيطان ولكن والله اني احبها وتزوجتها عن حب
والحب الله اللي انزله وهو القادر على نزعه

انا بقولك الي اعرفه ومن تجربتي انا طليقي طلقني ب انت طالق طالق طالق وانحسبت وحده بس لانه يعتبر تكرار بس اذا انت طالق ثم طالق او طالق و طالق بوجود حروف العطف يقع ثلاث انا كلمت الافتاء وكذا قالولي لانه يعتبر بها الصيغة تاكيد للطلاق . الله يكون بعونك وعونها والله اني حاسه فيكم الله يهون عليكم ماعليه انت جرب وحاول وربك كريم بيفرجها .

اقتباس:

وكلمت الافتاء ورفضوا يقولون صك خلاص ما فيه رجعه مع ان الطلاق حسبه الشيخ طلاق بائن ثلاث طلقات لاني ارسلت لها انت طالق ثم طالق ثم طالق وكان عليها الدوره وطلقت وانا غضبان

الرسالة كناية في الطلاق وليس تصريح فإذا ما نويت الطلاق عندك مخرج تنقض الصك وأنت وذمتك .

http://fatwa.islamweb.net/fatwa/inde...waId&Id=133218

__________________
قال ﷺ ( والذي نفس محمد بيده ما تواد اثنان ففُرق بينهما ؛ إلا بذنب يحدثه أحدهما ) .