السلام عليكم و رحمة الله بركاته

اخواني المدخنين و المتزوجين خاصة ..

اذا عزمت تترك التدخين ..
ايش المطلوب من زوجتك وقتها عشان تدعمك !؟

و زوجات المدخنين .. ممكن تجاربكم !!

.
.

انا اكتشفت انه زوجي يدخن من 3 سنوات ..
و ما كان يدخن بداية الزواج .. لكن كان يتمنى ..
و ما كنت اعرف الصراحة انه بدا يدخن و لانه اخواني ما يدخنوا الحمدلله ..

كان يقول لي زوجي انه الريحة بسبب أصحابه معاه في السيارة او في المكتب ..
و عشان زوجي يعرف انه شروطي بداية ما تقدم لي .. انه الشخص ما يدخن فكان خايف اني اكشفه
.
.

المهم ..

أهله كمان ما كانوا يعرفوا .. بس ابوه لما عرف .. صار كل مرة يعطيه نصائح و خطب ..
و أمه تدعي له انه يترك الدخان

.
.

طبعا انا عندي ممنوع انه يدخن قدامي .. و لا قدام الاولاد
و لا في البيت .. و لا أشوفها في جيوبه و لا داخل البيت

و تركته براحته .. لكن انصحه مرات ما بين و بين ..

خاصة انه أبوي في شبابه الله يرحمه كان يدخن بشراهة ..
و ترك الدخان .. و جاله سرطان بسبب التدخين و توفى مباشرة الله يرحمه و نحن صغار ..

فما ابغى أولادي يصير لهم الي صار لي ..
يعيشوا بدون أب لا سمح الله

.
.

زوجي من اول حاط نية .. و يقول لي كم مرة ..
و اتفق مرة مع صاحبه .. و اتحدى مرة صاحبه التاني .. و بعدين اتحدى اخوه ..
و ترك مرة لمدة يومين و جاني مبسوط و كنت حاسة انه بيرجع لانه ادمان ..

قبل رمضان قالي ابغى اترك التدخين في اول يوم من رمضان ..
طبعا شفته مستمر و ما كلمته ..
يبان من ريحته او من البكت لما اشوفه في الدرج الي جنب جهته او من الولاعة في جيبه

.
.

امس .. كان راجع من الحرم ..

و هو يصلي دحين التراويح و الحمدلله في الحرم و يفطر هناك ..
و مرات يصلي امام في ركعتين التراويح و في مسجد من المساجد


امس كنّا في السيارة و فاتح الراديو على صوت الشيخ يدعي في الصلاة
و كان يسوق و هو سرحااااااااان .. و يفكر في شي ..

بعدين طالع فيا مبتسم .. و وراني علبة السجاير حقته .. و فتح طاقة السيارة
و رماه و رمى الولاعة معاها ..

بس بعدين على وقت السحور .. شفته ساااااااااكت برضو و مسرح ..
سألته فيه شي مضايقك !؟

قال لا عادي .. هذه أعراض طبيعية للي يترك الدخان
صداع و عصبية مرات و كذا ..

.
.

المهم انا كيف ممكن أساعده !؟

زوجي ما يحب النصائح الكثيرة ..
لانه متعود ابوه يعطيه نصائح و يطفش و يعاند و يستمر ..

انا اسكت و اطبطب عليه و ابتسم له ..
او احضنه مرات .. او أحط يدي على يده لو في السيارة ..

.
.

بس ماعرف بجد ..
ايش ممكن اعمل ؟؟

اخاف اقول شي او اعمل شي ..
و أخليه يرجع من جديد .. !

.
.

كنت لما أشجعه يترك التدخين ..
اشوفه مع الاولاد مثلا مبسوطين يلعبوا معاه ..

اقول له مالك نفس تشوف اولادهم !؟
تشوفهم رجال حوالينك كبار !؟

طيب ليه كذا تعمل في نفسك ! ليه تاخد السم هذا !؟
شوف أبويا كيف مات الله يرحمه !؟

ترى نفس الأعراض الي كانت تجيه ..
أشوفها فيك دحين .. صداع و حرقان و كحة و كله بيتكرر قدامي ..
و ما ابغى اخسرك ..مثل ما خسرته ..

.
.

بس ما أكثر عليه .. ممكن مرة في الشهر كنت افتح له الموضوع فقط
و يسكت و يخجل و ما يرد .. و بقول ادعي لي و انا ناوي باْذن الله
و يرفض انه يروح اي جمعية او ياخد اي أدوية .. ما يؤمن بهم و يقول تكفي الإرادة

.
.

اليوم راح تعدي عليه 24 ساعة ما دخن ...
متوقعة انه بيرجع لها بعد الفطور !

ماعرف ..

هل هناك نصائح !؟

الاقلاع عن التدخين لازم له خطة علاجية.. مش من يوم وليلة ومثل ماهو متعارف عليه كذا..

لانه ادمان والادمان مايتعالج بهذي الطريقة

في عيادات متخصصة بترك التدخين خليه يروح لها 👍

الله يكتب اللي فيه الخير

__________________

اختلافي عنك لا يعني اختلافي معك

قناعة + إرادة ..

هذا ما يحتاجه زوجك و عندها سيعرف الطريق جيدا وخاصة المراكز المتخصصة في علاج المدخنين .. وكثير من المدخنين مقتنعين بضرره لكنهم لا يملكون الإرادة للتخلص منه .. وأول سلم للإرادة التوبة الصادقة ..

دورك سيكون ثانوي فقط .. ومؤثر .. ابتعدي عن نصحه .. وأظهري سعادتك بهذه الخطوة ولا بأس أن تهديه سواك .. وعود .. والدعاء له ..

موفقة يا كريمة

__________________

أعانك الله أختي الفاضلة ..
أشفق على زوجات المدخنين .. لا أعلم كيف يستحملون ريحة الدخان!!
بل استغرب من المدخن نفسه كيف يستحمل ريحة الدخان !!
تصرفات زوجج تدل على رغبة ونية في تررك التدخين .. لكن عشان ينجح لازم يبعد من المدخنين والاسباب اللي تغريه في التدخين ..
عطيه مسوواك يشغل نفسه فيه ..مطهرة للفم و مرضاة للرب ..
اسال الله العظيم رب العرش العظيم ان يعافي زوجج من التدخين.. اللهم امين ..

__________________
"إنه ليقف خاطري في المسألة والشئ أو الحاجة التي تشكل علي فأستغفرالله تعالى ألف مرة أو أكثر أو أقل حتى ينشرح الصدر وينحل إشكال ما أشكل"-ابن تيمية.

اش رايك في اللي ترك التدخين 3 سنوات
ثم رجعله بشراهه
تحطيم 😕

هو غير مقتنع بالكلام هذا أبدا ،.

.
.

هو حاليا معاه سواك ، و من أول يوم في رمضان و بيستخدمه باستمرار ..

بالنسبة للارادة ،، فالله أعلم ..
ماقدر احكم ..


.
.

معاه مسواك من أول يوم في رمضان ..
و بالنسبة لأصحابه ، فأتوقع اغلب الشعب السعودي - مدخنين ؟ -
و صعب يبتعد عن أي شخص مدخن ..

أخو زوجي - مدخن أيضاً ..
و أبو زوجي - سابقاً و قبل 20 سنة - كان أيضا مدخن و بشراهة ، و ترك التدمرض القلب و السكر و الضغط ، و ب أمراض عديدة جات له .. و التزامه دينياً ..


.
.

تحطيم و بقوووووووووووووووووووة ..

موضوعك جا في وقته

أنا مره أعاني هذي الفترة لأَنِّي أتوحم

وتضايقت مره لأنه ما صارحني أنه مدخن لما خطبني


سؤال : لماذا التدخين هل هو من الرجوله ؟

لا .. ليس من الرجولة في شيء .. ..

__________________

اذا تبينة يترك التدخين لاتزعلينة
خليك حنونة وفر معة

__________________
سبحان الله وبحمده سبحان الله العظيم

هذا هو مربط الفرس

الرجل لا يدخن ويحاول تحسين مزاجة الا اذا مزعوج ومهموم ومكبوت ومكدوح

والزوجة هي ترمومتر مزاج الزوج