السلام عليكم

يسعد مساءكم

شلونكم يالزلمات ؟ وكل سنة وانتم طيبين

حاب افضفض شوي معكم

في مثل هذا اليوم من عام 2009 افترقنا انا وزوجتي للابد

يعلم الله ان علاقتنا كانت ممتازة لكن القعم فرقنا وجميعنا تعبنا من الطلاق

مدري ليه الي يحبوا بعض لازم نهايتهم مأساوية !!
بس الحمدلله الحمدلله سلمت امري لله وراضي بقضائه وقدره

وعاد الله وفقها وتزوجت ومن زود الحب حضرت زواجها ويوم انجبت بنتها باركت لاهلها وجبت لها طقم ذهب وخليت امها تهديها على انها هديه منها مو مني

المهم ربي ما وفقهم وتطلقوا بعد 4 سنين زواج وبينهم بنت وولد الصراحة مستغرب كيف فرط فيها بس يلا رجال اخر زمن

المهم من زمان وانا ملاحظ تلميحات من اهلها اني ارجعها وخاصة ابوها واخوها
بس كنت اطنش بصراحة مدري ليه رغم اني احبها وعانيت من بعد الطلاق وتمنيت اننا ترجع لبعض بس احس بعد هالسنين ان الحب تلاشى وخلاص معد ابغى اجرب الزواج مرة ثانية

قبل فترة كلمني ابوها وقلي ان بنته تتمنى ترجعلك وكلمتني امها بعد
قلت استخير والله يكتب للي فيه الخير بعدها قفلت السالفة

حتى لاحظت عليها حركات مثلا تابعتني ع تويتر وتحطلي لايك ع كل تغريدة ومرة دخلت ع حسابها لقيتها كاتبة بيوت شعر من نصوصها واضح انها تتكلم عني من خلال ذكر مواقف حصلت بيننا وكذا

المهم يا اخي الرجل لو كنت مكاني ترجعها ؟

ايضا اخواتي العضوات لا تحرمونا من ارائكم

رجعها دام تحبون بعض
واعتبر عيالها عيالك وخذ أجر فيهم

والله متأكدة لو رجعتو لبعض بتعيشون احلا ايامكم

اجزم انك بترجعها لانها انسانه ممتازه
الله يوفقكم ويسعدكم

__________________
من عاش لله ومات لله فقد ربح دنياه وأخرته...

يعطيكي العافية

والله مدري يا اختي
بس الله يكتب الي فيه الخير

يعطيكي العافية

ايش يمنعك من إرجاعها !؟

تخيل لو انها انتظرتك و بعدين خطبها واحد تاني غيرك و تزوجها !؟
تجلس تقول ليت و ياليت !؟

.
.

رجعها ياخوي ..

بالعكس الله يوفقها

عني نا بعد رجال وربع سنوات عاشت معة ما رجعها وتزوج وشوف حياتي مع غيرها
وهي ربي يوفقها

__________________
سبحان الله وبحمده سبحان الله العظيم

انت طلقتها من نفسك او هي طلبت الطلاق

__________________
الحمد لله بلا سبب ولا طلب..
الحمد لله في حياتي وبعد مماتي..
الحمد لله دائمآ وأبدا..

هي من طلبت وبطريقة سيئة بس عذرتها