تم تغيير العنوان ليتناسب مع المضمون

والله اذا كنتم متفقين ومتفاهمين على الرجعة
والرجال كويس اهلك مالهم حق يحرموكم من بعض
اضغطي على الوالد والوالدة وقنعيهم ان عمرك راح
لا بيت ولا زوج ولاستقرار ولااطفال . وان شاءالله يتغير الحال

__________________
سبحان الله وبحمده سبحان الله العظيم

من الأول متفقين لكن المشكله في أهلي من يوم مابلغت وكبرت
كل ماتقدم لي شخص حتى لوكان من نفس قبيلتهم بس الفخذ مختلف يرفضونه
عنصريين مايحترمون غير فخذهم وقبيلتهم فقط
الوالدة هي المسيطره في البيت كل همها برستيجها المظاهر الماديات
بنظري البيت الذي تحكمه إمرأه ( يضيع ) طبعا أقول هالكلام عن تجربه مره
لما تزوجت زوجي أصريت عليه لاني كبرت ومن حقي أتزوج
بعد الزواج صارت تكلمه من صباح الله خير وهو في دوامه تدخل بأمور ماتخصها
تتهاوش مع أمه تخلق المشكله من لاشي يعني صار تخبيب على أصوله
حتى دخل الشيطان بينا وتم الطلاق للأسف


آمين ياأخ عبدالله إللي صار ظلم و تخبيب كل ماأذكر إللي صار أتعب
الآن صار إللي صار مو حابه أكتب تفاصيل أكثر عن الماضي وكيف تم الطلاق
ساعدوني بحل لنا بارك الله فيكم

حاول التواصل مع أهلي ردهم له تطنيش حقران شهور ماأحد يرد عليه
آخر مره قالوا له انخطبت تزوجت كذذذذب ! حسبي الله ونعم الوكيل

طيب اختي ماهي الامور
التي قام بها طليقك
لاعادتك الى ذمته

الله يسهل امورك يا اختي وترجعون ل بعض مثل اول وأحسن

ممكن تعطينا فكره كيف صار الطلاق وكيف حدث الاتفاق غِل العوده ؟

الله يسهل امرك ي اختي حاولي في أمك أو حتى اخوانك انك تبغي ترجعي له وانكم متفقين ع خط الرجعه حرام اذا انتم ندمانين ع الطلاق وتبون ترجعون لبعض وتوقف مشاكل الاهل بينكم
كل دعواتي لك بتيسر أمرك وامر كل مسلم

اذا كانت اسباب الطلاق بسيطه الى هذا الحد ايش الي كبر الموضوع براسهم لها الدرجة اشرحي لنا شوي

__________________
تمنيت حبـاً يدوم طويـلاً .. فـدام الحب وَ رحل الحبيب.

تقريبا مشابه لقصتي
اسأل الله الفرج للجميع

نفس الوضع اللي عندي

طليقتي تبي ترجع بس اهلها معندين

المشكلة فيكن

الوحدة تفزع اهلها ثم يتمشكلون مع الرجال

وتجئ في النهاية تبيهم يتصالحوا : )

فلم هندي هو : )

آمين يارب العالمين دعواتك بارك الله فيك ويسرلك أمرك

كتبت في الرد السابق
آمين يارب العالمين أسأل الله الفرج لي ولك
لا تفتي من عندك رجاءاَ !! قل خيراً أو أصمت