السلام عليكم
اعرف ان موضوعي المفترض يكون في قسم ثاني
لكن انا اتعمدت اضعه هنا
لاني احتاج رأي المتزوجين والمتزوجات
خصوصا الرجال
رجاء يامشرفين لا تنقلونه على الاقل بس اسبوع


أنا مبتعثة مع اخوي والصراحة صديق آخوي عاجبني
اخوي يسولف عنه دايم وعن اخلاقه
لعاد اني حبيته!
اليوم اخوي يسولف عنه قلت ليش ماتخطبني له!
الصراحة انصدم اخوي (مالومه)
بس قلت له عادي مافيه شيء صدق انا اعجبتني اخلاقه والتزامه
وخديجة رضي الله عنه خطبت الرسول
المهم
اخوي اقتنع

لكن الان مبتلشين
مااعرف كيف نخطبه!!

اخوي الصراحة ماعنده حسن تصرف وانا بعد
يقول اخوي اخاف يرفض وانحرج معه بعدين هو صديقي موسع صدري في الغربة

والله ياعالم مادري وشلون نحلها
وقلت مابي اتسرع هذي المرة

لكن كيف اتصرف
نلمح له؟ او نقولها له مباشرة؟ والا نسكت؟

ياخواني واخوات اتمنى تعدوني مثل اختكم وكونوا صادقين بردكم لان والله والله مادري وين ربي حاطني خصوصا بمثل هذه المواضيع دايم اجيب العيد
اي شي تقولونه بنفذه مباشرة

تأكدتوا انه مو خاطب أحد من بنات عمه أو ديرته

__________________
"أليس الصبح بقريب"
قال عليه الصلاة والسلام: إني أحرّج عليكم حق الضعيفين ، اليتيم والمرأة.

ايه مو خاطب
يسولف على اخوي انه يفكر بالزواج لكنه خايف يتزوج وحده غير مرتبة وكذا

اذا جدا جدا واثقة ان الولد كويس وتعرفين عن عائلته وبيئته وان كل شي مناسب..

سوقي لنفسك من بعيد لبعيد بدون العرض المباشر.. لو بعدها شاف ومابادر معناها ماضبط الوضع..

عشان انتي ماتخسرين ولا اخوك يخسر

__________________

اختلافي عنك لا يعني اختلافي معك

اخوي يمدحه مره (اخلاقه ورجولته والتزامه) وهو من نفس منطقتي
لكن
ماعرف عن اهله شيء لكن شكلهم ناس طيبين

كيف اسوق من بعيد لبعيد يعني ايش اسوي؟

لا لازم تعرفين عن اهله اذا كذا وتتاكدين.. قد مايكون في تكافؤ من ناحية معينة منعا لاي احراج من الطرفين..

وقصدت بكلامي افتعال مواقف معينة..

مثلا يقدر اخوك يتكلم عنك انك سويتي له خدمة جبارة اليوم اللي قبله

يسولف ومن ضمن السوالف يذكرك بموقف..الخ

ترا مو شرط تضبط.. مثل ما العرض مو شرط يضبط..

__________________

اختلافي عنك لا يعني اختلافي معك

انا بتزوجه هو مالي علاقة باهله
كيف يعني مافيه توافق ؟ قصدك يعني قبائل وكذا؟ كلنا قبائل


ايه حلو اقول لاخوي يسولف عني، ايه صدقتي ممكن تضبط واحتمال كبير لا
بس قلت نحاول الواحد مايدري

وش خطبته الله يهديك

وبعدين وش جاب زمننا لزمن الرسول عليه الصلاه والسلام

انتبهي وعدي للالف شكلك صغيره سن

فرضا لو تزوجتى مع اول مشكله بيعايرك
ماهكذا تورد الابل
ولا بهالطريقه نوصل لاهدافنا
بامكانك نبهتى اخوك مايجيب سيرته مايتكلم بالكم والكثره عنه

ولو وقع بقلبك شيء من حبه افرشي سجادتك وادعي الله يوفق مابينكم قلوب العباد بين يديه

اتمنى انك تلتفتين لهدفك الان واكمال دراستك ولا تستعجلين فتندمين وتعظين اصابع الندم

__________________
ان لم تستطع التفاؤل ،،
فلا تخبر أحدآ أنك متشائم .

مرحبا اختي
اولا انا ماني صغيرة (ثلاثينية)
ثانيا انا ماحبيته بالشكل اللي متصورته ... لا
انا اعجبتني اخلاقه واتمنى الارتباط فيه على سنة الله ورسوله بصورة مااحرجه او احرج نفسي

طبعا مع فرش السجادة احتاج حلول عملية

متل ما أخوك كلمك عنه و عن أخلاقه و صفاته الجميلة الى أن حببك فيه ..

يعمل نفس الشي معاه .. يتكلم عنك أمامه و يمدح فيكي و في صفاتك الجميلة الى أن يتمناك ...

__________________
أبسط شيء في الأناقة نظافة قلبك