السلام عليكم و رحمة الله

أخواني خواتي أرجو من الله ثم منكم مساعدتي بالرأي و نقاش مشكلتي مع زوجتي.

أولاً الشهادة لله زوجتي أنسانة محترمة قائمة بجميع وأجبتها بكمل وجه من ناحية البيت و عدم التكليف على بأي شي و أنا أقدر لها كل هذه و لذالك أبغى حل لمشكلتي بدون ما اجرحها او انتقدها.

مشكلة زوجتي التالي :

- حساسة لدرجة ساذجة جداً جداً أي كلمة عادية او نقاش عادي على طول تفهم الموضوع بطريقة غريبة و سلبية جداً.

- دائماً عبوسة و تبحث عن الهموم أفصل لكم هنا؛


أول 6 أشهر زواج بكاء و نياح طوال الوقت مشتاقة لأهلي مع أني ساكن بمدينة أخرى كانت كل أسبوعين تجلس ثلاث ايام مع اَهلها و بحكم انها تدرس بالجامعة اسمح لها تجلس اي اجازة عند اَهلها (أسبوعين و شهر ووو)


ثاني 6 أشهر نياح و بكاء أنا ما حملت اكيد راح تتركني و تتزوج علي ووووو مع أني ما كنت مستعجل ابدا على الحمل و كنت دايم أقول لها أني أساسا ما أبغى حمل خلال اول سنة. بعد سنة زواج حملت زوجتي.


ثالث 6 شهور بكاء و نياح من شغل البيت انه متعب و كنت اطلب منها انها ما تشتغل عااادي أهم شي هي ترتاح لكن طبيعتها تبغى تحصل لها سبب تكون حزينة و تبكي. و بعدها بدأت موجة الخوف من الولادة و انه ممكن اموت وووووو و حياة تعيسة جداً


و الان تبكي و مهمومة بسبب الولد انها ما تقدر تتحمل مسؤليته و طلبت مني انها تتركه مع أمها فترة كم شهر فقط و وافقت و الان أيضاً تبكي و مهمومة....


حياتي معها مملة مملة لابعد حد طفششششت من وجهها الكئيب الحزين ما اقدر اجلس بالبيت بسببها ؟!!

-اذا تابعة التلفزيون زعلت و تقول انت مهتم للتلفزيون اكثر مني !!!

-اذا تابعة مبارة كورة قدم تقول الكورة أخذتك مني !!!

- اذا جلست معاها احاول احصل اي موضوع أتناقش معاها ما تتجاوب معاي أجوبتها (نعم لا ) و تعرفون الواحد ما يقدر يتكلم 24 ساعة اذا الشخص الثاني ما يتجاوب معه ؟

- اذا سكت قالت انت طفشان مني و تكرهني و لا تبغاني !!!
- اذا جاء اهلي زيارة و جلست معهم قالت ايه بس جاء اهلك سحبت علي ( مع ان اهلي يجلسون بالكثير 3 ايام كل 6 أشهر)

- دايم أشوفها زعلانة و عبوسة و اسألها شنو السبب تقول ما فيه شي !!!!


عني أنا كريم معها مافيه شي تطلبه و أقول لها لا.. و اسمعها كلام حلو و مو مقصر معها عاطفياً بشهادتها هي.


هي طبعها عبوس و حزينة شنو الحل يا ناس خلاص كرهت البيت مع انه طبعي بيتوتي و ما اطلع كثير بس خلاص كرهت البيت.....

و بصراحة ما صرحتها بتضايقي منها بالعكس كل ما أشوفها كذا احاول أدعمها و مع الأسف بدون حل....


بأنتظار ردودكم

و شكراً لكم مقدماً


(تم تعديل العنوان ليتناسب مع المضمون)

صارحها
لان راسك براسها فطبيعي بتشكي لك
ماعندها غيرك
لكن صارحها وشوف النتيجه

أفضلُّ - دائما - الصراحة في حال الانزعاج ، و يتم ذلك بأن أطرح المشكلة على شكل حوار طيب ....
فتكون المقدمة إطراء و شكر و ذِكرُ محاسن ، ثم بعده أطرح المشكلة كما أجدها في نفسي ، وأخيرا أختم الموضوع بتأكيد الثناء السابق و الكلِمِ الطيب ...

و هو أسلوبٌ - بفضلِ الله و بركته - ناجح و يأتي أُكُلهُ ولو بعدَ حين !

بصراحة مرة هي تكلمت و قالت ادري أني نفسية و طفشتك وووو لكن مو بيدي و ما احد بالدنيا قدر يتحملني كثر ما انت تحملتني و الله يخليك لا تتركني.....

صراحة وقتها تعاطفت معها و سمعتها كلام حلو بالعكس انت احسن زوجة وووو و مستحيل احصل احسن منك و من هذا الكلام و بالاخير يومين و رجعت مثل قبل....

كل مرة اسألها شنو محزنك او مضايقك تقول ما فيه شي و مرات اصر عليها انه لا لازم فيه شي ما فيه شخص يتضايق بدون سبب تصرفني كالعادة مشتاقة لأهلي مع أنه متاكد انها تصريفة و انها زعلانة بدون سبب

ليس الحوار أن تسألها عن سبب حزنها ....!!
انما ان تعبر لها مدى انزعاجك من عبسها و حزنها الغير مبرر ...
و قبل هذا و بعده ، أطربها بكل ما فيها من طيب أخلاق و حسن معشر ...
حتى تكون النصيحةُ لينة و تنكسر سُبُل العناد ....

النقاش والمصارحه أفضل طريقه لكن بأسلوب من غير تجريح ..

ههههههه زوجتك تحب تكون دراما كوين
جالسه تلفت انتباهك بالحزن والتشكي
والحنه والزنه ، يمكن كان هذا اسلوبها في بيت اهلها وتعودت انو يهتمو لها لما تطنطن لذلك تعلمت هالاسلوب المنفر
صراحه محد يحب كثير التشكي حتى في علاقاتنا احنا البنات الشكايه هذي ماحب اجلس معاها ابد ممكن مرتين ثلاث تشكي بس مو كل مانشوف وجهك ماعندك الا ندب حظك والشكوى ،،
واضح زوجتك فاضيه لا شغله ولا مشغله عشان كذا تدقق في توافه الامور
حاول تدمجها اجتماعيا مع الناس تقترح عليها تزور صحباتها ويكون بينهم دوريه تتشكى لهم افضل من تتشكى لك
،،
اخر امر اتذكر زوجي قد ارسل لي مسج من زمان يعني يدق بالموضوع




احذر من النساء خمس

وهم
المنانة
وهي التي تمن على زوجها بأي شيء تعطيه
الونانه
وهي كثيرت التشكي من المرض
الحنانة
وهي اذا كانت في بلد واهلها في بلد تطلب الذهاب لهم بستمرار
البراقة
وهي تهتم بجمال الشكل وتزينه اكثر من القلب
الشراقة
وهي كثيرة الكلام في كل شيء واي شيء
وعلق عليها اذا زوجتك منهم ف اهرب منها وتزوج عليها هههههههه
اهم شيء وصلت لي المعلومه انها مش نكته والسلام

__________________
أستغفر الله العظيم واتوب اليه

كمان حبيت انوه على نقطه مهمه
من اقوى اسباب تدعيم السلوك الغير مرغوب هو اعطائه الاهميه ،،
لو نفرض عندنا بيبي متعود اذا ماحصل اللي يبيه يبكي وعلى طول نروح نلبي طلبه وهكذا بالتالي هو تعلم ان بكائه مقابله تلبية رغباته بس لو تجاهلنا الموضوع مرا واثنين وثلاث وخليناه يصيح لين يقول بس راح يعرف ان موضوع البكاء معاد ينفع زي زمان وحيعتدل فيه ويدور له حلول ثانيه ،،
افعل مع زوجتك نفس الامر انتا مو حابب سلوكها تيب لا تدعمه بالانتباه والاهتمام هي اصلا برطمت تبيك تنتبه انتبهت حصل هنا التعزيز اللي تبيه ،،
حاول تتجاهل زعلها قد مانقدر ابدا كنها فرحانه انتبه تسألها وش فيك ومافيك بين لها ان الامر طبيعي وانك مش ملاحظ هي زعلانه ولا لا
في حال كانت زعلانه من امر حقيقي ولاحظتك مانتبهت رح تقولك
وان كان زعلها دلع فماراح تكرره مع الايام لانه خلاص ماصار ينفع معاك ويلفت نظرك زي اول

__________________
أستغفر الله العظيم واتوب اليه

تشغل وقتها

__________________
أفضل طريقة للالتزام بالوعد هي ألا تعد بشيء
اللهم صل على نبينا محمد

تذكرتني في بدايات زواجي
نفس الحال وكثير من صديقاتي صارحوني إنهم نفسي
هم الانفصال عن الأهل هم انتظار الحمل هم الحمل هم الولاده هم الطفل

زوجي عالج المشكلة بصبر الله يجزاه خير، والآن الحمدلله أنا صبورة ووسيعة صدر

كان مايطبطب علي كثر ماهو يقوّيني ويهّون الأمر بعيني يحسسني إني مكبرة الموضوع على الفاضي
مثلا أقوله خايفة من الولاده يقول لي استحي على وجهك بنات اصغر منك يولدون ويطلعون بالسلامة وش بيصير لك يعني؟

وطبعا ينهي الحوار بأنك بتقومين بالسلامه وبفرح فيك ويازينها أحلى أم وإني متشوق أشوفك بعد الولادة وولدك بحضنك وابتسم غصب ويتحول الموضوع لمسار ثاني
كان يسألني كثير أسئلة تطرد التوتر مثل أنا أحسك إنسانة مسؤوله وماتربيتي على الدلع ومو صعب عليك تهتمين بطفل صح؟أقول له صح وأتحمس أثبت له هالشيء

انتم تعدون اصعب مرحله نفسية للبنت .. نقطة مهمة خلها تتحمل مسؤوليه ولدها وقل لها بساعدك هالشيء بيشغلها عن كثر التفكير وبتطلع لها شخصيه ثانيه
وزيادة على كذا بيعلمها تواجه مخاوفها عشان تعزز ثقتها بنفسها ومستقبلا كل ماتعرضت لموقف تتذكر مخاوفها اللي عدت وتطمئن

وبين فتره وفتره ذكرها بولولاتها السابقة وقل لها أنا كنت أدري إنه مجرد كلام وهذاك عديتي كل مخاوفك بسلام بس عيشتي نفسك بقلق وانحرمتي من الاستمتاع بهذيك الفترة وإني كنت أضحك عليك داخليا وأنا أشوفك تكبرين وتتحولين من بنت لأم وست بيت وخلاص دامك عديتي هالمرحلة ماظنتي فيه شي أصعب من اللي راح شخصيتك انصقلت ومن هالكلام

أهم شي تراها فترة طبيعية وبتعدي بإذن الله