السلام عليكم ورحمة الله وبركاته
اشكركم على هذا المنتدى الرائع
عندي مشكله مضايقتني وموقادرة ابدا اناقشها مع احد
انا طالبة جامعية وتخصصي فني مسار عملي
ويوجد محاضر مشرفه علينا في المعمل دائما تنتقد عملي وهذا عمل حاجز صرت اتجنب اسالها من البداية قبل ماوريها شغلي اسال المساعدين فيه واطلب منهم يقولولي على اي تعديل قبل مااوريها ومن اول مااجيها قبل ما تشوف العمل تنتقد بشكل عام عملي وبعدين تشوفه وتطلب بعض التعديلات وترجعني 3-4 مرات اعمل التعديلات اللي تطلبها وفي الوقت نفسه زميلاتي تطلب منهم نفس التعديلات بدون انتقادات وتروحلهم وتجلس معاهم وعمليا توريهم كيف يعدلو مع انه نفس الملاحظات على العمل طيب ليش تهاجمني انا بالذات بدات احس انه مو نقطة العمل مشكلتها لكن المبدا شخصي واليوم نرفزتني جدا تقولي فيما معناه بانصحك نصيحه لنفسك روحي مسار نظري احسن وانا ماارد عليها كل كلامها اقلها طيب لانه مااحس انها صادقه وامينه في ملاحذظاتها على العمل ولكن بحسب اللي يعجبها ومزاجها وماني مقتنعه بكلامها والدرجات اصلا مو في يدها هي فقط مشرفه معمل كلامها يضايقني ومااعرف كيف اتصرف معاها انتظر نصائحكم وجزاكم الله خير

وعليكم سلام ورحمته الله وبركاته ,,
اول حاجه كويس ان الدرجات موبيدهاا
ثاني شيء تبغين تثبتيلها شيء ! يعني تيغيها ترضى عنك ؟ اكيد مايهمك ..لكن مليتي من اسلوبها المزعج .. حاقولك حاجه اذا كنت جريئة واجهيها وصارحيها انو تعاملها معك غير مع صديقاتك ,,اذا حاسه انك ماتقدري على المواجههة او ان كرامتك اهم من احتمال تسمعي كلام ركيك منها ,,
لما تعطيك تعليق على العمل انصتي واذا بدت تنتقدك ابتسمي بثقة وخليها تحرق في نفسهااا ,,
صراحة في ناس نفسيات وينفسون على ناس معينة ,,ياما مشبهين عليهم لناس يكرهونهم او كدا في ناس سطحية تحكم من الشكل ,,وهذي صارت مع زميلتي لما كانت طالبة ,,الدكتورة كدا ماحبتها فكانت تحرج زميلتي قدام البنات ورسبتها بمادة ,, ياللطيف ناس ماتخاف الله ..عموما انا لو منك ,,مدام درجات موبيدها وكان حيطة تكلمني ماتهمني

مشكورة على ردك الله يكفيني شرها
انا مطنشتها ماارد غير طيب ان شاء لله بس هي ماادري فين بتوصل صادقة والله في ناس نفسيات غريبه

االي اعرفه ،، وقت التصحيح للاختبارات النهائية يكون الاسم مغطى عن الدكتورة ،، وممنوع الطالبة تكتب اي شيء غير الاجوبة سواء بسملة او دعاء واذا شكوا ان الطالبة ملمحة لاسلوبها تعطى الورقة للجنة اخرى تصححها . هذا كلامهم يوم كنت ادرس و الله اعلم
بالنسبة لصاحبة الموضوع اذا انتي حابة تخصصك ،، ابدعي و اثبتي لها العكس واثبتي انها غلطانة واعتبري نفسك في تحدي .

مشكورة على ردك
لا عندنا في الجامعة ما تتغطى الاسماء وهي تتكلم بكيفها انا موجوده هنا عشان اتعلم واكيد حاخطا في بعض الاشياء والواجب انها هي تعلمني لكن للاسف تهاجمني فالله يعطيه العافيه احد المساعدين هو اللي مساعدني يعلمني فين الخطا وكيف اصلحه ولما تشوفه يعلمني تتنرفز علي اكثر وانا ودي اقلها ايش الحل لا تبغين تعلميني ولا تبغيني اتعلم من غيرك والمشكله مااعرف كيف توصل الصوره لدكتور المادة الله المستعان

للاسف هذا موفي جامعتي مافي لجنة ولايحزنون الدكتورة هي لي تصحح الدرجات واصلا طالبة لي حاسة انها انظلمت في درجة تدفع مبلغ وقدرة لدكتورة ,,

الله يعينك حسبي الله ونعم الوكيل فيها
من جد نفسية
ليش ما تقوليلها انا جاية اتعلم واستفيد عشان كذا اخترت هذا التخصص وحافضل احاول عشان اوصل للافضل
وممكن تطنشيها تتكلم الين ماتتعب

اشكرك على مرورك افكر اطبق نصيحتك انشالله

اذا هي تدرس فقط هذه الماده في الفصل الدراسي طنشيها ، بعض الدكاتره كذا نفسيات ، اذكر كان دكتور الطالب اللي يحاول يجتهد و يثبت نفسه يزيده احباط ،،،، اذكر مره قالي بطريقه احتقاااار و استهزاء ،عشان زعلت من درجتي ، بمعنى انت كثييير عليك هذه الدرجه ، ولما عرف جدولي الدراسي مزدحم ، قالي بعد !!!! بتعجب ، يعني إنتي إنتي تأخذين هذه المواد ، يعني من إنتي عشان تأخذين هذه المواد ، بس اخر الفصل اعترف قال انا و صديقتي بس اللي تجتهدون و البقيه بس وجوه ، واللي يغش اتركه على غشه و الزين بمعنى ادقق على شغلهم عشان يجتهدون اكثر. بس جد في منهم نفسيات

مشكوره على ردك اختي
صدقت والله نفسيات
هي مشرفه معمل مو دكتوره المادة