صباح الخير على الجميع

أحبّتي عندي الوالد (الله يحفظه ويطوّل بعمره) وعمر والديكم ومن تحبون ، في الستين من العمر ، أمّي لايقرأ ولايكتب ، انطوائي جداً جداً، مايخرج غير للمسجد ، عنده ضغط وسكر..

المشكلة اننا اغلب وقتنا نكون مشغولين واخواني في الغالب خارج البيت ، واحزن عليه لانه اربع وعشرين ساعه لوحده ، لوكان يقرأ كان اشتريت له كتب ، بس طول اليوم مسكين على وقناة ثانية برضو كلها عرضات ورقص ، وادري انه طفش من هذي القنوات بس ماعنده غيرها، واحيان يشغلها واجي الاقيه نايم من الطفش.

، الآن كلنا برا البيت وهو وحده، ودي اجيب شي يسليه ويشغله ويناسب كبار السن.

في مره سمعت د.يتكلم عن دفاتر تلوين مخصصة لكبار السن وعجبتني الفكرة مع اني اتوقع ماتعجب الوالد.

حابة تشاركوني أفكاركم وتعطوني اقتراحات لو ممكن.

.
.
معليش لو فيه اخطاء لاني داخلة ع السريع من الجوال ، وشاكرة لكل من سيرد عليّ.

ياقوم هل من مجيب؟

أحس هذا القسم مهجوووور

(مكانه الانسب )

__________________

مدري احس ستين مو كبير
ليه حابسه نفسه بالبيت
ليه ما تطلعونه ممشى كشتات
ماعنده اقارب يزورهم

أهلاً مبتعثة..

هو انطوائي جداً ، عندنا ممشى قريب وكمان حديقة بس دايم يقول مالي نفس اخرج حتى الحَرَم قريب مننا ومن زمان ماراح ،عشان كذا اشيل همّه كثير..

الاقارب اغلبهم بعيد في مناطق ثانية ،فيه بس واحد يرتاح له لكنه وجعان وفاقد للذاكرة وابويا يروح بعد كل كم شهر يسلّم ويرجع .

عشان كذا فكّرت اجيب شي عنده في البيت يسلّيه ويعبّي وقت فراغه ..

مشكورة غاليتي على ردك ..

جزاك الله خير على حرصك على والدك طول الله في عمره و سلمه لكم

أختنا الفاضلة بر الوالدين - بمعنى الإحسان لهم - مقرون بالتوحيد و العبودية لله وحده

فكم من أناس فقدوا والديهم يتمنون لو تعود بهم الأيام و يقضوا معهم ولو ساعات لينالوا برهم

تحملونا صغاراً و هم محبون لذلك ونحن الآن صرنا نتحملهم و نحن متعبين من التحمل بهم و الصبر على برهم

وفقك الله لتكوني من البارين المحسنين لوالدك

ملاحظة : هنالك فرق كبير بين الإحترام و الإحسان

آمين .. وجزاك الله بمثل مادعوت به لي ..
جزاك الله خيراً -أخي الفاضل- على كلماتك وتذكيرك ،وأعاننا الله واياك على برّهم.

الله يخلي لك أبوك
مشكلة كثير من الرجال بعد التعاقد أو الاحساس بالفراغ بعد وصول سن أكبر
يشعر باللأهمية
فراغ
الناس بوادي وهو بوادي
الاهتمامات متباينة
اهتمامتهم محدودة
لاهو اللي يقدر يوصلهم ولا هم اللي بيتقبلون روتينه
هذا يجعله وحيد
ويشعر أنه غير مقبول من قبل الأخرين
وكثير ممن تقاعدوا أصابتهم بعض الأمراض النفسية أو الأكتئبات المتنوعة
حيث أن عملهم السابق يعطيهم شيء من الأشباع النفس والاحساس بالأهمية
وحين يفقد ذلك يشعر أنه يتضائل خصوصا إذا كان ممن تقلد مناصب كبيرة أو حتى متوسطة أو تحت مسمى مدير، فالناس تعطيه الكثير من الأهمية والهالات الكبيرة التي تلبسها عليه ونوعا من التقدير الكبير، وما أن يتقاعد حتى يفقد كل شيء.

بالنسبة لأبوك فإن من الجيد أن تجلسوا معه وقتاً أو وقتين
تبتعدوا عن الجوالات أثناء جلوسكم معه
تبتعدوا عن الأحاديث الجانبية والمواضيع الخاصة فيما بينكم من اهتمامات وغيرها
تحاولوا أن تخلقوا أحاديث وقصص تعجب أبوك
تجعلونه يتحدث ويطرح آراء وأفكار وقصص
يتحدث عن الماضي وعن الناس وعما سمع
اصغائكم له وتفاعلكم معه سيعطيه الاحساس الكبير بالأهمية
ستجدون نفسيته قد تحسنت.
حاولي إذا كان له روتين معين في البيت يمنعه من الجلوس معكم والأحاديث أن تخرجوا خارج المنزل كحديقة أو بر وتستمتعوا معه

كلما تقدم المرء بالسن كلما شعر أن الناس قد استغنوا عنه، ولذلك القرب منهم واعطائهم الأهمية والسماع لهم (والتسليك) بل والتفاعل حتى لو كان مجاملة سيعوضهم كثيراً.

بالتوفيق لك، وأعانك الله على البر.

__________________
ياصبحِ لاتِقبل !!
عط الليل من وقتك..

__________________

رَّبِّ اغْفِرْ لِي خَطِيئَتِي يَوْمَ الدِّينِ

ياااه ياعميق اوّل شي الله يرحم جدتك وجدتي وجميع اموات المسلمين..

اول ماشفت كلمة راديو رجعتيني للزمن الجمييييل ، حتى جدتي كان عندها واحد مميّز ومو أي احد ياستّي ياخذ هذا الراديو ، كان عليه جلد كذا لون بني وتعلّقه ع الجدار حاطة حديدة مخصصة للراديو وطبعاً ممنوع احد يقرّب عليه، الله يغفر لهم جميعاً.

لو الاقي نفس التصميم حق راديو جدتي اتوقع بيعجبه كثييير بس اتوقّع انقرض ع قولتك..

بالنسبة لبرامج التعليم حاولت والله بس رفض ، كنت ابغاه يختلط مع كبار السن وبنفس الوقت يحس خلال يومه بانجاز بس رافض تماماً.

مشكورة حبيبتي على اقتراحك ماقصّرتي الله يسعدك.