كتبت موضوع قبل وبقول لكم عن المستجدات
رغم انو ترددت اكتب لان اصلا مافي حل لكن مدري يمكن فضفضة ابي اطلع الي بقلبي وارتاح
للي ماتابع موضوعي قبل سنه كشفت زوجي يخوني ولأنه خانني قبل كذا خيانه جسدية وفي بيتي
.. صارت احداث كثيره من ضمنها اقسم بالله انه مايكررها وان كررها وفكر فقط يعتبر انا طالق وانه بيكون واضح معي وجوالاته مفتوحه قدامي طول الوقت
مع الوقت بدا يخبي جوالاته واخلف وعده
المهم كشفته بداية رمضان بالصدفه
ورحت لبيت اهلي واخذت اغراضي
كانت النية تأديب ولكي اختبر تمسكه فيني
حاول يوم يومين ثالث يوم
انكر ان الرسايل له ويرسلي صور واثباتات انها ماهي له وان الايميل اخذه من واحد قلتله من متى اخذته قال ماذكر كثير ايميلات اخذت (يجمع ايميلات بسبب حساباته التجاريه)
ويحلف انا وقتها ارتحت وجدا انبسطت
وقال انو فيه وحده حاولت تجيه بإي طريقه
وراحت للمكتب له يقول لو ابي اخون كان خنتك بس بعدت عنها وحذرتها وجيتك للبيت مهموم ومتضايق واني وقتها حسيت فيه واسأله ليه....ماقالي وقتها
قلت ليه تضايقت! يقول منك لو قلتلك بتزعلين وتتهربين
وصراحه للان مستنكره ليه يتضايق!
المهم هاذي كانت تبيه يتزوجها بعد ماتطلقت
هي الوحيده بييين كل الي شفتهم عند زوجي اول ماكشفته في خيانته الاولى حتى الي مدخلها بيتي كل الي شفته ولا شي مع هاذي مانقهرت ومت قهرر كثر ماكنت اقرا محادثتهم
طبعا كانت كلام وسخ وكان زوجي يتكلم فيني يقول اني مسكينه مقابله جدران بنمشيها لما تسأله هي وين زوجتك
المهم لما حلف وبرد قلبي قررت اطلع معه
وقال خلينا نطلع لمطعم وارسلتله الي الان ترا مو مصدقه بتأكد
اذا فتحت ايميلك وشفت جوالك قال مسحت كل الرسايل اللي في الايميل وانا حمار يوم مسحتها مفروض وريتك
المهم يوم طلعنا مسكت جواله وكان رافض واصريت
ودخلت تويتر نفس حساب الايميل الي شفت الرسايل الوسخه فيه
وشفت تاريخ التنبيهات طبعا مسحها لكن الي يهم
بعرف من متى الايميل معه علشان اتأكد هو الي رسلها ولا
شفت الايميل معه من السنه الي راحت
والمحادثات الوسخه الي شفتها قبل شهرين
يعني تأكدت هو الي مرسلها
وسحب مني الجوال قالت انتي تبين مشاكل
قلت الي شفته مو شي بسيط انت تخوووني!! انا طالق اذا خنتني اثبتلي انك صادق ابي ارتاح
ومازال ينكر لكن بدون اي اثباتات يقول خلاص الي عندي ارسلته لك سناب قبل وخلاص قفلي الموضوع
بعدها قلت ودني البيت بشوف الايميل رفض
قلت تخوني وانا اتطلبك تثبتلي!
المهم رجعت لاهلي اتصل علي قالت بوديك البيت تشوفين الايميل مع انه فاضي مسحت كل شي فيه لكن بشرط تشيلين اغراضك كلها وتجين يبي يضمن بس ارجع ويروح يتحايل علي وانا اصدق ومن يغيب عني يبدا عقلي يستوعب واصحى ع غبائي كذا انا دائما اضعف قدامه
واصلا من شفته ومن اول مادخل علي مبين عليه انو مو يمي ماحسيت بإي مشاعر حب واشتياق
اول مادخل يقولي حبي راسي!!! رفضت وحب راسي وقالي افا ماتحبين راسي
و مهتم في شكله ومسوي مادري ايش في ذقنه وقاص شعره
حركات حسيت انو يخوني وقاعد يتيملح من وراي ( نفس حركاته قبل)
المهم تأكدت الايميل له الرسايل له يعني انا طالق
ونيتي من البداية علشان يحس ع نفسه اي غلطه منه تحسب طلاق بسبب حلفه
لكن كللل شي تغيرر
ماشفت منه اهتمام ماكمل يحاول اسبوع حتى
حذفته من الواتس والسناب وتويتر وكل مكان
ارسل لي رساله يقول اكتشفت عدم حبك لي وخلاص مراح افرض نفسي عليك
رغم اني احبك
وانو بيستخير والله يكتب الخير
واي شي اختاره هو الي بيصير وانه مايبي يفرض نفسه علي
وبيرسلي مصروف وكل فترة مع السواق وانه بيغيب فترة والخادمه بيرسل راتبها
ويقولي خلاص احذفيني في كل مكان ولاعاد تكلميني
ارسلتله انو لاجربت شعور الخيانه تعال تكلم و اني كنت احبك وصادقه بحبي ماكنت مثلك ادور غيرك
وانك طلقتني علشان وساخه مافكرت فيني حتى
وقلتله يخليني اسكن بالبيت علشان مصلحة اولادنا( عندي ثنين)
لانو عند اهلي ماقدر اربيهم زين
ويرسل لاولاده مصروف واني مراح. اخذ منه ولا ريال
ويخلص اوراق بسرعه(يعني يطلقني) لان ابي الضمان(مصروف لي)
احس ماصدق اقوله اسكن بالبيت يبي يروح يلعب او يتزوج ويضمن ويرتاح انو اولاده في بيته
ارسلي البيت لي والسواق عندك ويقول مو انا الي اخلي زوجتي تاخذ ضمان متى ماحتجتي اسحبي من البطاقة
طبعا مراح اخذ منه شي
كل شي احتجته الايام ذي دفعته من عندي
وانا فعلا بحاجة فلوس عندي مناسبات كثيره بس ماخذت منه ولا ريال
اثبت لي انه مو مهتم فيني وحسيت انو مايحبني
وحسيت انو مستعد يخسرني
زياده ع خيانته لي ..
الان اكثر شي يتعبني والله مو الطلاق مع الوقت بتعود
الي يتعبني لما افكر في خياناته في انه ممكن يخوني الان
في ان غيابه بسبب انو بيسافر يدرس(اربع شهور) كان يقولي اروح معه رغم انو كان رافض ويحاول يقنعني اني اجلس ويروح يدرس وحده وقتها حاسه انو في شيء.. وكنت مصره ارورح معه. كنت احس انو يبي يروح لوحده علشان ياخذ الوسخه الي كانت تلاحقه بكل مكان والي حسيت انو يحبها مادري مرات اقول لو يحبها كان تزوجها لانه يعرفها من قبل يتزوجني
ولان اصلا هي وسخه كلامها كله قلة ادب شلون يرضى رجل هاذي تكون ام عياله
ولانو اصلا محد جبره يتزوجني هو الي اختارني وهو الي اصر ع زواجه مني بعد رفض وتأجيل من اهلي اربع سنوات
لكن لما اشوف مرات كلامه عن الاشتياق وهجر الحبيب احس كذا
تفكيري في انه يتزوج ويعيش مع غيري ماقدر اتخلص من شعور الغيره والحب رغم خيانته لي
مادري كيف اوصف شعوري
مادري ماحس عندي استعداد ارجع اعيش معه لانه جرحني وابي اتطلق منه ابي انساه وامحيه من قلبي خياناته للان متعبتني وحطمتني نفسيا وكل شيء ماتغيب عن تفكيري لحظه
وفي نفس الوقت ماقدر اتخيل انه بيعيش مع وحده ويتزوج او يخون وياخذ راحته لاني مازلت احبه
اقدر انا اتزوج في فرص كثيره لي الحمدلله لكن علشان اولادي بعيش طول عمري عشانهم واحرم نفسي رغم اني متأكده بيجوني كثيرر لاني جميلة جدا ولسى عمري24 في فرص كثيرة لي
وهو في المقابل!!
الان مو حاسه بضغط وتعب كثر الي صار لي اول ماكشفته يخوني لما جلست عند اهلي وحدي ولدي لما يتعبني ويسهرني ومانام وهو يصيح كنت اصيح معه التعب والمسؤلية تخليني اتذكر حالي
الان
الخدامه مساعدتني كثير
ماحسيت بتعب ومسؤلية كبيره
لكن بعد ماتروح مافي احد بيعيني ويدعمني نفسيا لما اتعب واشيل همهم ومسؤليتهم وحدي وايامي كلها اطارد وراهم
التعب بيذكرني بتدمر نفسياً
احاول اغير من نفسي من الان بقوي نفسي برجع ثقتي بنفسي الي حطمها زوجي
الان ادور ع مراكز نفسية استشارية بس مارتحت لاي مركز ولا ادري وين اروح
للطبيب نفسي او اخصائي نفسي
احس اني احتاج كلهم علاج سلوكي نفسي مع دواء يساعدني ويغير تفكيري السلبي
ايش تنصحوني! ياليت تكون طبيبه او اخصائية

اعرف موضوعك الاول الله يعينك ويصبر قلب
عندي سؤال زوجك لازال متواصل مع الفتاة التي وجدتيها بشقتك معه؟

امين ربي يسعدك
لا ذيك ماتوقع تكررها وتتجراء تطلع مره ثانيه مع اي احد اتوقع تابت بعد ماكانت قريبه انها تنفضح وتنكشف قدام زوجها وعيالها وابلغ عليها الهيئة
لأنها انهارت وقتها ..

تعرفي ليش انتي نفسيتك كذا تعبانة لأنو باقي انتي مرتبطه فيه وعندك امل ان حياتكم تزين
بس زوجك لاهي مع غيرك وناسيك وهذه الشي الي متعبك زود

بس تدري لو تطلقتي وتشوفي بعينك ورقة الطلاق
ايش ممكن يجيك شعور الراحة والسعادة
وبتقولي بكيفة خلية يخون من اليوم لبكرة انا ماخسرت شي وهو الخسران وبجد بجد هو الخسران ماشاء الله ايش ناقصك انتي صغيرة وجميلة والف مين يتناك
انسي زوجك وخليه اخر همك
الطلاق احيانا يكون راحه وسعادة للأنسان
انا تطلقت ولي شهر الحمدلله والشكر مرتاحة وبالي مرتاح
وطليقي نسيت اسمه
وعارفه ان ربي مابيترك عبادة
لو كان الزوج ظالم صدقيني ان ربي بياخذ حقك منه عاجلاً ام اجلاً
بس رددي دائماً
( حسبي الله ونعم الوكيل & لاحول ولا قوة الابالله )

__________________

لاني احبه وماتخيل بحب احد غيره
انا لو تطلقت مراح اتزوج لاني ان فكرت بنحرم من اولادي
وثانيا ماحس اني بحب رجل ثاني غيره وماحس اني بلقى مثله
ماتخيل ماتقبل جدا احبه وحبه يتعبني
رغم ع خياناته
الا انه كويس معاي في اشياء كثير ومريحني في اشياء كثير ماتوقع في رجل بيعطي ومستعد يسعدني ويدفع لي اي شي اتمناه كثره
يسعدني مرات كثير ب اشياء مكلفة جدا
نسافر كثير سوا يحب يتمشى دايم معاي ويفضلني ع اصحابه
يشاركني اهتماماتي رغم انو مايحبها بس علشاني
ويحب اني دايم اكون معاه حتى مرات في شغله يقولي اجي معاه
لما اشوف كلام المتزوجات دايما وشكاويهم ماشوفها بزوجي
كل شي حلو فيه كلامه اسلوبه معاي رومانسيته طيبته معاه احس اني ملكه من كثر مايحسسني بكذا
لكن خياناته تحطم كل هاذي تخليني اعيش بتناقض

طيب يا اختي كان المفروض تحطي كل هالشغلات ببالك قبل ما تعملي انتفاضة واضح انك مو قدها.. شكد صعبة لما الراجل يفقد الاحترام لمرته ويخون قدام عيونها ويقولها انا كده عجبك مراحب ماعجبك الباب يوسع جمل...

مادام انتي قابلة بخياناته ومتمسكة فيه مابتستفيدي من المواجهة.. كنتي تشتغلي من تحت لتحت وخليه يعملك حساب ويخبي عليك ويداريك..

اذا قابلته وبتحبيه.. ما تخافي من الامراض؟؟؟؟؟

فكري بس بالمراض لانك الخيانات ماشاء الله عليك قابلتهاوبتموتين فيه..

__________________
وإني ذقت الطيبات كلها، فلم أجد أطيب من العافية..
وذقت المرارات كلها، فلم أجد أمر من الحاجة إلى الناس..
ونقلت الحديد والصخر، فلم أجد أثقل من الدَّين..

انا افضفض هنا واقول كل الي بقلبي
لكن قدامه مابينت ابدا
ماخان قدامي؟ كشفته بالصدفه دايم بقفل برقم جوالاته ولاب توبه
طيب هو يخبي عني وينكر الي شفته انها له
يمكن ماوصلت للزنا

حاليا هو من نفسو قالك خلاص الي تبيه يصير وانا ما اضغط عليك يعني بالعربي هو هيك ولي بدك ساوي... ماعاد راح يعتذر لك ويخبي عليك .. حتى لو مش زنى.. المكالمات الوسخة اي تحكين عنها خيانة.. انت بينتيلو انك عرفتي.. هو بالول حاول يخبي ويحلف ويراوغ.. بس الحين هو حطك امام الامر الواقع وبيخليك تنكسري وتسكتي وترجعي من نفسك.. واذا رجعتي صدقيني هو ماراح يعملك حساب بعد.. وانتي اساسا ماراح تتجرئي تزعلي وتساوي مشاكل لانك خايفة من الطلاق وبينتيله ضعفك وانو مهما كان راح تزعلي شوية ومردك ترجعيلو..

ما ادري عن شغلت الطلاق.. بس عندك خيارين بعيدا عن الطلاق اذا صار ولا ماصار شرعا..

يا اما تنفصلي عنه وتشوفي حياتك مع اولادك وما تعرفي الله شو كاتبلك بعدين...

او اذا بدك تكملي معه..اذا هو ما بيعرف انك كشفتيه وما بيعرف انك متاكدة انو المسجات لإلو والايميل إلو.. تداركي الأمر واعملي حالك غبيه وصدقتيه.. وارجعي لحياتك عأساس مصدقه براءتو وخليلك احترام عنده.. اذا بينتي انك تعرفين كل شي ورجعتي صدقيني راح يتمادى كتير وماراح يداريكي بعد...

__________________
وإني ذقت الطيبات كلها، فلم أجد أطيب من العافية..
وذقت المرارات كلها، فلم أجد أمر من الحاجة إلى الناس..
ونقلت الحديد والصخر، فلم أجد أثقل من الدَّين..

الله يعوضك ...والله لو يحبك وشاريك ماذلك عشان عاهرات..باعك وباع عياله عشانهم وش ترجين منه!!! احمدي ربك اللي خلصك من هالمستنقع قبل يجيب لك مرض يحرمك من عيالك ..عيشي حياتك بعيد عن هالبيئه الملوثه واحذفي رقمه وابدي من جديد..واذا تقدم لك رجل صالح حتى لو معدد توكلي على الله ولاتترددين بعد مايكبرو العيال شوي ويعتمدو على نفسهم..وهو بحريقه اعرس والا قزرها صياعه بكيفه ..الزم ماعليك اطفالك ونفسك ومستقبلك مع رجل يستاهلك

اخاف اني ضلمته بتفسيراتي للي يسويه
اخاف كل الي اكتبه وسوسه ومبالغه فيني وهو مو داري عنهم ولا فكر فيهم ( بالحب مو بالجنس)
يمكن الحين هو في مكه وانا قاعده افكر انو يخوني لانو كنا مخططين وحجز في رمضان نروح لمكه
دخلت حسابه الي كشفته يخوني فيه لقيت مسوي فيفرت لاشياء كثير تتكلم عن وضعنا حاليا
انو صار وحيد وفقد الي يحبهه اشياء كذا