السلام عليكم شهر مبارك سبق تكلمت عن زوجي وشكوكه وطلاقه ولقد رجعت له وولدت بنوته جميله الله يحفظها الا ان زوجي باقي على مرضه واكتشفت ان مابه هو ذهان يشك ويتصور المهم انه راجع دكتوره لان دكتوره السابق دايم مشغول وراح لدكتوره ووصفت له علاج توه بادي فيه تجرب فيه يعني يقول يبي له شهر انا لي ثلاث سنين ومواول علاج مليت انتظر نتايج من رجعت وهو شبه يومي شكوك امرضني واقلق نفسيتي اخاف وانا نايمه جنبه بس يقومني ليه لمستيني وش هالصوت وهكذا ويقلقني مره قومني بشويش عشان البنت يقول بصوت هادي خوفني يقول بطلقك مارتحت لك ورجع ينام اليوم كنت قاعده وهو بالغرفه كنا قبل زي العسل وجاب سحور من برا المهم نام هو وانا كنت برا اسكت بنتي تصيح يوم دخلت الغرفه قال من تكلمين قلت البنت قال وش قلتي قلت عادي ماذكر اقولها شفيك حبيتي وكذا قام صفقني صب دم من سني شوي يكسر فكي قال من هو الي بالبديعه والعماره سته وين جوالك الثاني قمت احلف له قلت ودني لاهلي ماني قاعده جبت البنت وللحين يشك ماعقل اول يقول لاجو البزران اخف وين يخف الشكوى لله وقالي نزلي اغراضك انتي بالشارع وخلي البنت خفت يسوي شي فيها قمت نزلت امشي مليون وانزل اغراضي وارجع وانا قلبي بيوقف خوف عليها ونروح واداريه بالسياره اخاف يضربني اخاف يصدم قال غريبه ماصحتي عشانك اكيد مسويه غلط بس انا كنت مقهوره ومعزمه اني اتركه مليت اختي تقول جيبي ثاني واتركيه من تتزوجين شايب مايجوني الاشيبان وانا وصلت مرحله ماعاد ابيه انمرضت وودي بطفل ثاني بس ماقدر اتحمل حياه معه ثانيه مافيه فايده فيه الشكوى لله

أستخيري
....

__________________
اللهم صَل وسلم على نبينا محمد

وضعك صعب الله يكون بعونك
اقترح عليك مقابلة دكتورته لتسرح لك الوضع وتبين لك امكانية العيش معه وهل يشكل خطورة ولا انصحك بانجاب اطفال اخرين لا تنسي المانع واحرصي عليه حتى تتضح الرؤيا جيدا طبعا مع الاستخارة وراي الوالدين

انا ابي اجيب ولد غيره لاني خلاص مابي اتزوج اخاف اتزوج ياخذها وهو مريض كان مطلق ودايم يسال طليقته تزوجت عشان ياخذ اطفاله منها وهو مايصلح يربي بيهبل ببنتي بالشك

جريمة إنك تفكرين تحملين مره ثانية وحالة زوجك كذا
خافي الله بذريتك
إذا إنتي عندك إستعداد تصبرين وتستحملينه عيالك مالهم ذنب يكبرون وأبوهم حالته متدهوره
الله يعافيه وكل مُبتلي إستني لين حالته تستقرّ ويتحسّن بعدها فكري بالحمل

__________________

وبدأت تحدي إنقاص الوزن الهدف إن شاء الله 55 كيلو

الله يشفية ويعافية

__________________
سبحان الله وبحمده سبحان الله العظيم

الله يشافيه اذا هذه افعاله يعني المرض متقدم وهو خطر عليك وعلى بنتك انا اقول روحي لاهلك نصيحه لوجه الله الي يضرب ويكسر سنك ويشك كثير الله يشافيه ماراح ترتاحي معه ، وبعدين ماله حق يأخذ بنتك حتى لو تزوجتي مايقدر ياخذها مادام هو بالحاله مادام ياخذ حبوب نفسيه تقدرين بالمحكمه تسقطي حضانته للبنت لانه الله يشافيه مريض

ليه تبغي تحملي منه طفل مره ثانيه

ماتخافي عليهم منه ياشيخه بنت وحده تكفيك حابه تقعدي معاه أقعدي لكن لا تنجبي اكثر

حابه تتطلقي الله يخلي لك بنتك تكفيك

حرام تنجبي من رجل زيه وتعرفي انه مايصلح يكون أب

فكرت الانجاب انتظري علشان ماتندمي بدل وحده يصيرو اثنين
اما حالة زوجج تحتاجين مستشار نفسي حتى يشخص الحاله اكثر منا


الله يفرج همج وهم كل مسلم















ـ

__________________

زوجك مريض ذهان تعرفين اش يعني ذهااان يعني مضطرب عقليا لا ياخذ منه لا حق ولا باطل يهلووس ويسمع اصوات تكلمه ويشم روايح غير موجودة ويشوف اشياء وتجيه افكار وتصورات يصدقها تصديق جازم مثل كأن احد يتامر عليه بيقتله او يطارده او انك تخونينه او ان احد بيحط سم باكله ويتخذ ردات فعل بناء على الهلاوس يا اختي اساليني انا عندي شخص مقرب مني جدا قرابة درجة اولى مصاب بالفصام واعرف تماما اش تكون حالة المريض وكيف يفكر الي عاش الوضع وجرب غير عن الي يسمع زوجك محتاج علاج ومتابعه اهله لفترة لين تبان نتائج العلاج ولا تسبعدي انه ممكن يرميه لانه مو معترف انه مريض عشان كذا اقولك اهله لازم يكونون معاه ويتاكدون انه ياخذ العلاج وممكن قعدتك معاه خطر عليك وعلى بنتك وثاني شي نقطة الحمل انتبهي تحملين منه مره ثانية خافي الله بنفسك وبذريتك هذا ممكن تجيه افكار ويشك بالولد انه مو ولده كيف تبين طفلك يكبر بوضع ابوه فيه كذا ولازم تعرفين انه اذا كان احد الوالدين مصاب بمرض فصام ممكن يورث الاستعداد الاصابة بنفس المرض لاولاده واقري بنفسك عن هذا الشي
اقتباس : إصابة الوالدين قد تكون لها أهمية أكبر، والذي يورث بالنسبة للفصام ليس المرض ذاته، إنما الاستعداد له، وذلك من خلال جينات صغيرة متعددة، وليس جينًا واحدًا محددًا.

نصيحتي لك استخيري يا اما انك تقعدي عند اهلك فترة لين اهله يعالجونه ويبدا يرجع وهذا ممكن ياخذ وقت لازم تصبري او تنفصلي عنه واذا قررتي الزواج لازم تثبتي بالمحكمة قبل عدم اهليته للحضانه بسبب مرضه النفسي عشان ما ياخذ البنت الله يعينك يارب ويشفيه .