السلام عليكم ، انا مطلقه من ست شهور للأسف طلقني ع شي م يسوا تافه وهو من يوم تتزوجني يقولي نادم ع زواجه ودايم يجرحني ف الكلام م شفت ف عيونه حب لي
وعندي بنت منه عمرها ثامن شهور طبعا لا بسأل عليها ولا يشوفها لها اكثر من خمس شهور م شافها وجاء العيد قلت اكيد بيجي يشوف بنته لاكن للأسف قلبه حجر
فقط يرسل لها مصروف كل اخر شهر ولازم اتصال حتى يرسل لها
اللي صار ايام العده حاولت فيه لاكن رافض اخر شي قالي باقي من العده شهر اذا اتصلت عليك برجعك طبعا م اتصل علي ولا شيء حاولت فيه ل اخر يوم لاكن للأسف رافض
اللي صار اخوي شافه نحفان وجالس ف شقه لين الحين م طلع منها انا قلت طبيعي م راح يطّلع منها كلشي جديد لو تتزوج بيسكن العروس فيها
المهم اخوي قالي وش رأيك اكلمه قلت لا هو طلق مو انا اللي طلبت الطلاق رغم محاولاتي معاه اخر ايام العده رافض
قالي ارسلي رساله جلست افكر فيها شهرين ارسل أو لا
طبعا انا م كنت حابه ارسل لاني كل م اتذكر اصراره ع الرفض ايام العده يخليني أتراجع
قلت استخير وأشوف وفعلا استخرت وقلت راح ارسل له اذا م نفعت الرساله مارآح تضر
ارسلت له رساله كتبت فيها انو انا ابي رضاك واذا حاب نرجع عشان بنتنا تربي بينا والطلاق م يسوا وبكون متقبله اي رد منك وارسلت صور بنتي له
المهم رد علي كاتب وعليكم السلام ، وان شاءالله خير وبنتي الحمدلله انها طيبه وطلبت من الله يسر اموراي ويحل اللي انا فيه ؟! استغربت ايش اللي طالبه من ربه طبعا الرساله مره غامضه م فهمت فيها اذا بيرجعني أو لا
رديت عليه انا ان شاءالله الله يسهل لك امرك بس مافهمت الرساله وضح لي طبعا قرء ولا رد مدة خمس ايام
كتبت له انا الظاهر عدم ردك مالك رغبه اعتذر عن إرسال اخر مره ارسل لك
طبعا قرء ولا رد
علي ايش خسران لما يقولي مو خاب نرجع م فيها شي ب العكس انا توقعت منه برد علي بس يطنشني لا
الله يسامحه احس كسر ف قلبي وانحطيت ب مكان غلط هل اللي سويته غلط ب الرساله
الله يقدرني ع نسيانه لين الحين أعاني من الطلاق ليته طلق ع شي يستاهل ممكن ارتاح بس علطول طلقني ..
انتظر رداكم ...
واخواتي المطلقات والمطلقين كيف تعديتوا الازمه

ممكن الشي الي تشوفينه بنظرك ما يستاهل وتافه هو في حقيقته شيء كبير والا ليش رافض الرجوع
ولم الشمل مع بنته الصغيرة وزوجتة عموما لعلها خيرة له ولك

__________________
سبحان الله وبحمده سبحان الله العظيم

ممكن تذكرب الموقف الي خلاه يطلق؟ وكم لكم متزوجين؟ هل هددك بالطلاق من قبل؟

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

متزوجين لنا سنه وشهر وراح اذكر المواقف حتى تحكمون

لو فيه خير ماهجر بنته

حبيبتي لاعاد ترسلي له شي
وان شاءالله امرك كله خيره

تكلمه ل الموضوعي اتزوجت وكان ايام الملكه يزورني ومبسوط ونكلم بعض بس فجاءه ايام الملكه اجلل كلشي استغربت انا مو ب العاده لانو اكثر واحد يبي يتزوج ومستعجل م جاء ع بالي ولا لحظه انو م يبي يتزوج
هذا اول موقف صار ومع ذلك جوا اهلو وقالوا لا كلشي ع ماهو وطبعا رجع زي قبل وكلمني واتزوجنا وعدت اول ايام الزواج وسافرنا شهر عسل وكل طول ماني معاه يقولي بيتزوج الثانيه استغربت منه هذا وانا لسا عروس المهم رجعت عند اهلي لاني ادرس اخر ترم لي ف الجامعه وهو سافر ل المنطقة اللي هو فيها دوامه
حملت من ثاني شهر من الزواج ولما قلت له اني حامل زعل ولا بارك لي وقالي لازم تنزلينه رفضت اجهض جنيني عذره انو احنا لسا ف بداية حياتنا لحقين ع العيال قلت طبيعي دام م تبي عيال ليه م اصريت علي اكل حبوب
طبعا زعل علي وصار يسافر ولا يكلمني لاني عند اهلي ادرس
قالي لازم تجهضين رفضت قلت تبي انزل الجنين ننفصل مابي أضحي ف نفسي يمكن م عاد احمل ويمكن ربي يعاقبني اذا نزلته طبعا رضى ف الوضع كلمنا حياتنا
واللي صار بعد اربع شهور انتقلت معاه ل بيتنا ف منطقته
مره من المرات جلسنا نسولف قام قالي انو نادم ع زواجه مني وان الله يسامحك يا يمه قصده امه استغربت وقالي ان اجلل كلشي ايام الملكه كان يبي يفسخ الخطبه تذكرت الموقف
انا لما سمعت هالكلام جهزت عفشي ف ايام رمضان هالكلام كلو جاء وشاف العفش قالي وش فيك قلت انت مو سعيد معاي وندمان خلاص خلينا ننفصل دامك مو سعيد قالي اتعوذي من الشيطان سكت ورجعت العفش كلو
مرت الايام وسافرنا ينبع وعيدنا عيد الفطر وكلشي تمام
طبعا هو للأسف مايوديني مواعيد حملي عذره م فيك شيء وانا لازم ارجع كلشهر مره ف العياده لاكنه يرفض
مرت الايام
كان راجع من الدوام ، وانا طبخت متاخر وبنفس الوقت عازمه زوجة اخوه وصحى وانا انظف البيت قالي جاهز الاكل قلت ايه المهم اتصلت علي الحرمه ع اساس ارد عليها قالت قريبه من البيت قلت له الحرمه وصلت ترا قالي لو ادخلت البيت انتي طالق
جلست ابكي قلت وشفيك معصب قال قلت لك المهم اعتذر من الحرمه ورجع حطيت الاكل له وسالني ادخلت الحرمه البيت ولا لا قلت لا
هذا من المواقف اللي كان يههدني فيها
وهالمرة كنت معزومه برا البيت وقلت يلا خلصت نروح شاف العبايه قالي وش هالعبايه علما ب ان العبايه عاديه لاكن رفض وانا طلعت فيها وزعل علي
وطول ف السياره يقولي ترا لو خرب البيت منك وانا ترا ماني متمسك فيك حطي هالشي ف رأسك وزعل علي أسبوعين م يكلمني وينام ف المجلس استغربت واسألو وش فيك م يرد ولا يأكل معاي انا صح غلطانه ادري بس م توقعت ب يصير كذا
المهم ف يوم وقالي تروحين بيت اهلك قلت اهلي مسافرين مو فيه طبعا ع باله اكذب راح اتصل ع امي يسألها كان معصب وقتها خلاني أعيش أغراضي ثقيله وانا كنت حامل اقول له ترا خامل ب السادس م ينفع قالي مالي شغل
شلتها حطيتها قدام قالي ب الشنطه حطي أغراض قلت م اقدر ثقيله علي يالله شلتها من البيت للأسف جلس يصارخ علي قدام الناس اقول له طيب طول بالك يزيد ب صوته علي
وطول الطريق يقولي العبايه الراس انا ابيك تلبسينها قلت خلاص البسها ومعصب وانا ساكته وضربني ف يده ع راسي انا من قوة صدمتي قلت حقير ولا هي رجوله تمد يدك ع حرمه وقف نزل جزمته يبي يضربني ومشينا نزلني بيت اهلي هذا ف العيد الاضحي وظليت اسبوعين م يدري عني جلست ف البيت لحالي عند اخوي واهلي مسافرين م قلت حق اهلي ولا شيء بعد العيد طبعا م اتصل ولا عايدني بعدها رجعوا اهلي وجلست معاهم لقيت له مكالمه ورساله كاتب لي اني راجع تبين اجي اخذك انا من حبي له نسيت حتى ضربه لي كلمته وجلسنا نسولف واستقبلته وسويت له عشاء وقلت له م ابي تمد يدك علي مره ثانيه لو انمدت اخر م بيني وبينك
طبعا أشياء صارت كثيره ومواقف مره تخيلوا ف غرفة النوم يقولي ابوك م يشارفني يكون جد حق عيالي للاسف سكت م رديت
عدت الايام ورجعت معاه عشنا عادي وكل مره يقولي انا لما اشوفك أتضايق انا م اظن استمر معاك
نزلني عند اهلي ع اساس يرجع لي وقتها كنت ف شهري الثامن
وجاء عند ابوي قال حق ابوي ان البيت م تسمع الكلام ولا تلبس عبايه الرأس مع اني لبستها معاه قال له ابوي البيت اذا م تبيها طلق ومو عذر العبايه اذكر لما قبل يجي عند ابوي يقولي خلاص بطلق
المهم لما كلمته قلت ليه م طلقت يقولي م ينفع انتي حامل يعني مخطط ع طلاقي احس حتى يوم كنت عند اهلي خلاني عندهم لين ولدت ويوم كنت حامل احتاج احد يوديني مواعيدي وامي تقول تعال زوجتك تحتاج تروح فيها المستشفى
كنت اروح مع سواقين ولما عرف قال لو رحتي مع سواق انتي طالق استغفرالله قلت افرض مافيه احد يوديني احتاج اروح مع سواق رفض وصرت م اروح مع سواقين الا لما اتصل واقول له عشان يوافق ومره للاسف ف واتس اقول له تعال مشتاقه لك من دون سابق إنذار يقولي انتي غلطه ف حياتي انا ف تاسع وبكريه وخايفه من الولاده وهو يقولي هالكلام ،
اللي صار ولدت وجبت بنتي حتى الاسم اللي كنت ابيه رفض وراح سمم اسم وهو وأمه وانا لا مالي حق اسمي بنتي سكت وقلت مو مشكله
وصار يجي يزورني عند اهلي وانا نافس وكنت أقوم واخدمو واحط الأكل له
وهو للاسف م يحترمني كان يقفل الخط ف وجهي ويقولي طسي
حتى اذكر لما كنّا نسولف يقولي انا مستحيل أسعدك انتي مجرد تفريغ وتجيبي لي عيال انصدمت من رده معاي كذا هذا وانا نافس
وقبل اطلع من أربعين احتفلت معاه بذكرى زواجنا جهزت كلشي من فندق كلشي انبسط
ورجعت معاه بعد الأربعين عشت معاه شهر أتقبل حاله معاي ،
مره من المرات البنّت تعبانه قلت خلينا نروح المستشفى قال م فيها شي قلت تبكي قال لا انا رفعت صوتي قلت انا احمل واربي وكلشي علي وانت لا رحت الغرفه جاء وراي ويقولي لا ترفعي صوتك ورمى علي جزمته حسبي الله بس
طلع وخلاني بعدها قلت معليش البنت مالها شغل خلينا نروح فيها المستشفي
رحنا فيها ورجعنا
طبعا هو لا يسولف معاي ولا يضحك انا احاول دايم اسولف معاه
اخر ايام معاه كنت أتأخر ف الطبخ بحكم عندي طفله
ويرجع من الدوام يلاقيني نايمه معاه حق يزعل بس مو يطلقني
المهم كنت اطبخ له انا عاد طفشت م فيه شي ف البيت غير رزء مليت من كثر ما اكل رزء ودجاج قلت له بروح البقاله رفض
جيت اليوم الثاني له قلت بروح البقاله اجيب لي شوية حاجات البقاله قريبه كمان رفض اخر يوم كنت معاه كنت مره معصبه البيت م فيه شي وش اطبخ
قلت معليش انتبه حق البيت بروح البقاله هنا قريبه مارآح أتأخر قال لا يعاند انا عصبت وقالي لو طلعتي انتي طالق
وطلعت انا حتى م وصلت البقاله ورجعت وقتها م استشعرت الكلمه
ونزلني عند اهلي وحاولت فيه ارجع طلع مثبت الطللاق وصلتني الورقه بعد شهر ونص انا م كنت مصدقه انه طلقني قلت لين اشوف الورقه وفعلا وصلتني الورقه واتصلت عليه قلت حرام عليك ليه تطلقني يقولي حياتي وقفت معاك م اشوف حياتي معاك انا والبنت انتبهي عليها
حاولت فيه وجلست اكلمه ي ابن حلال حرام البيت تضيع يقولي للاسف البنت ماهي شماعه تقولي البنت اخر شي قالي باقي شهر اذا اتصلت عليك أرجعك واذا م اتصلت م فيه رجوع كنت حاطه امل ب الرجعه لاكن للاسف م اتصل اتصلت عليه قال ماني مرتاح عشان ارجعك قلت خليني نبدأ صفحه جديده ونربي البنت بينا رفض
مدة زواجي سنه وشهرين بس
ولي مطلقه ست شهور ، وبعد ست شهور ارسلت له رساله من ضغط اخوي قلت ممكن ينتظر مني انا للاسف م رد علي طنش وزي ماهو مكتوب ف موضوعي كاتب الحمدلله ان بنتي بخير وشفتها وان شاءالله خير الرساله ماهي واضحه غامضه م عرفت بيردني او لا
الطلاق ع شي م يسوا حتى اهله يقولون م يسوى يطلقني حسبي الله بس .

يا اختي تجبري بالله وادعيه والحي بالدعاء ان الله يعوضك خير منه وانسي امره ولاترسلين هو الان مو محرم
اذا على الكلام اللي كاتبته مافي شي يحمس ترجعين له بايعك يااختي بايعك برخيص ومو حاسب حساب له ولا لقيمتك
ادعي الله ان يعوضك خير منه ويعوضك باللي يستاهلك ويعرف قيمتك
والبنت ماراح تضيع الله اولى فيها
ادعي واستغفري وتقربي لله وانسي امره
انا مازلت اتذكره واحاول انساه
بس مجرد اتذكر رسالته اللي طلقني فيها
واتذكر روحته للمحكمه واتذكر لما راح للاحوال واسقط اسمي هنا فقط يسقط من ذاكرتي
رغم ان القلب فيه غصصصه

ياختي هم ليه م عندهم دم ولا احساس كيف تهون العشره عليهم كيف
اتوقع حتى الطلاق م ياثر فيهم يقدرون ينسون ب الزواج الثاني واحنا لا
حسبي الله بس كان مبين انه يكرهني

مع تباشير
لم يعد محرم لك ابدا
وهو بايع على قولتك من ايام الملكه
وطلبه تنزيل الجنين وغيره
يبين عدم جديته فعلا من هذا الزواج
لاعاد ترسلين و الحي بالدعاء وتفرغي لنفسك وبنتك
وادعي الله الخيره و العوض وان يجبر كسرك
الحمدلله لم تخونيه ولم تاتي بما يسود وجهه
ومافي شخص معصوم من الخطا