عمتي ام زوجتي تبي تسافر لامريكا عشان تجري عملية لبطنها و تبي تأخذ وحده من بناتها معها تقريبا لمدة اسبوعين ، و زوجتي تبي تروح معها واستأذنتني وانا بصراحة رافض الفكرة لكن هي مصرة ودايم تلح علي و تطلب رضاي و موافقتي بخصوص ذا الموضوع

المشكلة ان هذي راح تكون اول سفرة لهم ع امريكا ومدري كيف بيتصرفون ؟!!
وانا مقدر اسافر معهم بسبب شغلي ..
ابغى ارائكم سواء كانت موافقة او رفض اذا موافقة ابي اعرف كيف اضمن ان زوجتي ماتواجه مشاكل هناك و وش الإجراءات الأزمة اما اذا رفض اذكروا السبب والله يعطيكم العافية

بأي ولايه ....!
شيكاغو فيها مشاكل ....!
وبخصوص سفرها تحتاج فيزا لدخول امريكا لازم تعملها قبل سفرها ...!
واذا وصلت تحتاج فيزا امنيه رجل الشرطه بالمطار راح يضعها بالجواز ويكون محدد بمده معينه غير الفيزا الي عملتها في بلدها ...!
ممكن تواجه بعض المضايقات اذا كانت منقبه او تلبس خمار يغطي الوجه ....!
وفيه ملاحظه مهمه اذا ارادت ان تسحب فلوس لا تسحب فلوس من مكاين الصرف المعروضه بالمولات لتفادي لقدر الله الماكينه بلعت البطاقه ماتبتلش وتتعطل ...!
الافضل تسحب من مكاين البنوك حتى لو بلعت البطاقه تقدر تدخل على البنك وتخبرهم ....!
ومدام اسبوعين ماهي كثيره ...!

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

تبي تسافر لبيفرلي هيلز ، طيب بخصوص السواقين و الفنادق وش تسوي ؟؟مافي منظمين للرحلات بحيث يأخذونهم من المطار لفندق رخيص و قريب من المستشفى بعمولة بسيطة ؟؟!!! واذا خلصوا يودونها للمطار
و برأيك كم تحتاج تأخذ معها لتغطية المصاريف هناك ؟؟؟
ابغى أأمن لها كل شيء وأحسسها بالامان ، وماينقصها شيء لا سمح الله ..

و بخصوص الصرف مايصير تحول العملة هنا بالسعودية ثم تسحبها كلها و تسافر ؟؟؟؟!

والفيزا الأمنية هناك كيف تسويها ؟ وهل عليها رسوم ؟

ياخوي لا توافق ابداً
وين غيرتك ؟
وإذا سألتك عن السبب قل لها خوفاً عليك
وليس ضروري ان تقتنع هي المهم ان ترفض أنت

عادي جدا جدا جدا وامريكا امان ويحترمون المرأة أتحدى اذا احد بيضايقهم
وبالمطار لو يعرفون ان امها مريضة يخلونهم ڤي اي بي ومعاملة خاصة انا مجربة👍

ومافي اي تعرض نهااااائي .. اسمع كلام شخص مجرب مو شخص ماعمره شاف امريكا ولا شاف المعاملة طبيعي الشخص بيتخوف اذا ماجرب الشيء

__________________
سبحان الله وبحمده ، سبحان الله العظيم

الموضوع ماله دخل بالغيره لو بتروح تتمشى اي بس اذا امها مالها الا الله ثم هي ف للضروره احكام وله اجر انه خلى زوجته تبر بأمها ..

كيف ماله دخل ؟
لو تعرضت لا قدر الله لمشكله أو مصيبه هناك من يدافع عنها أو يحلها لها
ونعم أمها لها حقوق لكن لزوجها حقوق أيضا ومن ضمنها منعها من السفر

هل ستسافران لوحديهما؟!

__________________


اللهم طِيبَ الأثر .. وحُسْنَ الرحيل.

ايـــه ولا ماكان شلت همها لو معهم احد ..

نفس القصة تكررت معي
والدتي كانت مريضة وسافرت للعلاج الى الخارج مع اختي
اختي عمرها 23 لكنها تتكلم الإنجليزية بطلاقة
والحمدلله جلسوا شهر وكانت امورهم كويسة

اذا زوجتك لغتها الإنجليزية جيدة
وتعرف تتصرف وقد المسؤولية
لا تمنعها
والدتها أولى فيها ومن البر ان لا تتركها بمرضها
اخي الكريم في حاجة ملحة للسفر
خذ هذه النقطة بعين الاعتبار