السلام عليكم جميعا

انا كتبت موضوع قبل شهر تقريبا هذا رابطه
http://www.66n.com/forums/showthread.php?t=268813
تقريبا بعد اسبوعين اللي كانت مليئة بالاحاح منه و من اهله ان اسامحه و ارجع له
رجعت له ، بشروط و من ضمن الشروط حتى اضمن سلامة حياتي الزوجية
طلبت منه ينقل دوامه عندي مكان ما انا موظفة وافق على الشرط و جلس ف مجلسنا و اكد كلمته عند اخواني .
وكان المغزى من الشرط ذا بما انه مدمن و عاهد الله و حلف به انه ترك هالبلاوي
كنت ابغاه يبتعد عن الشلة الفاسدة ويبدأ حياة جديدة في مجتمع جديد راح اقدر فيه التحكم في حياتي بشكل اكبر و ضبطها افضل من اول
المهم ، رجعت لزوجي طلعنا فندق و تناقشنا كثير عن امور النقل و كنت قبلها معطيته رقم موظف معي واسطة يعني يقدر يشوف موضوعه و يتم باذن الله
تعشى زوجي و نام ، فتحت جواله ابغى اتأكد انه مافيه محادثة بينه و بين اللي كانوا يروجون له الحبوب بس مالقيت شي او انعميت لما شفت محادثة بينه وبين اخته عني و عن اهلي كلام يضيق الصدر و اكتشفت من خلال المحادثة
ان موضوع النقل كان مجرد حيلة منه عشان اوافق ارجع و كاتب لها بالحرف الواحد
( مامعي غير هالكذب و المسايسة لين ترجع لي و اذا رجعت والله لاطرد امها و اهينهم )
مع العلم ان اهلي ما سووا له شي هذا من غير نعته لامي بانها ملعونة و انها طمعانة بفلوسي ، و انها هي اللي خربت بيتي كلام سخيف لكن احرقني امي كانت اكثر وحدة خلتني اوافق عليه وهو يعرف
طبعا اخته تشاركه الحديث السيء عن اهلي , فجعته من نومه و واجهته طبعا مافيه مجال للأنكار
عذره ان هالكلام انكتب ساعة غضب .
و من ضمن الكلام ايضاً انه راح يحاول فيني ارجع بكل الطرق و اذا رجعت له بيطلب مني اسافر معه و اذا رفضت راح يعلقني و يرجع الديرة . قبل ما اقرأ المحادثات كان يحاول فيني ارجع معه قلت له اجازتي ما باقي عليها شي و انت ماعندك اجازة ترجعني ف وقت بسيط بنطول كنت افكر فعليا ارجع معه يعني كنت مصدقته و عمياء من كلامه و كثرة حلفه و وعوده , ساقني الله وشفت المحادثة و عرفت ان الموضوع مؤامرة
بعد محاولات ترجاني اني ما اعلم احد قلت تمام ابشر بسترك احتفظت بالمحادثات ف جوالي لاني اعرف انه جحاد و ينكر الكحل من العين
سافر و وصل بالسلامة و لمدة اسبوع يحاول فيني افصل من هالعمل و انواع الاغراءات
اخر شي قلت له واذا قلت لك مراح اسافر وبعدها ؟
قال انا بتزوج و انتي خليك كذا معلقة !
كلمت اهلي ف الموضوع خلاص عرفت انه شي مستحيل يتعدل
قلت له طلقني قال لو وش تسوين ما اطلقك
طلقني فجر الجمعة بعد ما تكلمت معه امي و قالت له طلق و الا ترى ظلمك لبنتي بيرجع لك ف حياتك و راح ادعي عليك ليل ونهار لين الله ياخذ حقها منك على اخلاقك و تعاملك معها , قال بطلق لكن بشرط تستروني ما واجهتوا مني و اذا سألكم احد عن سبب الطلاق قولوا اعترض انها تكمل عملها و هي طلبت الطلاق لان الوظيفة شرط من شروط العقد .

طلقني , و الشعور بعد الطلاق احرقني كثير بكيت تمنيت يتعدل كنت ناوية اعيشه احسن عيشة و ما اخليه يحتاج شي كنت ناوية على حاجات كثير حلوة بس دائما هو يهدم اي حاجة حلوة انوي اسويها دائما اذا نويت اسوي حاجة اكتشف شي يخرب
و هذا انا فالعدة من جديد ابكي احيانا و احيانا احس بشي مؤلم بس مو ندم
مادري هو الحب اللي حبيته و الا الذكريات اللي كانت ما ادري ايش بالضبط .


ابغى ردودكم مواساتكم اي شي من قلمكم

وشكرا

__________________

الحمدلله الذي انقذك منه

الطلاق شيء مؤلم

ولكنه في حالتك يجب ان يكون شيء مفرح

ويجب ان تشكري الله سبحانه وتعالى ان

كشفه لكي في الوقت المناسب

وان

خلصك منه

وان

لم يكن بينكما اطفال

وألم الفراق يحتاج الى وقت

وستلتئم جراحك بإذن الله اذا تفاءلتي وفكرتي بإيجابيه

الله يكتب لكي الخير اين ماكان

ويؤجرك في مصيبتك ويخلفك خيراً منها

__________________

شكراً ( لماذا نتزوج ) على ردك

__________________

قال بطلق لكن بشرط تستروني ما واجهتوا مني و اذا سألكم احد عن سبب الطلاق قولوا اعترض انها تكمل عملها و هي طلبت الطلاق



ليس جميل ان يقال هذى عن سبب طلاقكم




عوضكي ربي بمن يسعدك

صدقتي و انا مو عاجبتني هالنقطة بس وقتها كنت ابي الخلاص خصوصا انه كان يطلب

حقه المهر لاني انا اللي طلبت الطلاق و اثبات الاسباب في المحكمة صعب


آمين

__________________

الله يعوضك خير والفكة منه غنيمة .. ولو سالكم احد عنه لا تكذبين قولي انه مدمن ولا تتدبس بنت الناس معاه

__________________
سبحان الله وبحمده ، سبحان الله العظيم

اللهم آمين ، اكيد اللي ما رضيته على نفسي مراح ارضاه لبنت الناس

__________________

عوضك على ربنا
بالله زعلانة وتبكي عليه !


ياشيخة روحي اسجدي سجود شكر لله واحمديه ربي فكك منه ومن شره

ولايشوف منك ريال واحد لاتعطيه مهرك مقابل الطلاق
هدديه وساوميه قولي مستعده استر عليك بس الطلاق يكون ودي وترسل لي ورقتي
وماتسترجع مهرك خليكي قوية انتي صاحبة حق

واتوقع من هالاشكال اللي ماعندها دين وذمة وضمير هو اللي بيتكلم عليك
عند الناس وبيحط اللوم عليكي وعلى اهلك

إلا عاد اذا مافيكم للمواجهة والتصادم معاه وبتشتري راحة بالك اعطيه المهر
والله يخلف عليك

الحمدلله اللذي عافانا مما ابتلاه به

الحمدلله مو زعلانة عليه

زعلت على نفسي لكن العوض من ربنا سبحانه

هو طلق خلاص ننتظر الصك بعد انتهاء العدة

__________________

اللهم آمين يارب


امين يا دانة والله مانبغى من هالحياة غير انو نعيشها بهدوء وسلام

لكن الحمدلله على كل حال و المؤمن معرض للأبتلاء

الله يعوضنا بالخير


الحمدلله الحمدلله الى مالا نهاية

هذا هو سبب حزني بالضبط صدقتي
اشكرك على ردك و مثل ما قلتي الحسرة على الزواج اللي كنا نرجي انه يكون سعيد

الله يسلمك من الشر

معك حق و الله و الحين راح استأنف العمل و التهي فنفسي و انسى اللي صار

الله يجزاكم الجنة جميعاً و يفرج همومكم يارب

__________________