السلام عليكم ورحمة الله وبركاته

حبيت اخذ رأيكم لاني متردد بصراحه
انا خطبت ثنتين وشفتهم شوفه شرعيه وماارتحت لهم وماصار نصيب
المهم انا اموري ضبطت ولله الحمد واللي اول كنت ابي اتزوج عشانه واللي هم العيال الحمدلله الموضوع انحل جبت شغاله ولله الحمد ريحتني من كل شي بخصوص الاولاد
وجبت لهم مدرس خصوصي يجي يعطيهم دروس ويذاكر لهم والوضع ممتاز ولله الحمد
وتقريبا انا مرتاح حاليا وحاس اني حر ولا ناقصني اي شي ومرتاح جداً جداً
وحتى عملي تغيرت للافضل واسلوب حياتي تغير للافضل ونفسيتي فرق شاسع عن لما كنت متزوج
المهم ان الوضع بهذا الشكل عاجبني حيل
المهم اللي استجد ان فيه عروس جديده عن طريق اخوي وهي من قبائل نجد المعروفه ولكن جنسيتها سوريه البنت واخوي كلمهم وموافقين وابد كل شي اوك طبعا فيه اجراءات طويله ولكن موضوعها هين ان شاءالله
طبعا انا ماطلبت من اخوي ولكن هو شايل همي هو واخواني وخواتي الباقين وقالي تعال شوفها يمكن تعجبك وانا متردد وماني متحمس على الزواج بصراحه مثل اول
ولي يومين وانا افكر بالموضوع
انا مرتاح كذا وبنفس الوقت ساعات اقول يمكن هذا العوض اللي الله كاتبه لي بعد طول صبري
مدري وش اسوي

تم تعديل العنوان ليتناسب مع المضمون

،

مادام ضبطت امور اولادك
ومرتاح ونفسيتك تمام ليشش مستعجل ؟!

ليش متاخذ فترة تصفي ذهنك من المشاكل اللي فاتت ؟ علشان بعدها تقدر تفكر وتاخذ القرار الصحيح ؟

فكر قبل القدوم على اي خطوه علشان ماتغلط نفس غلطاتك الاولى ..

.
ارجوك ثم ارجوك انته لاولادك لاتعتمد على الشغاله فانت تعرف الان الشغالات لانثق بهم استودعهم الله في كل وقت .. الله يحفظهم ويكون في عونهم

.

اي والله الحمدلله والشكر لله مرتاح جداً بوضعي هذا
لان تركيزي صار بس على اولادي وعملي ونفسي فقط
مافيه مشاكل ولا وجع راس

كيف من قبايل نجد وسوريه ومو انت تقول العمل مايرضى تاخذ اجنبيه
الله يرزقك الزوجه الصالحه

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

ماتجي نجديه وجنسيتها سوريه
مانصحك تتزوج الان حتى تضبط امورك
هيئ نفسك لزواج وبعد عنك ترسبات زواجك الاول
لاتولي عيالك الشغاله بدون مراقبه وانتبه انت النفسك
منها ترا يتمسكنون حتى يتمكنون خاصه اذا البيت مافيه
حرمه تضبطه
واذا نويت الزواج خذها من بلدك حلات الثوب رقعته منه وفيه
ماراح يفهمك ولايصبر على عيالك وبعرف طبايعك الا بنت بلدك
واهم شي لاتكون صغيره واظفر بذات الدين قول رسولنا
صل الله عليه وسلم

اختي الجنسيه ماهي اصل كل القبائل بدون استثناء لها تواجد خارج السعوديه
وبعض القبائل شيوخها موجودين خارج السعوديه

اصولنا من نجد ، احد اجداي سعودي ، لكنني مغربية الجنسية ..شجرة عائلتنا تثبت هذا و صولنا ايضا .
قد تكون على نفس الشاكلة

__________________
أشهد أن لا إله إلا الله و أشهد أن محمدا رسول الله صلى الله عليه و سلم

نعم اختي الجنسيه ماهي اصل
ملك المغرب نفسه من الحجاز

اختي جميع قبائل نجد والشمال لهم تواجد في سوريا والعراق
صحيح العمل ممنوع الزواج من غير سعوديه
ولكن فيه استثناءات والشروط المطلوبه تنطبق علي

رجع زوجتك الأولى وعفى الله عما سلف