السلام عليكم ورحمة الله وبركاته

انا هاليومين جالس اجهز للسفر للخارج عشان اجراء عمليه لولدي في الخارج بعد تواصل مع اطباء معروفين وارسال التقارير لهم وبالتنسيق مع ابن عمي الله يجزاه خير
وطبعا امه عندها خبر ان ولدها راح يسافر لعمليه خطيره في النخاع الشوكي نسأل الله له الشفاء
المهم البارح جاني اتصال من اختي تقولي ان فلانه تزوجت قبل يومين واللي هي ام اولادي
الحقيقه اني انصدمت بصراحه قلت الله يوفقها ويستر عليها وانا من داخلي بصراحه مستغرب وش هالام !!! وخصوصاً اني كنت ناوي اودي الولد لها اول عشان اجهزه نفسيا يعني لما يشوف ابوه مهتم فيه من جهه وامه من جهه تفرق مع الطفل طبعاً
وطبعا سافروا شهر عسل هههه شر البلية مايضحك وهذا يعني ماراح يشوفها ولدها قبل السفر
طبعاً انا ماني ضد زواجها والله اني فرحان وان شاءالله تتوفق
بس مستغرب من التوقيت وكيف لها نفس تفرح وولدها عنده عمليه خطيره!!

الله يشفي ابنك و يعافيه ، امين

هداها الله

__________________
أشهد أن لا إله إلا الله و أشهد أن محمدا رسول الله صلى الله عليه و سلم

الله يشفيه يارب وتفر ح بسلامته وعقبالك يارب بالزوجه الصالحه

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

__________________

الله يشفيه ي رب
ويخليلك عيالك ويحفظهم ويعينك ع تربيتهم ويمتعك ربي ف برهم ان شاالله
ويرزقك بالزوجه الصالحه الي تعينك ع دينك ودنياك
قول امين

الله يشفي ولدك وعافيه .. واستودعه الله دائما

عادي الوحيد .. القلوب الامهات مثل قلوب الاباء مو سوا .. او ممكن تكون حزنانه عليه وتفكر لكن بعد تبي (تنجح ) بزواجها الجديد فقّوه قلبها وتبي تثبت للزوج الجديد أنه حياتها معه ماراح ينغصها عيال من زوج سابق
وغير انها مدرسه فهذي الاجازه فرصه للزواج مهما كانت الظروف

وممكن لانها واثقه انك ماراح باذن الله تهملهم بردت هالقلب

اخيراا اعتبرها شخص مو موجود .. ولا تدخلها بنفسيه الاطفال وجود امهم او عدمه

ومستقبلا لو عرفوا عيالك انها تزوجت فهونها على نفسيتهم لو كانت صعبه عليهم

يا اما ما تعلق نهائيا ع الموضوع او تعلق بايجابيه

والله يرزقك ببنت الحلال اللي تعوضك وعيالك خير ويجبر كسر قلوبهم ,

__________________
أعلل النفس بالآمال ارقبها .. ما أضيق العيش لولا فسحة الأمل

الله يقومه بالسلامه ان ساء البه ويشفيه.

اخوي الوحيد. انت رحال عاقل وتعرف تحلل وتوزن الامور وحنون. صفات جميله وكويسه الحمدلله. لا تعتقد ان اغلب الناس تفكر بمنطقيه مثلك.

يازين الردود الإيجابية
وفقك الله أختي الكريمة

__________________
ياصبحِ لاتِقبل !!
عط الليل من وقتك..

__________________

سبحان الله
طيب هل تاكدتكم من التشخيص قبل تسوون له العملية ؟