السلام عليكم

بختصر لكم مشكلتي .. انا متزوجه من سنتين و6 شهور ولم انجب الى الان اطفال بسبب تعب عندي يمنعني عن الحمل حالياً واخذ ادويه فما تنفع مع الحمل وزوجي مقدر هالشي وراضي ... لكن زوجي في عيوب وادري ان الكل فيه عيوب ومحد كامل بهالدنيا لكن الانسان عنده طاقه يتحملها ان زادت عن حدها خلاص انفجر وبدت الحياة الزوجيه تكون مُملة وممكن تكرهك بالطرف الاخ بسبب افعاله اللي مالها اسباب ما ادري اعتبرها غيررة ولا نجاسة ولا انا مو ماليه عينه ولا ما ادري صراحه بالضبط لكن زوجي مايحترمني هو موب مقصر مَٓعٌاآيْ بشي انا اعترف وماراح اظلمه من هالناحية اي شي ابيه اذا قدر عليه بسبب ظروفه الماديه جابه لي مايقصر لكن دايم يستهزأ فيني دايم يطلع فيني الف عيب يقولي انتي غبيه انتي ماتفهمين انتي نكديه مع العلم اني الْحمَدللـّہ ليل ونهار اضحك واسولف واحب الفرفشه لكن اذا جيت امزح معاه ولا احاول اتقرب له قال ياسخفك ولا نكديه ؟ كيف نكديه وسخيفه وانا بشوشه واسولف معك ومعطيتك وجه ؟
وانا ما امدح نفسي لكن انا ما قصرت معه بشي اتكشخ له واتزين ودايم ابتسم له حتى لو هو مكشر بوجهي غير كذا يشكك في عباداتي من صلاه واستغفار اذا شافني اصلي الوتر قال لي اي تتمسحين بالدين ولا انتي انسانه قليله ادب ؟ قلت ايش انا قليله ادب لاني جالسه اصلي وتري قال لا مو على الصلاة قلت ع ايش طيب وضح لي عشان افهمك ؟ قال لي انا احيانا ما ارتاح لك احس وراك شي .. قلت كيف وراي شي قال انتي بعد طلاقك جلستي فتره ماتزوجتي علطول احسك كنتي تكلمين شباب وتلعبين ؟ قلت له لاحول ولا قوه الا بالله حسبى الله ونعم الوكيل كيف جاي تقولي هالكلام تقذفني وتشكك باخلاقي واحنا متزوجين لنا اكثر من سنتين يعني مو انا جديده عليك ولا انت جديد علي ليه جاي الحين تقولي هالكلام
المهم زعلت منه وطلبت منه الطلاق قلت له طلقني وودني بيت اهلي اذا تشوفني بهالنظرة الدنيئه انا ما اسمح لنفسي اعيش مع واحد يشك فيني والمشكله عارف اخلاقي وعارف اهلي لكن هذي وسايس شيطان يلعب براسك وكلن يناظر الناس بعين طبعه المشكله مو علي بعد يشك حتى باهلي دايم يتكلم عليهم وع امي وخواتي ويتهم باشياء قذرة والمشكله عارف اخلاقنا واول ماخطبني كان يقولي ماخطبتك الا من سمعتكم الناس يمدحون فيكم وهذي الحقيقه الْحمَدللـّہ وكنت ازعل وبعدها يجي يتاسف واسامحه ويرجع يكرررها بعد فتره مايتوب فاخر شي قال لي هالشي طلبت الطلاق يوم طلبت منه رجع اعتذر قال انا احبك والله وما اقدر استغني عنك وانتي زوجتي وام عيالي باذن الله قلت االلي يحب من قلبه مايشك بشريك حياته اللي يحب مايستهزا في حبيبه اللي يحب مايجلس كل شوي ينتقد اللي يحبه قلت له فعلا ترى اذا استمريت كذا بيجي يوم واكرهك ولا عاد ابيك والله ولا يهني اتطلق مرتين وثلاث واربع ترى عادي واهون علي من زوجي يجي ويشكك في اخلاقي ويتخيل اشياء م صارت لان زوجي احيانا الاحظ عليه لما ادخل عليه فجئه او اشوفه فجئه القاه يحاكي نفسه مره قلت له ليه تحاكي نفسك قال ماحاكيت نفسي متى قلت الا تو قال ما اذكر ما ادري احسه احيانا مريض نفسي ولا فيه شي لان دايم يحكي لي عن حياته يوم كان صغير مع امه وابوه وكيف عانى معاهم وماهو مهتمين له مرات احسه فاقد حنان ومرات احسه ضعيف شخصيه لكن يبي يطلع رجولته علي شافني ضعيفه قال اتروجل عليها لان يوم كان عند اهله يعاملوه كانه طفل ماحسسوه برجولته حتى وهو كبير كانو يعاملونه كانه طفل متحكين فيه انا قلت يمكن هالشي ماثر عليه عشان كذا ماصار يثق باحد الله اعلم لان بدايه زواجي صارت لي مشاكل مع امه كانت تدخل في حياتي من اول اسبوع زواج بشكل مو طبيعي بس الْحمَدللـّہ حليت الموضوع ووقفتها عند حدها وحطيت خطوط حمراء بيني وبينها وكان زوجي عارف امه فما زعل مني لاني طلبت منه احل الموضوع معها المهم غير كذا اذارحنا مكان ولا مجمع واتفرج عادي المهم غير كذا اذارحنا اي مكان كوفي ولا مجمع واتفرج عادي زي العالم والناس يجي يتهمني وش تطالعين ايه ايه تناظرين هالرجال قلت اي رجال الْحمَدللـّہ والشكر ماطالعت رجال ولا طالعت حرمه .. يقول الا انا شايفك بعيوني لو تحلفين ماراح اصدقك قلت لا تصدددق وجعل عمرك ماصدقت مايهمني تصدق ولا ماتصدق ترى ربي موجود اخاف منه قبل لا اخاف منك واعرف حدودي زين ... قالي انا الرجال اغض بصري وانتي ماخذه راحتك قلت كيف ماخذه راحتي وش تبيني يعني اسد عيوووني قال لا عينك بالارض قلت يعني امشي وعيني بالارض اصدم بالعالم يعني لازم اشوف اللي قدااامي اتفرج ع المحلات امشي واعدي المحلات يعني قال لا طالعي المحلات عادي بس لا تطالعين الناس ههههههه قلت له ومن قالك اطالع الناس اجل خلاص كان من الآۆلْ اخذت لك وحده عميانه وفكيت نفسك المشكله ياعالم ياناس جاب لي الهم والغم صرت اذا طلعت معه بمكان اخاااف منه واقول الله يستر منه لدرجه نفذت كلامه اللي يقوله تخيلو امشي وطول الوقت عيوني بالارض اتفرج ع سيراميك وتراب وزفلت كل هذا عشان افتك من شره ومافتكيت من شره يوم سويت اللي يبيه امشي وماصرت اشوف من اللي قدامي كان رجال يمشي بغيت اصقع فيه قالي انتي مجنوونه ماتطالعين انا عصبت وقلت انت المريض النفسي ماعرفت لك مره ماتطالعين ومره ليش تطالعين وعيونك بالاارض خلاص انا مليت منك ومن طبعك اذا ماغيرته كلن يروح بطريقه انا متزوجه عشان اكون مرتاحه ماتزوجت عشان اعيش بنكد معك طول العمر
غير سوالف ثانيه لكن اختصرت لكم المهم
اتمنى الاقي الحل عندكم لاني فعلا تعبت تعبت نفسياً والحين صار يربط الطلاق بكل هوشه اذا سويتي كذا انتي طالق مره تعبت منه وش الحححححل


تم تعديل العنوان ليتناسب مع المضمون

معقوله مشاهدات بدون ولا رد ؟

الله يفرج همك
زوجك محتاج وقفة جامده منك ...

ما شاء الله روحك حلووووة وفروفشة وهذا اللي اتوقع ممشي حياتك معه

زوجك يحتاج تكوني جاااااااااادة معه

فلان كيت وكيت وكيت وغيره ما يرد لي راسي !!

والله بالاخير اكتشف شي ان كثرة المسامحة تمرد الشخص الاخر ويستهين

ومثل ما قلتي ماعنده ثقة يوسوس

اظن ان يتأثر بقصص الخيانات وغيرها

سؤال هل هو لما تزوجك مطلق او كان اعزب؟

__________________
يا رب خاتمة حســنة ، وزلفى ، وحسن مآب ..

__________________

انا والله العظيم محسسته بالثقه التامه واسمع كلامه بكل شي وما اعانده بشي
اسلك اموري مه عشان تمشي حياااتي

غير كذا موسوس حتى بالنظافه حتى بأتفه الامور لدرجه مايمشي الا بمعقم

انا ماسكت ودايم اقوله احترمني واحترم اهلي مو بس ترى يسبني ولا يسب اهلي
حتى اهله يسبهم ويكرهم دايم يقولي الاهل مافيهم خيير الاهل كلاب تخيلي
اقوله اهلنا فيهم خير وبركه ومهما كان ذولي اهلنا وعلى روسنا قال اصلا الاهل هم الذ الاعداء بس وقتها يقولي خلاص اوك ماراح اتكلم في اهلك بس بعدها فتره ينسى ويرجع

مدري وش الحل صراحه

لما قريت مشكلتك حسيت كأنك تتكلمين عن زوجي في بداية الزواج بس زوجي حالته اصعب
الموهم انو لفتني بكلامك انو شفتيه مره يكلم نفسه ..
طبعا ذا الشي مو طبيعي ويدل ع ان عنده مشكله نفسيه وخصوصا مع ظروف تربيته الصعبه
هل لاحظتي عليه شي غير انو يكلم نفسه ويشك فيك يتهمك باشياء ماسويتيها ؟
هل وضعوا كذا من بداية الزواج او اتغير فجأه ؟
الله يفرج همك

طيب وشلون حليتي هالشي دام زوجك مثل زوجي ابي استفيد منك اذا حليتي هالمشكلة او لقيتي لها حل ؟

سؤالك الآۆلْ / لا مالاحظت شي ثاني غير انه يتخيل اشياء ماصارت اصلا ويقولني كلام وافعال ماسويتها جاب لي الجنون والله العظيم

سؤالك الثاني/ ايه نعم من بدايه زواجنا وهو كذا من اول ما اخذته مو شي يعني جاء مفاجئ

ههههههه تصدقين انه يقلب الموضوع علي اذا قلت له للاسف انت ماعندك ثقه لا بنفسكك ولا في اللي حولك يقولي انتي متاثره بحياه الفهد وبالمسلسلات والافلام وجايه تطبقينها عندي هههههههههههه << واثق من نفسه مرة

المهم انا صحيح سامحته مره ومرتين وثلاث لكن اخر مره صارت بيني وبينه مشكله بسبب موضوع يخص بعدم الثقه ووقتها كنت في زياره لاهلي لان اهلي بمدينه وانا بمدينه اخرى وكنت الْحمَدللـّہ وقتها عند اهلي فقلت لابوي كل السالفه مع اني مع اني ما احب ادخل اهلي بمشاكلي ولا اقولهم شي لكن خلاص زي مايقولون طفح الكيل فقلت ابي الحل من ابوي لانه اخبر مني بامور كثيره في هالحياه يوم علمته السالفه قالي اصلا هو متصل علي وقايلي ان بنتك تكلم واح بالايميل ههههههههههه من في هالزمن يدخل ايميل اصلا ... طبعا انا انصدمت ماتوقعت توصل لهالدرجه قلت يبه انت مصدقه انت عارفتي زين قبل ما اخاف من اي مخلوق اخاف من ربي اول
قال له ابوي عندك دليل طيب انها فعلا تكلم واحد ؟ عندك محادثات شفت شي بعينك اذا شايف شي ع على بنتي غلللط واحد انا اللي ابكسر راسها وأأدبتها بدلا عنك
طبعا قال هو لابوي لا ماعندي بس احس كذا
قال له ابوي اجل لا تكلمني وانت ماعندك ادله ولا يجيك هالاحساس هذا الشيطان يوسوس لك واساسا مافي شي وقتها يوم تجرا وقال لابوي ويبي يشوه سمعتي ونظره اهلي لي قلت لابوي قول له والله العظيم ما ارجع لك من هاللحظه مابيني وبينه شي خلااااص انتهى
قال ابوي تعوذي من الشيطان وانا بتفاهم معه قلت لا تتفاهم ولا شي ماينعطى ترى وجه .. ثاني يوم اتصل ع ابوي وابوي مارد عليه لمده يومين وجاء عند بيت اهلي وقاب لابوي انا اسف والله انا غلطان صح الشيطان دخل بينا وانا ماراح اعيدها ومن هالكلام قال له ابوي خلاص بنتي ماتبيك تبي الطلاق قال لا ماتوصل للطلاق ومن هالكلام بالاخير وعد ابوي مايكررها المهم بعدها رجعت لاني حسيته صااادق لاني تفاهمت معه ووعدني قدام ابوي بعد. بعدها بشهر رجعت حليمه لعادتها القديمه للاسف




لا اعزب بس كان قبل متملك على وحده وطلقها

ابحثي عن الاشياء والامور التي يحبها في حياته وشاركيه فيها وحاولي تنميها له وتعيشينها معاه
هكذا تصيرين انت ومصدر سعادته متلازمان
فكرة والله اعلم