نزلت موضوع اني صدفة شفت حبه كلتاجون ومع ذلك ماكان فيه اي تفاعل على الموضوع

والان اكمل واقول ان حياتي مع هالشخص مليئه بالكذب والغموض والهروب من المنزل الناس من برى تعتقد اني سعيده لاني اطل عليهم في افضل حالاتي عندي اروع اطفال وبيتي من اجمل البيوت هذا ظاهر حياتي وفوق كذا هو خدوم كانه سواق يودي ويجيب ويلبي طلباتي لذلك الناس واولهم اهلي يعتقدون ان حياتي كامله مع شخص كذاب متلاعب مقصر دينيا سبق لقيت حسابات وهميه له لعمل علاقات مع البنات وقلت نزوه ولا تدققين والان كبتاجون وكل الاعراض فيه عمري ماتهنيت معه في سفره يوم ويطفش ويمل ويسوي مشكله ويرجعنا ولا كنت اظن انه مبتلي ومدمن او متعاطي الا الان مو عارفه اباعد التعاطي يسهر برى البيت واشك فيه انه يخوني

طبعا مو قادرة اتخذ هالقرار وايش اقوله من وين ابدأ لانه مايعرف اني عارفه بكل شيء يخبيه عني هل ابدأ معه من الحسابات الي شفتها من سنين يمكن تكون فعلا ماضي ونزوه والا من حبه الكبتاجون

انا تعبت امثل اجامل اتحلى بالصبر وهو واثق من عمره قدامي كانه ملاك والناس تشوفني وتقول متهنيه
خلاص ربي يعلم قد ايش انا متعبه افكر اشيل عفشي واطلع وبعدها ارسل رسالة بكل شيء
انا للاسف كنت مع الشخص الغلط لمدة عشر سنوات وهو حقيقي مايستاهل وحده مثلي لاني النقيض عنه تماما
لكن ااااااه اطفالي هم كاسرين ظهري هم الي بيتعبون من هالقرار بيتركون البيت الي ربوا فيه وغرفهم الي نظموها بانفسهم انا بعد بترك وراي اشياااااااء بنيتها وخططت لها ونفذتها خلال عشر سنوات وظيفتي علاقاتي حتى القروض الي اخذتهغ عاى ظهزي عشان نكون عيله محترمه ونربي عيالنا في اجمل بيئه امور وذكريات غاليه علي لكن نفسي اهم من كل شيء

كان الله في عونك واسأل الله الهداية لابو اطفالك..
اتصلي على مكاتب الاستشارات الاسرية المجانية لعل الله يرشدك من خلالهم للحل الصحيح..
مو شي سهل تعيشين مع مدمن صعب مره الله يكتب اجرك ..
كيفه مع اطفاله طيب؟

جزاك الله خير هو اب رائع جدا رغم بعده وتقصيره يحاول يعوضهم كثيييييير ويادري على اغلاطه بطلعه تمشيه حلويات العاب كريم معهم في هالسوالف

وانا يلبي لي اي مشوار لكن كذاب ولعاب ومراوغ كل هالامور الزينه عشان يغطي على سواد وجهه ويستمر في الغلط

فيه جانب طيب وفيه خير الحمدلله،،
نصيحتي لك وان شاء الله فيها خير ، اكثري من الدعاء ان الله يعصم قلبه وعقله وجوارحه من البلاوي هذه
تعالي له بالتلميح، (اذا جاء سوي نفسك متأثرة وضايق صدرك وان قال وش فيك
قولي يافلان امي كلمتني قبل شوي تقول انها تعرف حرمه بنتها تطلقت وعندها عيال وزوجها مدمن والعياذ بالله الله يحمينا ويبعد عنا الشر وقولي بعدها مرره امي حزينه على عيالهم نفسيتهم تعبانه من الانفصال وحزينيين كثير بعد مادروا ان ابوهم مدمن ، الله يعينهم ويصبر قلوبهم ..)

ماودي انك تكذبين وتألفين قصص، بس وش نسوي عشان ما تقولينها بشكل مباشر بوجهه ويتجرأ بعدين
الله يهديه ويصلحه

الله يجزاك خير انا حاليا شغالة على هالكلام
اذا طلع استودعه واقول قاعده احلم احلام مزعجه ابيه يحس يخاف لكن الله الهااااادي الله الهااااااادي ولاحول ولاقوة الا بالله العلي العظيم
كلامكم واساني وعطاني طاقه اكبر كانت مستنفذه
لمزيد من الصبر والتفائل والدعاء والله كريم يصلح الحال
اطفالي يستاهلون اتحمل كثير

اسأل الله العظيم رب العرش العظيم
ان يهدى زوجك ويصرف عنه شياطين
الانس والجن


انه سبحانه قادر على كل شىء


اولاً عليك بالدعاء والتضرع الى الله
عز وجل ان يهديه


يا آختى اذا اسلم انسان على يدك
فلك آجر عظيم

فما بالك الذى ستسعى لكى يتوب
ويعود الى الله هو زوجك وابو اطفالك
وليس برجل غريب


وهو يستاهل يكفى انه لم يهينك
ولم يمد يده عليك واشعر انه مهتم فيك
وفى اطفاله ولا يقصر معكم بسم الله
ما شاء الله لا قوة الا بالله


الموضوع يحتاج الى تعب


هل بيتك واطفالك لا يستهلوا
هذا التعب والمعاناه التى ستقومى
بها لكى يعود الى الله ويبعتد
عن صحبه السوء


ارجع واكرر عليك بسلاح الدعاء

آمن يجب المضطر اذا دعاه

سبحانه وتعالى


استغلى اوقات اجابة الدعاء


وصاحبى زوجك كونى له الصديقه
قبل الزوجة وحاولى ان تجعليه يفتح
قلبه لك ويفضض معك والله قادر
على كل شىء

حاولى ان تكونوا معه اكثر الاوقات


خوفيه على اطفاله


اذكرى له بعد العبر حتى يتقى الله
فى نفسه لكى يحفظ الله عليه نعمه
من زوجةواطفال وصحة ومال


وفقك الله عز وجل لما يحب يرضى

__________________

الله يجزاك خير فعلا هو ماغلط علي واهانني
لذلك انا اتحلى بالصبر وامشي الحياة رغم انه من وراي دااااهيه

ولاتقول صادقيه وخليك معاه
ياما وياما كنت حوله باهتمامي وعاطفتي ووراه بالمسجات والهدايا
مرت علي ايام اسهر انتظر رجعته لكن عرفت ان ماحولي احد
وقبل سنوات قريبه سالته هل انا عاطفيه ابغى افهم منه وين الخلل ايش ناقصه وليه يفضل برى البيت عن البيت
قالي انتي بزيااااااده رومنسيه

للاسف
حاليا بكل مبالاه احط راسي وانام ومتى ماحب يرجع للبيت رجع
خلاص تعودت على غيابه وبعده لكن الحبه هي الي قلبت موازين حياتي والحمد لله على كل حال
الله الهادي ولا حول ولاقوة الا بالله

اختي الكريمة :
من كلامك وبين سطورك، واضح ان لديك زوج مميز، واب جيد لابنائك، وقابل للاستصلاح بشكل كبيييير وواضح ، لذلك نصيحة اخ "لاتفقعين عينك باصبعك".
مااشرتي اليه مشاكل ولكنها قابلة للحل، وكلمة طلاق ارى انها كبيرة في هذا الامر بوجود ابنائك، والاهم ان زوجك كما قلتي يحاول تغطية تقصيرة واخطاءة، وهنا بداية حل مشكلتك.
مادام زوجك حريص على التغطية وارضاءك وابناءك، استخدمي هذه النقطة بشكل غير مباشر ، تحدثي معه واذكري قصته على انها لصديقة او قريبة، وزوجته تستشيرك ماذا تفعل ؟
لاتفتحي بعض الامور التي يصعب اغلاقها، فمثلا احيانا الزوج بعد اكتشاف خياناته يتمادى ويصبح الامر عادي لذلك مري على الموضوع ببعض تفاصيلة لا كل تفاصيلة كاستشارة لزوجة، وقولي انها تفكر ماذا تفعل ؟
ذلك سيمهد لك بالتدرج ان تضعي الخطط على عدم خروجه الى السهر مع أصدقاء السوء الذين غالبا هم بوابة انحراف هذا الشخص الى عالم التعاطي ..
ولك كل الامنيات بالتوفيق

__________________
المستريح الي من العقل خاااااالي

الطلاق صح قرار صعب لكن يتطلب شجاعه وثقة.. بدون تردد ابدا..
بحالتك في تردد.. لان زوجك عنده مميزات كثيره..
اقلها انه موفر لك وللاطفال حياه كريمه ومستقره..

نصيحتي لك شي واحد
لاتفكري ابدا بحركة ترك البيت وارسال رسالة.. هذا تصرف طفولي
اجلسي معه وناقشي امورك بوضوح ونضج ووعي
مره ومرتين وثلاث وعشر.. حتى ماتندمي بعدين..
ابذلي كل طاقتك لتحسين العلاقه حتى ماتلومي نفسك
حاولي وحاولي وحاولي.. ولاتفكري بالهروب وشغل الرسايل..

ودام الموضوع في حبوب فزوجك مبتلي ويستاهل الشفقة..
ادخلي عليه من باب الخوف عليه..
لاتتعاملي معه انه واحد شبهه وعار وماله امان..
عامليه كمريض.. هو فعلا مريض..
قولي له يا ابوفلان انا بساعدك تترك هالمصيبه..
اجتهدي واحتسبي الاجر اقل شي 6 شهور..
لو رفض وقاوم.. هنا تقدري تطلقي بقلب مرتاااااااح..


الله يصلح امورك

زوجك به خصال مميزة وليس كله شر

وكما قال الاعضاء عامليه كمريض قابل للعلاج والتعافي مع مرور الزمن والصبر عليه

ولا ترددي نبرة انا استحق افضل من هذا لان ذلك من وساوس الشيطان والدنيا كما بها السعادة الهناء بها الشقاء والابتلاء