مشكلتي ماادري هي مشكله والا عقده والا بعضكم يمكن مايعتبرها مشكله !! بس انا متألمه منها كثير وللحين ماني قادره انساها ! وادري ان المشكله من نفسيتي الحساسه !! بقولها لكم باختصار واتمنى تساعدوني بوجهات نظركم !
انا كنت اشتغل ومن اول ما اشتغلت انخطبت وتزوجت بسرعه فأخذت اجازات كثيره من العمل بدون راتب !! ولما حملت حصل معي نفسي الشي وزي ما انتو عارفين هالاجازات صدفه وماهي بكيفي ظروفي صارت كذا وانا بصراحه لما اشتغلت مانيب محتاجه للعمل والحمدلله لكن لاثبات وجودي وشغل الفراغ !! اللي حصل اني من الاساس ماعجبني طريقه العمل مو زي ما توقعت ! وصارت هالاجازات وحسيت اللي معي بالعمل غارو مني !! وبرضو جو العمل وعلاقات الناس كلها غيبه وحسد ونفاق يجاملون المسؤله وهم يكرهونها !! وانا بصراحه مااقدر امثل على انسان اني احبه وانا مااحبه !!

وصلت الغيره لدرجه ان مسؤلتي انقهرت مني وحسيت انها بدت تحط دوبها ودبي !! هي انسانه مزاجيه لاخر درجه ! وكنا كلنا متزوجين الا هي !! احس هالنقطه اثرت فيها كثير !! الى ان وصلت درجه ماقدرت اتحمل طريقتها معي !! واخذت اجازه طبعا صارت مواجهة معاها وانتهت اني طلبت الاجازه من المديره اللي اعلى منها وبصراحه حسيتها وافقه معي لاني ماغلطت بشي وقالت لي انها عارفه اني اشتغل بضمير وان مسؤلتي اسلوبها غلط معاي وانها اصلا ماهي ملتزمه تتأخر كثير واسلوبها في التعامل زفت مع كل الناس مزاجيه !!كلمتها بس مافيه فايده المشكله ان المديره شخصيتها ضيفه قدام هالمسؤله وبنفس الوقت خايفه على منصبها وماتبي تسوي مشاكل!!

المهم المديره وافقت لي على الاجازه اللي كانت عشان ارتاح نفسيا واكمل دراستي !! وبنفس الوقت احاول اشوف لي مكان ثاني اشتغل فيه !!
المشكله الحين اني احس اني مجروحه ! كل مااتذكر الموقف اللي صار احس بألم في قلبي ! احس انها انتصرت علي وخلتني انحاش ! بس اوقات افكر واقول لو كنت للحين اشتغل كان تمادت معاي وتعبت اكثر ! ماني قادره انسي اللي صار لدرجه اني تعقدت من الشغل والناس ! أحس مااقدر انسجم مع احد وما استحمل احد يتأمر علي !! هرموناتي اختلت ونفسيتي تعبت من هالموضوع !! والحمدلله تعالجت الحين بس للحين مو قادره انسى اللي صار !!
صديقتي تقول اني مكبره السالفه واني حساسه بس هذا اللي اشعر فيه وش اسوي في نفسي؟ !! لما اتذكر اللي صار انقهر واحس بقلبي حراره وكأن الموقف صار امس وش اسوي عشان انسى ؟؟

انصحوني وقولو لي هل فعلا انا بينت انسانه ضعيفه قدامهم؟ الاحساس بالضعف والهزيمه قاتلني !!وبعدين انا ليه من الاساس مهتمه فيهم !! المفروض اطنش ومااهتم !! واللي قاهرني اكثر ان البنات اللي معانا ولا وحده فيهم فكرت تتصل فيني او تسأل عني فعلا حسيت ان اللي اشتغلت معاهم عصابه وشلت منافقين!!

انصحوني

أسيل

__________________

لاإاله الا أنت سبحانك إني كنت من الظالمين

حبيبتي ..

أنت أنسانه حساسه ورقيقه ..

كل عمل لابد مافيه مساوئ ومحاسن ...

إذا يمديك ترجعين لشغلك أرجعي وتوكلي على ربك وأثبتي للجميع أنك قادره على العطاء متى ما تبغين

والمسؤله خلي تعاملك معها رسمي ولاتلتفتين لها ولا لتعليقاتها

وبالنسبه للي حولك أثري عليهم بالطيب والتعامل الحسن وبيني لهم وجهة نظرك في كل شيء حتى يقدرون قيمة وجودك

وتغلبي على مشكلتك بزيادة الثقه بنفسك وأي أشكال يحصل عالجيه بوقته ..

ولو حستي بصعوية العلاقات مع حولك كوني جاده وأفرضي مهابتك عليهم ..

والله يوفقك ...

__________________

أخصائية التجميل : HANDEA

سبحانك اللهم وبحمدك ..

شلون ارجع لناس حتى لما طلعت ماوحده فيهم فكرت تتصل فيني ! والمسؤوله احس انها كرهتني ! خصوصا اني تجاوزتها وطلبت اجازتي من المديره اللي فوقها !! احس لو رجعت بتذلني !! ولو مارجعت هم متوقعين اني ماراح ارجع اصلا

__________________

لاإاله الا أنت سبحانك إني كنت من الظالمين

الحياة العملية طريق مختلف تماماً عن حياة الدراسة والحياة داخل المنزل.
الحياة العملية مسئوليات واختلاط وتعامل يخلو من المجاملات عندما تتعدى الشي المعقول،
نعم قد تلعب الظروف دورها، وقد يفهمك الآخرين بطريقتهم الخاصة، لكن شخصيتك من المفروض أن تظل كما هي قوية لا يزعزها القيل والقال.

ما حصل معك ليس إلا سوء فهم لوضعك الذي عشتيه من زواج ووضع وغيره، لا يد لك فيه، وطالما أن قانون العمل يمنحك هذا الحق فلا يحق للغير أن ينتقدك عليه.
لكن أسمحي أن أقول أنت الخاطئة لو كان هذا الشيء مجاملة لك بصورة شخصية وعلى حساب ظروف أشخاص آخرين.

أنا اعرف بأن هنالك أجازة وضع ، وإجازة سنوية ، وإجازة طارئة ، وإجازة بدون راتب على أن لا تتعدى وتزيد على كم من الأيام لا أدري عددها.


الانسان القوي يظل قوي أمام كل الناس بل

انا مندهش احب ان اوضح لك بعض الامور
اولا طبيعه عملنا موسميه غير مضغوطه واوقات كثيره نجلس بدون عمل ونضطر ان نلتزم بالدوام لمجرد الالتزام بالحضور!! معظم اوقات لا نعمل واذا كان هناك عمل من الممكن ان انهيه في ساعتين !! تخيل الدوام اكثر من 7 ساعات !

ثانيا المسؤله نفسها غير ملتزمه ودائما تتأخر عن اوقات الدوام !! واحيانا تبقي الى مابعد الدوام تتحدث بالتلفون فقط لكي تبين لمن هو فوقها انها تبقى الى مابعد الدوام ولا احد يعلم انها تبقى لتتحدث بالهاتف احيانا من جوالها واحيانا من مكتبها لكي لا تظهر لنفسها الشبهات من زياده فاتوره تلفون مكتبها!! وكما قلت لك لا توجد لدينا ضغوط عمل بالمره !!!


ثالثا لا اعتقد انني استغل احد في هذه الاجازات فكما قلت لك انا لم اخالف قانون !! فلا يوجد عمل متعطل ولو ان اي احد في مكاني كان سيفعل مافعلت !! فلست الوحيده التى اضطرت لاخذ اجازات هناك غيري !! وبالمقابل هناك من لا يستطيع ان يفعل ذلك لحاجتهم للراتب ربما او لاختلاف ظروفهم !

رابعا رايت بعيني ان زميلتي بالعمل تستغل تلفون مكتب زميله لنا غائبه عن العمل حتى لا تزيد فاتوره تلفونها !! نحن محاسبين ان لا تزيد فاتوره تلفون المكتب عن حد معين ! هل تتخيل تصرفها؟! هذا مثال بسيط جدا !! وقس على ذلك !

اخيرا لو انني خالفت قانونا لما سمح لي من الاساس بتقديم الاجازه فالمديره محاسبه منمن هو اعلى منها وكذلك لما وقفت المديره في صفي فهي لن تستفيد شيء لا بوقوفها معي ولا مع غيري!! كما لا اعتقد انها انتقدت تصرفات مسؤلتي امامي مجامله لو كنت مخطئه لصارحتني ولن يهمها شي ! فهي بالنهايه المديره وانا مجرد موظفه !!

فهل مازلت مخطئه؟

__________________

لاإاله الا أنت سبحانك إني كنت من الظالمين

السلام عليكم ..
اختي اسيل انت حساسة كثير
الموقف انتهى خلاص ليش تفكرين فيه ؟!
تفكيرك فيه هو الذي يرجع لك المشاعر و يخليه ما يغيب عنك
انسي الموقف و ابدئي شيء جديد .

من كلامك كأنك تتكلمين عن غابة او حرب
فيها منتصر و مهزوم
و ليس عمل .. وظيفة .. رسالة لخدمة هذا الوطن العزيز .


ثم انت حققتي ما اردتي كيف تظنين انها انتصرت عليك!
بالعكس انت مشيتي كلمتك غصب عنها .

اما لماذا زميلاتك لم يسألوا عنك فأكيد كثرة غيابك عنهن
لم تتح لك انشاء علاقات قوية معهن
يعني يدوب تطلين عليهم ثم تاخذي اجازة مرة اخرى
فلا تلوميهم
حالة وحدة ممكن تعتبي لو انت اتصلتي بهن او زرتيهن و لم يقوموا بالواجب معاك!
و حتى في هذه الحالة ممكن يكونون مشغولين ماحد فاضي .
و ربما كانوا يحسون منك شيء من التكبر!


دعي عنك محاسبة الاخرين و النظر في اخطائهم لانك لا تملكين تغييرها

شخص واحد تملكين تغييره

هو انت !


غيري نظرتك للموقف و هوني الامر و انسيه بالمرة

و سيزول اي شعور به .


ربنا يعينك و يعينا و يوفقنا لطاعته فالدنيا كلها جسر للاخرة .

السلام عليكم ورحمة الله وبركاته

الاخت اسيل
النقطة الاولى ان جو العمل الحالي لا يصلح معك لما فيه من عدم المصداقية في التعامل وانتي بطبيعتك كما ذكرتي لا تستطيعي الظهور بعدة وجوه وهذه صفة طيبة جدا ونقطة ايجابية ولا اعتبار هذه من الحساسية الزائدة
ثانيا الهزيمة يمكنك تناسيها لانها اصلا مش هزيمة ويحدث احيانا شي قد يكون في ظاهره شي بسيط ولكنه مؤلم ويصعب تناسيه الا بعد فترة من الزمن
ثالثا لابد ان تضعي في اعتبارك طالما انتي في جو العمل انك سوف تتعرضي لضغوط نفسية
لان الحياة العملية بطبيعتها صعبة ومتشابكة ولكن يمكنك الحصول على موقع افضل من هذا

__________________
لكم تحياتي ...أخوكم حجي

معليش أنا بادخل في السالفة دوغري


الحين تقولين انك أخذت إجازة عشان تكملين دراستك



خلاص خلي العمل من ورا ظهرك ،،،



إلا بسألك سؤال وال تواخذيني على هذا السؤال



الحين لمن تشترين أوراق عشان تكتبين عليهم ويكونون مغلفين بغلاف بلاستك أو حتى ورق

وتزيلين الغلاف عشان تستخدمين الورق


هل يا ترى تقعدين تتأملين الغلاف وشلون شكله وليه صار كذا لمن شلتيه وأيش ممكن يصير لو أنك سويتي كذا أو كذا


أو ترمين الغلاف وتبدين باستخدام الورق؟

__________________

شاكره ردودكم بس ابغى ارد على الاجودى لان سؤاله غريب : طبعا باستخدم الورق من غير تفكير !

؟!..!؟ و هاقي بحاول اتذكر كلامكم دايما بصراحه ارتفعت معنوياتي الف شكر

للتوضيح :وبالنسبه لزميلاتي فعلاقتي معاهم كانت جيده جدا زاروني لما تزوجت وكانت بينا مكالمات وانا كنت اسوي الواجب معاهم لما تكون عندهم مناسبات! بس من يوم ما صارت هالسالفه اقطعوا!
طبعا هالعلاقه فرضها جو العمل وليس الانسجام مو بس معاي حتى بينهم وبين بعض !! واستغرب كيف كل وحده تتكلم عن الثانيه من وراها وقدامها وتظهر لها شي ثاني !!

عموماااااااااا انا بنفذ نصيحتكم وبنسى مشكورين اخواني

__________________

لاإاله الا أنت سبحانك إني كنت من الظالمين

حبيبت عمري اسيل :
من طريقه كلامك انتي انسانه طيوبه وحبوبه وصادقه في مشاعرك انا ما بجمالك عن جد انتي خسااااااااااااااااااره فيهم عزيزتي لا تنهمي ولا تزعلي ولا تقهري نفسك اصلا هم ما بيستهلوا حتى التفكير لذلك كبي وراء ظهرك وابحثي عن مكان ثاني للعمل والله يوفقك فيه مع ناس اصدقك منهم وافضل منهم 00000

اختك سهير000000