السلام عليكم جميعا..
قبل فتره وجيزه حدثت بيني وينه(زوجي) مشاكل ادت الى خروجي من المنزل والجوء لمنزل اهلي.. وبعد فترهدامت عده اشهر عدت للمنزل بعد مشاورات بينناان تتحسن معاملته لي ويترك خداعه وكذبه على وان يشركني في اموره ويكون اكثر وضوح ومشاركه معي بمواضيعه مثل (ايميلاته ) ولكن لا حياه لمن تنادي وزي ما يقولون رجعت ريما لعادتها القديمه يعني ما فيه امل وبصراحه انا انسانه محبطه جدا جدا .. فبعد ان علمت بخيانته لي عن طريق منتداكم مع وحده من مرتاداته وعلمي بأنه مشارك دائم فيه و ولكنه ينكر حتى وجود ايميل له ؟؟ فهل هذه حياه طبيعيه.. لقد سئمت العيش بهذه الطريقه اريد زوج يتبادل معي الافكار فهو انسان كاذب مخادع ولم يتغير بل بالعكس كثر كذبه لي من قبل وانا صابره لأجل الحفاظ على اسرتي وكيانها ..فمع علمي بأستخدامه للمواقع والمحادثه وهذا المنتدى ولكنه يكذب علي ويقول (ما عندي ايميل ولا ادخل مواقع) فهذا يؤكد لي خيانته يوميا لي ولا تنسوا انه وعدني قبل مجيئي للمنزل وتصالحنا ان يشركني في اي شي يحبه ؟؟فما العمل ؟؟؟ اعيش في حسره أمرأه متزوجه وغير متزوجه فهو معي بكيانه وتفكيره ليش معي ابدا وانا اريد رجبل يحاورني فقد بدأت الافكار الشيطانيه تراودني ان اتخذ صديق لي يشركني في حواراته ونتبادل المواضيع واحس انه لا يبخل على بأفكاره...ساعدوني ارجوكم فأنا بحاجه لارائكم مع العلم اني انسانه مثقفه ولكن لاادري ما العمل معه ..اود ان اعلم هل فعلا منتداكم هذا يأخذ موضوعي بعين الاعتبار ام لا فطالما قرات مواضيعه وخسرت من طريقه عرضها فكثيرا منها مبالغ فيه جدا فلو تركزون على الاصل وهي الاسره وكيفيه الحفاظ عليها ويله حلوا لي مشكلتي معه وهو عضو نشط على فكره معكم[COLOR=Purple]

السلام عليكم ورحمة الله وبركاتة

الغالية delaa

اولا الله يسعدك انشاء الله مع زوجك

ثانيا اود ان اخبرك ببعض الاشياء ممكن اني لم امارسها وخبرتي فيها قليلة لكن اتمنى انها تجيب نتيجة .........
حاولي التقرب الية اكثر واكثر اذا اوى الى الجهاز وصارحية وتقربي الية اكثر من ذي قبل خاصة وانك بدأتي تشكين فية وانة يخبئ عليك بعض الاشياء
اخبرية بأنك حريصة علية ولا تريدين ان تتركينة بأي حال من الاحوال وحاولي ان تتقربي عندة كان امام الجهاز ولا غيرة لكي يكون موقفك امامة واضح
عاملية ببعض الكلمات المعسولة اكثر وانكي شريكة حياتة ولابد ان تعرفين كل صغيرة وكبيرة قولي لة با الكلمات الرنانة المعسولة التى تجعلة يتقطع قلبة ان كان مخفي عليك شي ما ......
حاولي اشغالة فى بعض الامور خاصة اثناء جلوسة امام الجهاز لاتجعلينة وحيدا كوني قريبة منة وهاذا دليلاا حبك وخوفك علية ....
خبرة عزوبي واعذرينا على التقصير

أسأل الله أن يهدي سركم ويهديكم إلى سواء السبيل

عندي كم سؤال..

كيف علمت أن زوجك يخونك عن طريق هذا المنتدى أو غيره وأنه مشارك دائم فيه .. هل تتجسسين عليه ؟؟ حسب علمي أن التجسس خصلة غير حميدة .. وهل تعتبر المشاركة في المنتدى نوع من الخيانة كما تفضلتي وأسميتيها؟؟ الزوجة العاقلة عزيزتي هي التي تستطيع بحكمتها أن تكسب الزوج لصالحها فيشركها بدوره في جميع أموره .. وأعتقد ولا أجزم بأن التقصير منك. راجعي نفسك وحاولي أن تغيري من أسلوب معاملتك أكيد سوف تلاحظين الفرق.. وأجعلي دائماً النقاش بينكم ودي من أجل الوصول إلى حل ولا تجعليه من أجل التسبب في إشكال وزيادة الجفوة بينكما.

بخصوص إتخاذ صديق غير الزوج تحكين له مشكلتك .. لماذا لا تكون صديقة كتومة معروف عنها بالعقل والنضج ومقدرتها على إيجاد الحلول إذ أن أمور الحياة الزوجية ومشاكلها تتفاقم لو خرجت من بين أثنين

السلام عليكم ورحمة الله وبركاته

صباح الخير

اول شئ الله يعينك على ما تمرى به الايام هاذى ويصبرك انشاء الله واللى احب انصحك به انك تحاولى تتقربى اكثر من زوجك وتعرفى هو ليه يحب يكذب عليك على قولك اذا فعلا هو يكذب ويحب يخبى عنك اللى يدور فى باله ويمكن هو ما يخبى عنك اللى فيه الا من خوفه عليك لاتشيلى همه معاه لانه فيه نوع من الرجال ما يحب يشاركه احد بهمومه ولا اى شئ بحياته حتى لو كانت زوجته وهى اقرب شخص له بحياته لااعتقاد فى نفسه انه لو صارحها بكل شئ راح تتعب معاه او لعدم ثقته فيك انك تتحملى اللى يصير معاه وتتعبى قبله وهو ما يبى يشوفك تتعبى وتتبهذلى والسبب مشاكله اما مسأله انك تقولى انه يكذب عليك فى انه مشترك فى النت فاعتقد من انه يحاول انه يطرح موضوعاته للاشخاص اخرين للتعرف على الحلول المناسبة واتمنى انك ما تشكى فيه انه يعرف غيرك لين تثبتى الشئ هذا بنفسك لانه ممكن تكون هاذى وساوس وشك ماله فى الواقع والحقيقه اصل ولا وجود ولا تحاولى تهدمى حياتك بيدك وتندمى على شئ ما صار ولا له طريق بحياتك لانك انتى اللى راح تخسرى وتهدمى سعادتك بسبب شكوكك وظنونك اما مسألة ايميلاته فاعتقد انه يخبى لك هذا الشئ عشان ما تعرفى هو من ايه يشتكى منك او ايش يعانى من مشاكل لاسمح الله بينك وبينه وهو تلقينه يحاول انه يتعدل معاك ويسوى المستحيل عشان يكون معاك فى احلى وافضل سعاده بطريقة مشاركته بالمنتدى للوصول للحلول المناسبة والسريعة لتستمرى انتى وهو بحياة سعيده ونتى جالسه تظلمينه واللى حبيت ابينه لك من كل كلامى هذا انك لا تحكمى على اى شخص لين تتاكدى من شكك او من صدق كلام وقتها لك حادثة حديث.

وتقبلى تحياتى

اختي الكريمه

الرجل مثل مالكل يعرف مثل الطفل يبي كل شي له والحين, لذلك انا ابيك اول شي ماتقعين في الخطأ اللي ممكن يدمر حياتك, اذا اكتشفتي انه كذب عليك لا توضحين له صراحه بس لمحي له او قولي تصدق صديقتي فلانه سوا زوجها كذا وكذا واللي تقولينه خليه مشابه وليس مطابق للي هو سواه "مشابه فقط" واذا قال شي حتى لو انتي كارهه قولي سم ان شاء الله بس مو ان شاء الله بطريقه يدري انك متضايقه. تسوين قل اللي يقول شوفي وش بيسوي. جربي مش خسارانه شي.


سلام عليكم

السلام عليكم..
الاخ عزوبي شكرا لاهتمامك ولكن جربت الطريقه مافيه فايده..
الاخ himmoشكرا لك لكن زوجي وحيد وفريد من نوعه زي ما تقول منقرض ماله مثيل وجربت هذي الطريقه!!
اما الاخ انا مندهش.. انا لم اتجسس وقد عرفت من زوجي شخصيا علاقته السابقه فتره غيابي عنه هذا اولا..ثانيا مافيه نقاش اصلا وهذا اللي انا فاقدته..وعلشان كذا انا ابي اشبع الفراغ اللي عندي بعدم وجود رجل بحياتي فانا احسد صديقاتي وقريباتي على ازواجهم ومشاركتهم لبعض في الحوار..
احساس جده.... انا انسانه طموحه الى ابعد الحدود ومستعده احاول اكسب زوجي واعيده لي الى اخر يوم بعمري بس لو افهم وش المشكله عنده بالضبط مع اني متأكده واشتشرت اهل الرأي والاختصاص انه يعاني من حاله نفسيه وكبت منذ الصغر ولكن لااستطيع علاجه فأنا خائفه على نفسي من ان اصبح مثله وعندها من يبقى لاولادنا احد عاقل بالبيت فهمتي...!!؟
ومن ناحيه اتخاذ صديق ................

ينقل الى "عالم المتزوجين"
للأستفادة من خبرة المتزوجين

مشرف عالم مفتوح

__________________
يقينى بالله يقينى

وعلى فكره نسيت اقول لكم انا ادلعه وكل شي بس مفتقره للي يدلعني وهو لا يقوم بذلك بتاتا وهذا مااسعى للبحث عنه كلمات الغزل والشوق والدلع من رجل أخر.. ودمتم ..
سبحانك اللهم وبحمدك اشهد ان لااله الا انت استغفرك واتوب اليك

لماذا لا تلجأئين إلى شخص مقرب إلى زوجك يحترمه ويحبه .. ليكون وصلة الوفاق بينكم .. بس تأكدي ربما يكون لهذا الشيء سلبيات .. أنا أؤمن بالمواجهة الصريحة مهما كانت قاسية فهي تصفي النفوس .. عليك ترتيب ما ستقولين لزوجك على أن لا يتعدى الكلام حدود اللياقة والأدب وواجهية بكل ما يشغل بالك ساعتها ستعرفين الإجابة .. وغن شاء الله تكون وسيلة ناجحة طالما أن لك عنده المكانة التي ذكرتيها.

اختي

احب ادلو بدلوي لعل وعسى يجيب نتيجة ويفيدك ان اخطأت فمن نفسي والشيطان وان اصبت فمن ربي


انتي وردتي بموضوعك اشياء كثيرة غير مرتبطة ببعض

كل وحده موضوع مختلف يعني :

((((ويترك خداعه وكذبه على وان يشركني في اموره ويكون اكثر وضوح ومشاركه معي بمواضيعه مثل (ايميلاته )))))

ابقولك شي الشخص عنده ثلاث اطراف بيته وعمله وزملائه من خلال معرفتي ورايي المفروض ما يخلط بينهن ,
وانتي نفس الشي المفروض ما تدخلين رجلك بامور صديقاتك واهلك (وهذا راجعلك)

اما الامور اللي تقولين عليها هي ايميلات انا اقول الموضوع بسيط . لو هو جوال او شي ثاني صح .
يمكن عنده بنت بالماسنجر او زي كذا وين المشكله ؟؟
انتي احسني الظن وحاولي تخلينه يعلمك عن ماهيه البنت بحيث انه يكون كل شي تحت نظرك , حسسيه انه عادي بنت بالماسنجر (حتى لو ما تبين) بس اهم شي يكون تحت نظرك . قولي له من هي هالبنت وش محتاجه ؟ الله يجزاك خير ساعدها ومن هالكلام , وتأكدي ان اي علاقه بالانترنت ما تطول أساليني .

((((فبعد ان علمت بخيانته لي عن طريق منتداكم مع وحده من مرتاداته وعلمي بأنه مشارك دائم فيه )))

الاشتراك بالمنتدى هذا خيانه ؟؟؟ طيب ليش شاركتي انتي ؟


((((بدأت الافكار الشيطانيه تراودني ان اتخذ صديق )))
اذا قصدك تكونين مثله من خلال النت اوكي بس خلي عنده خبر بشكل غير مباشر. بشرط تكونين متأكده ان عنده بنت يحادثها, يعني مثلي مثلك واتمنى تكونين بااااااردة بس اي شي قولي له انا ابسوي مثلك بكل برود .
اما غير النت فانتبهي ترى الموضوع اللي تتكلمين عنه !؟؟؟؟؟!جنون

((((قبل فتره وجيزه حدثت بيني وينه(زوجي) مشاكل ادت الى خروجي من المنزل والجوء لمنزل اهلي)))
نصيحه اي مشكله تصير بينكم لا تروحين بيت اهلك اجلسي في بيتك لو انتم متزاعلين ,,

يعني خوذوها قاعده اذا صرتوا زعلانين طلعه ما فيه خصوصا لبيت اهلك او اهله,,,لان الزعل وارد وعادي وظاهره صحيه ,,اما اشراك الاهل فيها مو كويس لكم ويفقد الثقه بينكم . وتأكدي ان هذا بيتك مو بيته لحاله .
انا ما ادري ليش الزعل بس الزعل اللي يخليك تروحين شهور لبيت اهلك!!!

ونصيحه :
لا تتعبين نفسك مع رجال ابيك تكونين بااااااردة وتحسسينه بالبرود من جهه ومن جهه اللي تسويه ابسويه انت اجمل شي بحياتي وانت قدوتي (كذا يخاف) ابعطيك مثال:

مثلا كان يكلم بنت بالماسنجر اضحكي وقولي تبي شي يا عمري اجيب لك عصير ,يبي يقول ايه , قولي له طيب لا تطول على اللي معك ===> يعني مثل اللي يقول تراي داريه وتكون مع ابتسامه صفراء
بس لا تقولينها الا انتي متاكده

مثلا : كشفتيه يكلم بنت , قولي له بكل برود عادي بالانترنت الواحد يكلم بنت او بنت تكلم رجل كله كتابه , بحيث ابيه يحس ان اللي يسويه تبي تسوينه وابيك باااااااااردة لكن لا تسوين اي شي من هاللي اقوله الا بغنج ودلع وتغزل فيه .===> علشان ما يدري وش وراك

واهم شي البرود الزعل وضيقه الصدر ما تجيب لك نتيجه , ابيك تعطينه حقه وزياده بكل دلع وغنج وخلي لك حياتك الخاصه يعني لا تدخلينه بكل شي . اذا سالك عن شي قولي له علمني واعلمك بدووون اي توتر بكل برووووووووووووووووووووووووووووووووووووود ابتسامه ودلع .

ابيك تصيرين ممثله تعطينه حقه وزياده علشان حياتك تمشي وعلشان عيالك انتي كل شي موفر لك عيال ومصروف حتى جنس يعني كل شي متوفر , الحب والرومانسيه هل هي ضروري خصوصا لمثل هالرجال ؟

___________________________________
انا واثق تمام الثقه انك بنت عصبيه شوي وقويه , نصيحه نصيحه نصيحه خلك بااااااااااااااردة لاتخسرين عمرك وزوجك وصحتك
واحمدي ربك انها ما وصلت انه يكلم بنات بالجوال او يطلع معهن او هالخرطبه هذي الخيانه

والنت شي غير ثابت حاولي تسوين اللي تقدرين عليه بحيث انه يشيله من البيت , مثلا استخدميه كثير علشان تجي فاتورة ويظطر يشيله

اذا صار بينكم اي موضوع سوي معه صفقه انك تسوين هالشي مقابل انه يشيل الانترنت من البيت

حاولي تسوين له شي جديد ما سبق سويتيه قبل , اي شي بحياتك سواء مبلغ مادي سواء شي محسوس بينكم المهم اللي قلته فوق تسوينه مع كل حب له مو عناد وعصبيه يا ببرود يا بلاش



اتمنى اني ما ضيعتك وشوشتك وطولت عليك