السلام عليكم ورحمة الله وبركاته


مدري مشكلتي لها حل أو لا المشكلة اني عارفه اني غلطانة بس ابغى اقنع نفسي ماني قادرة
كل اللي اتمناه تنفرج علي ( ادعوا لي )
بصراحة اساس مشكلتي هي جمالي فأنا عمري 23 سنه ربي معطيني الجمال (الحمدلله على كل حال) بس جمالي هو سبب حزني لأنه اعطاني الغرور فمن يوم انا صغيرة الكل يخطبني جمالي اعطاني شهرة سواء بالمدرسة والجامعه وحتى بين الناس اللي حولي والكل يتكلم عني ووين مااروح انخطب حتى في الاماكن العامة
وربي حتى لما رحت مكه آخذ عمرة انخطبت في الحرم .. فالناس اللي اخطبوني كثيييييييييييير وكلهم ارفضهم هذا الشي خلاني اشوف نفسي واي واحد احس اني خسارة عليه ... حاولت كثير اني اجبر نفسي واوافق اني اتزوج بس ماقدرت
اتذكر مره خطبني واحد مافيه عيب شهادة واخلاق والكل يمدح فيه وافقت عليه طبعا كنت غاصبه نفسي من جهة واهلي من جهة وتظاهرت اني مقتنعة فيه
بس بصراحه كنت ماني مقتنعه فيه ابدا بالعكس كنت اتمنى اموت ولا اتزوجه <<مدري ليش وصل معاي هالاحساس لها الدرجة
المهم اهلي فرحوا لأني اقتنعت اخيرا ولما قلت لصديقاتي انصدموا مره قالوا معقولة انتي اللي الكل متحمس
يبغى يعرف مين تتزوجين تآخذين هذا بالنهاية ؟؟؟<<مدري ليش مع انه من عائلة ماعليها كلام
المهم واللي تجي من بكره تقول لي اختي تقول لك نصيحة لا تتزوجه واللي تقول انا تخيلت بتأخذين واحد مشهور واللي .. واللي ..وكل وحده مصدومه من قراري للزواج بس انا عارفه اني غيرت رأيي و فسخت الخطوبه مو عشانهم عشاني ابغى بس احد يشجعني واتراجع مع اني متأكدة لو تزوجت مصير زواجي الفشل لأني كنت مستحقره اللي خاطبني من كل قلبي واشوفه تحت مستواي ...
المهم اللحين تقدم لي واحد مافيه عيب مركز اجتماعي ومادي ... وافقت مبدأيا بس تبون الصراحة عقلي يقول لي خسارة ارفضه والى متى انا ارفض .... بس قلبي العكس يقول لا لاتوافقين مدري بصراحة تعببببببببببببببببببت
احس جواي نار انا والله ودي اتزوج بس المشكلة غروري غصب عني يخليني ارفض
دعيت ربي كثير انه يعطيني القناعة والرضى وربي هم اهم شي عشان الانسان يعيش سعيد بس من وين الواحد يحصلهم .

الله يخليكم اللي يقدر يساعدني لا يبخل على بالنصائح ووشلون اقدر اقنع نفسي
هل اجبرها احسن واحط نفسي قدام الامر الواقع؟؟

السلام عليكم
أختى هداك الله و مهما كنت جميلة فاعلمى أنه من امتنان الله عليك و اتقى الله فى هذه النعمة و اعلمى أنه قادر على تغييرها فى لحظة أنا متأكدة أن جمالك عادى يمتلكه الكثير من النساء و لكنك تأثرتى بإطراء الناس عليكى و ظننتى نفسك أنه لا أحد مثلك اتقى الله فى نفسك و من ستكونين زوجة له و انظرى لنفسك أنكى كباقى البشر و لا يدخل الجنة من كان فى قلبه مثقال ذرة من كبر و الجمال جمال ألأخلاق

السلام عليكم

أختي سوسو انت فاهمه الأمور خطأ كل اللي خطبوك علشان جمالك الخارجي فقط مب علشان شخصيتك او دينم او مستوى ثقافتك أي علشان سبب خارجي فقط وأغلب الدين يتزووجون بهده الطريقه يفشل زواجهم لمادا لانه بعد الزواج يمل الرجل من منظر زوجته ادا وجدها بلا روح او دين او ثقافه فما بالك وهي مغروره سيكرهها من اول الايام

فنصيحتي لك لا تغترين بجمالك فالرجل ليس بحاجه له فقط فإدا اردت الزواج اعلمي ان من اراد الزواج بك ليس لجمالك فقط وانما لشخصك لانك لا يتم الجمال كما هو والله قادر على على سلبه منك كما اعطاك اياه .........
وادا رفضت الزواج اعلمي انه سيأتي يوم تتندمين فيه على ضياع الفرص وعندها تكوني قد دبلت::::::::::

غريبة أختي تقولين هذا الكلام..
لان كل الجميلات اللي أعرفهم يتزوجون بدري!!
وبالعكس الجمال خلاهم يفرحون بالزوج...شكل عنك مشكلة ثانية غير الجمال,

يعني رفضك للزواج ماله أي علاقة بالجمال..فابحثي عنه

شي ثاني...
صدقيني الجمال ماله اي علاقة بالحب..

عشراااااااااااااااااااااااااااااااااااااااات النساء اللي أعرفهم جميلات جدا جدا..وزوجها ما يشوفها شي عنده!! مو وحدة ولا ثنتين ولا ثلاث ..كثير كذا

واحد أقربائي القريبين مني يقول فعلا هي جميلة ومعترف بهاذا الشي بس يقول ما أدري احس ببرود تجاهها! وفعلا مهملها الىدرجة كبيرة احنا نرحمها مرة ونقوله ماراح تلقى مثلها يقول يمكن بس وش اسوي..؟!!

فنتبهي لهذا مرة مرة.. وصدقيني الرجل يهتم جدا جدا بالشخصية الحلوة الجذابة المرحة اللي نفسها خفيفة...فلا تركزي على الجمال وتهملي الداخل!
تحياتي

أختي الحبيبة :

اللى متى سترفضين العرسان ؟؟ صحيح أنتي صغيرة 23سنة ولكن اعلمي انها فرصة لكي تختارين مايناسبك منهم ولن تعود

أبداااا.... ولا تنسي أنك في نــــعــــــمــــة وغيرك يتمنون أن يتزوجوا (( العوانس والأرامل )) للسترة , أنا عارفة غصب عنك ولكن

أقنعي نفسك وصدقيني أنتي الخسرانة أولا وأخيرا .

نصيحتي لكي وهي: لااااااااااااااااااااااااااااااااااااااا تستمعي لمن حولك أبدا اللواتي ينصحونك بترك العريس

كل ماهو عليك أن تفعليه عزيزتي فقط اذا الأهل وافقوا عليه اذهبي وصلي صلاة الاستخارة ((( لا خاب من استخار )))

وان شاء الله كل أمورك تنحل يارب بس انتي أبعدي عنك هالأفكار التي لا فائدة منها أبدا والأمر راجع لك وحدك

وفقك الله ويسر أمورك

تحياتي لكي ..

__________________

الحمدلله ... أنتي مو أول أو اخر وحده جميله تتزوج !!
يعني معقوله كل الجميلات بيعنسون!!
نصيحة تزوجي واتركي عنك الغرور بكره تتمنين رجال وتركضين لعمليات الشد مثل صباح هههههههههه
امزح والله لاتزعلين مني
بس اللي أقصده انك لاتسمعين لكلام زميلاتك .. بكره يتزوجون كلهم ولاراح ينفعونك وتصيرين دمرتي حياتك بيدك
وأي رجال اذا حبتيه وحبك صار يسوى عندك ملايين الملايين من الرجال
ولاتدخلين على زوجك وأنتي حاسة انك كثيره وحسافه عليه بالعكس هذا جواز سفر للطلاق والعياذبالله
وتذكري كلامي زين ...
وافقي على هذا الرجال اذا كان كويس طبعا وأنسي جمالك لانه هو بدوره راح ينساه بعد مرور كم شهر وراح يبقى جمال روحك وحسك بالبيت ....
الله يوفقك

__________________

. . اللهم كما سررته بنا في الحياة . . فسره بنا بعد الممات بصالح الدعاء . .

اللهم آمين . .

. . لن ننساك يا أمير قلوبنا . .

الجميلات كثيرات ... ونجاح الزواج ليس له علاقة بالجمال .


جمال الوجوه مع قبح النفوس ****** كقنديل على نار المجوس


اتركي الغرور ... ومن أتاكي ترضين دينه وخلقه فاقبليه .... والحياة فرص

يمكن يجيك واحد غني وصاحب مكانة ... يعيشك في ذل ومهانة وجحيم !!!!!

اقول لك صلي صلاه استخاره اذا تقدم لك اي شخص والله يرزقك رجل تشبثين فيه وتحبينه وتموتين فيه
فيصل

الجمال ما يدوم على طول وإذا ما تداركتي شبابك قبل يفوت ما راح ينفعك جمالك وغرورك

قال رسول الله صلى الله عليه وسلم
(إذا جاءكم من ترضون خُلقه ودينه فزوجوه. قيل: يا رسول الله وإن كان دنيئاً في نسبه؟ قال: إذا جاءكم من ترضون خلقه ودينه فزوجوه. إلا تفعلوه تكن فتنة في الأرض وفساد كبير).

إذن كي لا تفتحي على نفسكي باب للفتنة والشر عليكي بعمل الحديث أعلاه

وأسال الله لكي التوفيق