في البدايه احب اشكر القائمين على المنتدى الفضيع
مشكلتي بدات من بداية السنه الهجريه 1426هـ بيتنا كانت مدرسه تقريبا من عشرين سنه المهم مع بدايه السنه ادارة التعليم اخلت المبنى لنا وانا الصراحه كنت افكر اتزوج في الصيف الجاي 1426هـ لكن الي حصل ان البيت زي ماقلت ادارة التعليم اخلت المبنى وسلمونا البيت وشلت فكرة الزواج من بالي لان الاهل والولد محتاجني اكون جنبه في الترميم هذا اولا ثانيا علشان مالخبط واحوس الاهل بين ترميم البيت وبين زواجي لانها راح تكون لخبطه لا صارت ولاستوت اجلت فكرة الواج الاماننتهي من الترميم وانا الصراحه يعني مليت من العزوبيه تماما والعزوبيه ملت مني وعلى فكرة انا عمري 24 سنه وموظف وراتبي شبه معقول ******
البيت الي جالسين نرممه ماياهل اتزوج فيه يعني بالعربي الغرف اللي فيه قليله وبالعافيه تكفي اخواني يعني لازم اطلع برا اسكن لوحدي هذيي مشكله والمشكله الاكبر اللي ماعتقد تتطرق لها احد الاوهي اجارات الشقق يعني تخيل ان الشقه الوحده اجارة من 19000 وطالع يعني شي يروع ويخلي الواحد ةشعرة ابيض هذا بعد ماسالت عن الاجارات عن طريق مكاتب العقار يعني الواحد وشلون راح يوفق بين اجار البيت ومصاريف الزواج احس انها صعبه ************************************************** ******************************
انا راح اختصر مشكلتي في كم نقطه:
1/تاخير الزواج الى مابعد الانتهاء من الترميم وانا خلاص مليت الصراحه من اسلوب حياتي والفوضى اللي عايشها وشلون راح اتحمل وخصوصا ان نفسيتي تعبانه مرة
2/اجارات الشقق وشلون راح اصارع من اجل دفع الاجارات وشلون الطريق اللي تخليني ادفع اجار شقه صغيرة قيمتها 19000في السنه الوحده
ارجوكم ياشباب الي عنهد الحل يعطينيه بسرعه واسف على الاطاله

اصبر بعد كم سنة الين ماربك يفرجها وتستقر اوضاعك الماديه والمعنويه
لا تعجل وتندم بعدين وانت عمرك 24 تعتبر صغير اصبر اقل شي سنتين ورتب نفسك زي ماقلت لك والله يوفقك ان شاءالله

اخي الكريم ، حاول ان تبحث عن وظيفة مسائية بالاضافة لوظيفتك الحالية ، وهكذا تجمع مبلغا اكبر للزواج ، وايضا تخرج من حالة الملل التي تعيشها وتملأ وقتك بما يعود عليك بالفائدة.
وفقك الله ويـسـّـر لك أمر زواجك.

أخي الكريم

أول شي هدي نفسك شوية علشان تعرف تركز وتتصرف بشكل سليم

ثاني حاجة تذكر قوله صلى الله عليه وسلم: " ثلاثة حق على الله عونهم: المكاتب الذي يريد الأداء، والناكح يريد العفاف، والمجاهد في سبيل الله " حديث حسن

إذا كانت نيتك من الزواج لاعفاف نفسك تأكد أن الله سيعينك وسيفتح لك أبواب الرزق ويرزقك من غير لا تحتسب

ولا تنس الاكثار من الاستغفار ففيه والله الخير الكثير

" َقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً & يُرْسِلِ السَّمَاء عَلَيْكُم مِّدْرَاراً & وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَاراً "[نوح : 10-12]


الله يوفقك ويفتح لك ابواب رزقه

فكرة ممتازة جدا...

__________________

اللهم إجمعنا وزوجاتنا في الدنيا على خير.. وفي الآخرة على خير إن شاء الله في الجنة... وأرزقنا بالذرية الصالحة التي تشهد بأنك الله الذي لا إلــه إلا أنت رب العالمين وتشهد بأن محمدا عبدك ورسولك....آميــــــــن.

تكفووووووووووووون ياشباب ابي ردود اكثر ساعدوني

هلا اخوي انا اكبر منك شوي وبعدماتزوجت والسبب عدم التاهيل المادي الكافي بل اقول لك بكل صراحه

الواحد اذا تزوج وهو كبير يعرف طعم الزواج صح ويكون دارسه دراسه صحيحه مو واحد مطفوق عمره مثلا20 سنه ويتزوج

فيه فرق كبير وحتى النساء تبي الرجل العاقل الثقيل مو البزر طبعا ماقصدك انت........انت مشكله الماده واصبررررررر

مثلنا والترميم اشهر ان شالله وبيتكم قاضي

ومن يتق الله يجعل له مخرجا ويرزقه من حيث لا يحتسب
................
أحسن النية وفوض أمر ك إلى الله ولن تندم ، والعجيب هنا أنك جعلت إيجار الشقة هو العائق والعقبة الكؤود دون الزواج ؟
فهل بقية المصاريف متوفرة ؟ إذا كان نعم فإنها ليست مشكلة .
أما إذا كانت جزء من العقبات وهناك معوقات غيرها كالمهر والمصاريف الزوجية والأثاث فعليك بالصبر .

اخي فكر بان تبحث لك عن بيت صغير او فله صغيره بالتقسيط المريح بحيث تدفع من راتبك نسبه كل شهر حتى تبحث لك عن شريكه حياتك واتمنى انهم يراعون حالتكومايرفعون عليك الراتب بس لاتخطب الاوانت ماسس نفسك بسسسسسسسسسسسسسسسس لاتستعجل ترى بتندم لانك ماقدرت تعيش اطفالك في حاله ماديه جيده وحط نفسك مكانهم

واد تعبت واغلقت جميع الابواب امام عيونك فعندك باب الله الدي لايغلق ابدا فعليك بشيئين الدعاااااااااااااااء والصوم فانه احفظ لك من اغراءات الدنيا

اتمنى من الله ان يرشدك الى طريق الصواب

.
.
.
ثلاثة حق على الله عونهم>> > أحدهم طالب الزواج ليعف نفسه. . .
أنا متأكد ان الله بيفتح لك أبواب الرزق من حيث لا تحتسب. .. فابدأ بطرق أبواب الرزق.. شف لك مساهمات، عقار، مشيريع صغير. .. اسع بنية طلب الرزق الحلال وسيكتب الله لك ما فيه خير لك في الدنيا والآخرة. ..

نصيحتي الأهم..
إلزم أمك وأباك في هالفترة.. تكفى.. إذا هم محتاجينك.. والله أولى لك من كل الأعمال. .. وفيها لك باب رزق كبيررررر ما يعلمه إلا الله..
أوص أمك بالدعاء لك.. وكذلك أباك.. دعوة الوالد لولده مستجابه.. .
عليك بصلة الرحم وحسن الخلق.. .
أكثر من الدعاء.. والصدقة.. والاستغفار.. فهي أبواب رزق طالما غفلنا عنها. ..
اتق الله.. . ومن يتق الله يجعل له مخرجا. ..
اصبر.. ومن يتصبر يصبره الله.. . وأشغل وقتك بما ينفعك. .. وحاول التقليل من التفكير والهواجس -خصوصاً في هذه المرحلة- . ..

أتمنى لك من الأعماق.. التوفيق والسداد في الدنيا والآخرة.. .
ودعواتنا لك.. .
.
.
.
متيم

__________________