السلام عليكم


دكتور اتمنى تفيدني ..

عند ازالة الشعر بالحلاوه من المنطقه الحساسه ... يحدث ظهور (( دمامل ))

دمامل = مادري كيف اقولها بس هيه حبه من النوع الكبير الي يكون بداخلها

مد ... المهم تكبر هالحبه ويكون شكلها مقزز (( هاي الصراحه )) وتجعلني لااستطيع

الجلوس او التحرك احيانا بسبب الاحتكاك بالملابس الداخليه


ارجوا افادتي بكيفيت معالجتها وللعلم هاي مب اول مره تطلع لي طلعت مرتين من

قبل والمره الاولى طلبت الدكتوره بان احضر للعمليه اقصد لازالتها ..

بس مابا عمليه اخاف ..


تحياتي

__________________

وانا كمان نفس الشيييييييييييييييييييييييي
بس معقول يكون الحلاوة فيها مادة تسبب التهيج؟؟؟
كمان مرة سمعت انو ليس من المفروض الغسل بالصابون بعد نزع الشعر في المنطقة فقط بالماء ضروري جدا


.... ........ ........... .............................
بس احكيلكن شي لاحظته انو بعد ما تشيلي الشعر في المنطقة وحتى معاودة ظهوره
............تجنبي الطعام الدسم والشوكولاتة و الدهنيات اطلاقا ...........
اضمن لكي 100ب 100 عدم ظهور الحبوب الملتهبة او المتقيحة

أظن ان من الأفضل استخدام ماكينات ازالة الشعر الحديثة التي حلت الكثير من المشاكل

والله مشكورين على المرور على الاقل حسيت اني مب الوحيده الي تعاني هههههههههه

بس زين مكينة صراحه احسها صعبه اشوي مادري ........ وجهة نظري

زين الحينه ابا حل للحبه الي طالعه مسويتلي مشكله وارق

السلام عليكم


أختي أنا الغالية .. صاحبة المشكلة أظن .. !!


تحياتي لج عزيزتي ..


بالنسبة لمشكلتج أنا أعرف انها مشكلة وايد صعبة .. ظهور دمامل في المنطفة الحساسة .. بس هم ليش سموها المنطقة الحساسة ظنتج ؟؟؟؟


أنا من وجهة نظري انهم سموها المنطقة الحساسة لانها وايد حساسة من جهات عديدة ..

أولا: من ناحية النظافة ..

ثانيا: من ناحية ...................

ثالثا: من ناحية تأثرها السريع بالملابس الداخلية ..

تعالي نتكلم عن نظافتها خطوة خطوة .. وانتي بنفسج بتعرفين وين المشكلة عنج بالضبط ,,, لأن هالشي محد يعرفه الا انتي ,, ((كلامي فرضيات ونصائح للطريقة المثالية للنظافة بشكل صحي بنفس الوقت))


أولا: ازلتي الشعر عنها بالحلاوة .. وهذي هي الطريقة الأنظف للمنطقة لحساسة والأطهر وماتسبب أي نوع من الحساسية مثل الموس .. أو ماكينات الحلاقة بأنواعها .. أو بالكريمات ((وهذا ما أنصح عدوي فيها لانها تسبب السرطانات بعيد الشر عنكم جميعا)

ثانيا: نشيتي وغسلتي بالصابون المطهر (من دون رائحة) مثل سيبا ميد .. او صابون ديتول .. أو أي نوع طبي تفضلينه يكون مطهر .. لان الحلاوة تجرح هالمنطقة لانها حساسة ..

ثالثا: نشفتي بفودة (منشفة) نظيفة وتوج مظهرتنها من الغسالة ومخليتنها في مكان دافي (مثل النشافة) قبل الاستعمال .. علشان تكون دافية .. وتريح التهيجات انها تسبب الدمامل مثل ما قلتي ..

ثالثا: استعملتي بدورة الأطفال العادية (مب مالت البشرة الحساسة) وحطيتيها على ايدج وفركتيها من فوق من دون النزول لتحت .. بس رشة على ايدج وتنفيض من فوق .. علشان تكون أنعم وأدفى..

رابعا: لبستي الملابس الداخلية اللي تناسب .. مثلا : ما يكون فيها دانتيل .. ولا نوعيتها من الشيفون .. او الحرير .. لازم تراعين ان ملابسج الداخلية بعد التنظيف تكون من القطن الخالص .. 100% قطن .. وتستمرين في التغيير من قطن لقطن .. يومين ..

وبالنسبة لموضوعج عزيزتي روح دبي .. ((ظهور الشعر مرة اخرى يظهر معاها حبوب )) هو بسبب الحكة اللي تصاحب ظهور الشعر مرة ثانية .. وانصحج انك لاتحكين .. استحمليها .. أو سيري نقعي عمرج في ماي دافي .. وتستملين نفس الطريقة بالبودرة .. وبتروح الحكة .. واول ما تبدأ عندج السالفة .. استبدلي الملابس الداخلية بالأقطان ...

وانشالله اكون فدتكم بشي ..
والسموحة على الاطالة

هذا موضوع خاص للعرايس خاصة :14: :14: وللبنات عامة:-

حبيت أشرح فية طريقة إزالة الشعر من (....) الي يعتبرها البعض منكم كابوس صعب

خاصة العرايس يشيلون هم الشيل بالحلاوة (كيف بنشلية.. يألم .. يتعب.. ياخذ وقت..طيب من بيشلية لنا.. صعبة نخلي وحدة شيالة تشيلة..حرام .. عيب .ياربييييية خلاص بحلقة ..شلون احلقة طيب بينبت بسرعة وبيطلع خشن. فشيلة!!!!) والكثير من التساؤولات؟؟؟؟؟؟؟

انا اقولكم الحل ترى الإزالة بالحلاوة سهلة وماتتعب ولا تألم كثير ولا تاخذ وقت المهم الإستعداد وعدم الخوف من هالشي . ولازم يابنات تتعودن تشيليون لآنفسكم من اللحين قبل الزواج علشان يدينكم تاخذ على هالشي ويصير سهل.. ولا تلجأون لآحد يشيل لكم ويشوف عورتكم..

قلت لكم أهم شي تتعودون وبعد كذا يصير سهل مرة..

أول خطوة لهذا الشي لازم الشعر مايكون طويل ولا كثيييير مرة يعني يكون قصير مقصوص ومخفف بمقص او يكون محلوق قبل كم اسبوع مايقل على 3 اسابيع يكون اخذ وقتة في النمو وصار سهل الإزالة ..
تعرفون ليش لازم يكون قصير ومو كثيف؟؟ علشان ما يألم بالشيل

ثاني شيء النظافة لازم المنطقة تكون مغسولة ونظيفة علشان البكتيريا ماتنتشر في المكان وتسبب حبوب.. واليدين لازم تكون مغسولة ونظيفة علشان ماتنقل الجراثيم للمنطقة..

نحتاج علشان تتم عملية النتف بنظافة وإتقان لـــ

1-الحلاوة تكون من النوع الجيد وأنا أرشح لكم حلاوة ممتازة مرررررررة تباع بالصيدليات والسوبرماركت إسمها (زهرة سويت مصنوعة من العسل ) هذي تجي بكرتون وفية 4 أكياس حلاوة مغلفة وسهلة الاستخدام حتى ماتحتاج تسخين .

2-سكر مخلوط مع موية بس السكر اكثر من الموية يذوب في الموية (يدهن على المنطقة لآنه بعد مايجف ونبدأ نشيل بالحلاوة بيتلصق بالشعرات والجلد الميت ويشيله مع الحلاوة)

3-ملقط للمسات النهائية او آلة براون(أنا أرشح الملقط لآنه اسهل من المكينة) علشان نشيل الشعيرات المتناثرة والي الحلاوة ماقدرت تشيلها .

4-نشاء ذرة+ليمون+ماء ورد .

5-مراية علشان تقدرون تشوفون المنطقة وتشيلون كل الأماكن.

6- كريم فيسودين الي بخط أحمر.)موجود بالصيدليات

طريقة النزع:-
أولا ندهن خليط السكر والموية ونتركة ينشف وبعد كذا

ناخذ كيس الحلاوة ونسخن الحلاوة بحرارة اليد ونمدها لحد ما تصير مرنة وسهلة الاستخدام.. نأخذ قطعة صغيرة من الحلاوة قد العلكة(اللبانة) ونبدأ أول شي بخط البيكيني (أطراف الـ.. ) بعد ماننتهي منه . نبدأ النتف من الأسفل للأعلى حتى .. ولا تنسون كل زاوية في ... حتى من الخلف .. المراية بتاسعدكم ..

بعد ماننتهي من النزع نمسح المنطقة بمناديل فيها زيت اطفال او مناديل ديتول المطهرة .. ونجيب الملقط وننزع الشعيرات القصيرة.. بعد كذا نجيب خليط النشاء والليمون وماء الورد .. وندهن المنطقة فية حتى يجف وبعدين نشطف المكان ونحط مرهم فيسودين ..
شوفوا كيف المنطقة بتصير ناااااااعمة زي الأطفال

ملاحظة استمروا بدهن المنطقة بمرهم فيسودين كل يوم لمدة ماتقل عن 4 ايام لضمان عدم التهاب المنطقة وظهور الحبوب والدمامل


نصيحة أخيرة لازم تشيليون الشعر قبل الزفاف بمدة لاتقل عن 3 او 4 ايام مع الاستمرار في دهن مرهم فيسودين

اتمنى يكون شرحي واضح






منقول من موقع عالم حواء :::: كاتبته العضوه :::::: صمت الجروح

الله يسلم اديكي اختي
ريحة العود

تسلمووووووووووووون على الاضاحه وان شاءالله الكل يستفيد منه يا BADOW TOY وريحة العود

ويزاكم الله خير..

__________________