متزوجة من اربع سنوات عندي ولدي عمرة سنتين ..وبنتي سنة وشوية ...وساكنة في بيت اهل زوجي عشان امكانيات زوجي ما تسمح نسكن بيت مستقل ...
زوجي الولد البكر وعندة اخوة اصغر منة بثلاث سنوات مش متزوج ...وام زوجي وابوي زوجي معانة الله يطول في عمرهم ..ان شاء الله ...


المشكلة ان انة صرت اطلع مع عيالي تقريبا كل يوم يا في بيت اهلي ينطلع نتمشة لانة زوجي يشتغل لين العصر ويرجع ينام لين بعد المغرب وبعدها يطلع لين الساعة 12 او1 باليل ...


المهم المشكلة احين زوجي يقول وايد تطلعين قعدي في البيت ؟؟؟لين قعدت ازهق..لانة محد معاي في البيت الا الخدامات ..وام زوجي متقاعدة من الشغل ..بس طول الوقت برع البيت يا اتكون مسافرة عند اهلها او مع حد من صديقاتها ..او يوم في عرس يوم خطوبة يوم هدية وهكذا طول الاسبوع ..زوجي يقول روحي معاها ..وانا ما احب الطلعات للاعراس وهاي المناسبات وايد ..اروح مرة في الشهر .

ولو قعدت ام زوجي وحد زارنا في البيت يكون الكلام في الناس هاي اسوت في العرس هاي وين راحت ..يعني حكي في الناس من غير داعي ..ومحد يحب يحكي في الناس يعتبر نميمة , فصرت ما اقعد معاهم الا اذا حد جاة زارني شخصيا ...


عندي هواية من قبل لاتزوج ولالسف ما اقدر اطبقها في بيت اهل زوجي ..كنت طباخة من الدرجة الاولى واحين حتى ما اقدر ادخل المطبخ ..ليش ؟؟مع انة زوجي وايد يطلب مني اسويلة اكلات لكن مااقدر ؟؟؟؟


لانهم متعودين على دخلت السواق للبيت في اي وقت يركب ليت يصلح شي حتى في غرف نومهم ..وانا ما اكون على راحتي في البيت ..والمطبخ السواق يدخل المطبخ بدون استاذان وعادي ...

وام زوجي عادي تلبس ايلال الصلاة وعادي داخل البيت وفي المطبخ ..وانا في بيت اهلى مش متعودة على هاي الاشياء ..لا حظت على ام زوجي انها تبيني اكون عادي في هاي الاشياء وانا ما ارضة ؟؟؟ لدرجة انها مرة عازمين حد من اهلهم يعني من المحارم ..مع زوجتة ..وطلبت مني اني اتغدى معاهم على نفس السفرة بالحجاب وانا رفضت وجلست في غرفتي ..لين ما خلصوا وبعدها نزلت اتغدي ..يمكن ما عجبتها الحركة بس انة كنت مرتاحة



وزوجي حمدالله معاي يقول لانة البيت مافي بنات عشان جذي عادي اللي يصير في البيت ؟؟؟لو عندنا بنات كان تغير الوضع ..وانا شنو ؟؟؟؟مش بنات ؟؟؟؟؟؟؟؟؟؟



ياريت حد يصحح لي لو كنت معقدة في شى من اللي قلتة واسوية وشنو الحل مع زوجي والطلعة ......


ناطرة ردودكم ..................

ما تفعلينه هو عين الصواب أختي ..لا تغيري في حالك ولا في طباعك ..

فأنتي الصح وهم لا ..

أما مشكلتك مع زوجك فهذا الشي بيدك , يعني المرأة لها أساليب ولها طرق في التأثير على زوجها .
وحددي لنفسك يومين في الأسبوع مثلا للذهاب لأهلك ,, يعني مو كل يوم تطلبي أنك تزوري أهلك لأن الرجال بطبيعته ما يحب .

الله يعينك و يوفقك ..

أختي العزيزة..لم أجد حلا لمشكلتك لذا سأكتفي لك بالدعاء ان يفرج الله همك ويكتب مافيه الخير لك


تحياتي

حائزة الأمل

__________________

أختي الفاضلة

حاولي أن تصارحي زوجك .. بكل ما يقلقك واطلبي منه بأسلوب ناعم وأنثوي أن يساعدك

تقربي من حماتك .. اكسبي قلبها بـ الكلمة الطيبة .. والهدايا .

وبإمكانك أن تغييري الكثير ..

عليك بالدعاء والإستغفار .. والنصيحة


اسأل الله تعالى أن يعينك ويوفقك ويسعدك .

__________________

__________________

حاولي تدخلي دورات نسائيه وعيالك بحضانه

او اشتغلي اذا سمحلك زوجك شغلات سهله وبسيطه

ايش عندك هوايات ومواهب طليعيها

خذيلك خياطه رسم اي شي

اقنيعيه ان لازم تكوني امراه فعاله وان عيالك تنفعهم الحضانه ويصيرو اجتماعيين واذكياء

او تحفيظ قران.... ايش شي ممكن يريحك

وقولي له عشان غيابك يا حبيبي وشغلك وعشان لا اطفش واغير جو

وافيدك و نفسي وعيالي

وكدا ........حننيه عليكي وخليكي جديه ومتمسكه برايك عشان لا يهون عليكي قعدت البيت

وتتعودي وعادي واستحملي وانا ظروفي ما تسمح

لاتعطيه فرصه التهوين ابدا لان لو حس انك ضعيفه وممكن ترضي حيتمسك برايه

الله يعينك يا أختي على المحنة اللي انتي فيها .. أنا جلست مع أهل زوجي شهر ونص ببداية زواجنا لحد ما خلص بيتنا .. والله معاناه .. الكل بيراقب فيكي .. لا أقدر أنام على راحتي ولا أصحى على راحتي .. انتقادات .. أنا وضعهم في البيت مش عاجبني .. ولا أنا عاجبتهم .. لو كل واحد كان لحالو من البداية ماكان صار كل هالشي ولا أحد عرف عيوب الآخر .. بعدين كل شي متعودة عليه في بيت أهلي لاقيتو غير عندهم .. يعني أسلوب تاني للحياة وماقدرت أتـأقلم معاه ولا بدي أصلا أتأقلم ولامحتاجة إني أكون نسخة عن أحد ..
نصيحتي لو فيكم تطلعوا من بيت الأهل ولو لبيت صغيرة وأقل مستوى بيكون أحسن وأريح مليوون مرة
تحياتي

الله يعينك

انتي اختي صح اللي تسوينه

كلمي ام زوجك قولي لها انا خاطري ادش المطبخ اطبخ لكم

بس ما احب السايق يدخل اذا انا موجودة تسمحين لي يمه

اذا ما يرضيك هالشي ولا يزعلك خلاص ماني بداخلة المطبخ

الكلمة الطيبة العذبة تكسبين قلب ام زوجك وتخلينها تحبك

وتخليك تسوين اللي تبينه في البيت

لكن مع الوقت بالصبر والكلام الحلو والاحسان اليهم

انصحك اختي تشاركينهم مشاعرهم افراحهم همومهم

وانصحك تطيعين زوجك فيما يرغب

ممكن تبتعدين عن مجالس الغيبة والنميمة

وممكن تخبرين زوجك عن السلبيات الي تشوفينها في اماكن محددة وعدم رغبتك بالذهاب اليها

مع عدم ممانعتك للذهاب مع امه الى الاماكن الاخرى

لكن ...........الافضل تبدين استعدادك لطاعة زوجك

وعمل ما يرضيه

في طاعة الله .......... لا تعصين الله في شيء

الله يوفقك لكل خير


أختك/ دفء الحياة .

__________________

مشكورين على الردود الطيبة ..وفعلا انا احاول اني اتمسك بمبادئ اللي تربيت عليها في بيت اهلي ...لكن للاسف صرت احس اني غريبة لدرجة اني ما اقدر اطلب من ام زوجي اتفضيلي المطبخ مثلا ...


حتى السايق صار يشوفني مختلفة لاني غير عنهم ولمة اطلع معاة مع عيالي ايكون تعاملة وايد مش حلو معاي ووايد اشتكي لزوجي ويكلمة لكن مافي فايدة ..واقرب مثال زوجي يقوله ناد زوجتي (مدام ) لكن يصر يناديني باسمي تصوروا حتى الخدامات نفس الشئ ...صرت اكرة اتعامل معاهم لانه احس ام زوجي هي السبب ..


مع العلم ان ابو زوجي اقرب لي من ام زوجي وعلاقتي معاة وايد طيبة واحس انة اكثر من ابوي وحتى اخو زوجي لصغير ....بس للاسف ما يحب المشاكل ومايدخل في شئ من البيت لين الشغل ومن الشغل لين البيت ..



يمكن هاي سبب ثاني يخلي بيت زوجي كذا ...

السكن مع اهل الزوج تجلب هذا النوع من المشاكل حتى نوعيه الاكل اللذى يطبخ لايد لك فيه واذا طبختى ممكن تنعتين بالمبذره استخدمتى لحم اكثر من ما ينبغى مثلا
لكن ظروفك المعيشيه والماديه هكذا تستوجب ان تسكنى معهم فليس من هذا مفر
بالتالى عليكى التكيف مع هذه الحياة لتسعدى
وهم بالنهايه بمعاملتهم لك افضل من ناس كثير غيرهم
توجد زوجات ليس لهن خصوصيه حتى بغرف نومهن ولا معاملت ابنائهن
قرار المراه ببيتها هو الوضع الطبيعى فهو الاستقرار والتفرغ للابناء
ولا تقارنها وضعها بك فهى ان خرجت لا تصنعها مثلها فانتى تقرين انك من بيئه مختلفه فاثبتى هذا
بقرارك ببيتك وعدم الخروج الا للحاجه او زياره الاهل بشكل محدد
وارضى زوجك وحاولى احيانا طبخ بعض مما يفضله وافهميه سبب رفضك ذلك ببعض الاحيان
وواضح انه متفهم وضعك فتصرفى بطريقه تبقيه على هذا الوضع ولا تنفريه
اما الجلسات مع الزائرات التى لا تعجبك فيوجد حل بانك تجلسين معهم وتضيفيهن وتقومين بالواجب
واذا تكلموا عن الناس فعليهن وزرهن وذنبهن وانتى لا تشاركينهن كلام لا يعجبك
قال تعالى:ولا تزر وازره وزر اخرى