السلام عليكم ورحمه الله وبركاته

حبايبي
كنت دايم ادخل ها المنتدى وانا مبسوطة واحب اساعد الي يبي مساعدة واحب اقول لهم رأيي وتجربتي في مواضيعهم لكن اليوم انا داخلة ابفضفض لكم بعد الله سبحانه وتعالى

ابدخل في الموضوع بدون اي مقدمات



باختصار
بعد العشرة وبعد سنة وثمان اشهر عشتها معاه ... اكتشف ان الي كنت اسميه عمري وحياتي ..أقصد هو عمري وحياتي (((((أحس ان هالشي كــــــــــــــــان )))))

وللأسف .... مايثق فيني لما اطلع مكان لا اهلي ولا اهله معاي
أكتشفت هالشي لما انعرضت لي وظيفة حلو لكن فيها قسمين رجال ونساء ..مع العلم ان القسمين معزولات تماما ...يعني مافيه اختلاط

اكتشفت بعد نقاش دام ساعة ونص وكان بلأسلوب الي يحبه بدون نرفزة او عصبية



ولكن ... النتيجة مؤلمة جدا جدا جدا


ما ادري وش اقول ما ادري وش اعبر
ما ادري .... بس الي اعرفه اني


مخنوقة ومتضايقة ...واحس ودي ابكي زيادة صار لي ساعتين ابكي ولا تعبت وابي ابكي زيادة .... حاسة بنار تولع فيني حاسة اني ابي ارتمي بحضن اغلى الناس عندي((أمي )) وابكي وابكي وابكي لما اشبع بس انا خايفة عليها لأن معها القلب واخاف لا قدر الله يجي لها شي وانا السبب


فعلا ماادري وش اقول حتى الكلمات ماتعبر الي فيني

يارب انت عالم بالحال ارحمني وافرج همي وهم كل مسلم يــــــــــارب مالي انا غيرك وأحد سواك اشكي له




لا تـــــنـــــــســــــــونـــــــي من الدعاء...

أدعولي محتاجه لكم ...

واخيرا ما اقول الا (((((( حسبي الله الذي لا اله الا هو عليه توكلت وهو رب العرش العظيم )))))))




أخت الجميع أم تركي

__________________

اختي رعاك اللّه

اللهم يا مفرج اللهم فرج هم جميع المسلمين والمسلمات ..... اللهم امين

الله يفرج همك ويبدل حزنك سرورا وفرحا
ولا تسيئ الظن بأنه لا يثق فيك
قد تكون له وجهة نظر أخرى..

انسي البكاء ..توضي صلي ركعتين ..وبعدها ريحي أعصابك وفكري بهدؤء

والله يريح قلبك ويطمنك يارب..

__________________
.. ربي لك الحمد والشكر ..

حبيبتي ام تركي ..

احيانا الواحد يكون مضغوط ويجي موضوع مب ذاك لزود

ويفجر بركان داخل هالانسان.

طولي بالج وانتِ تعرفي زوجج بس اكيد خانه التعبير

ومثل هالمواضيع من شغل وغيرة يوباله ووقت

وهاي رد مبدئي وعندج وقت تتناقشي معاه

بس خذي كلامه على حسن ظن .. ترى الشيطان يتصيد

ومب معقولة ما يوثق فيج

لان العقل مايقبل انه مايوثق فيج وبنفس الوقت مأمننج على ولده وبيته ويوبا يكون معاج اسرة!!

تحياتي لج

شكرا يا الحلم الدافئ ولDENVER


وشكرا على النصيحة

__________________

يا حبيبتي



الله يفرج همك يارب


امور الدنيا بسييييييييييييييطه

دامك بصحتك وعافيتك وولدك بعافيه

وش تبي اكثر من كذا

الا تذكري حديث رسول الله صلى الله عيه وسلم


فيمــــــــا معناه


من بات معافا في بدنه يملك قوت يومه فقد ملك الدنيا ..

اسأل الله العلي القدير ان لا يذيقنا ما هو اعظم

احمدي الله

وصلي وادعي واستغفري



وعلى قولة المصاريه

تبات نار .. تصبح رماد..

بكرة بتجي وتقولي

حبيبي ظلمته

وتبدئي تتغزلي ..

وراح اذكرك ان شاء الله

يالله

ابتسمي يالغاليه

ولا تفكري في شي

اللي ربي كاتبه بيصير

غصب عن اللي ما يرضي

تقبلي تحيااااااااتي .......

شكرا لكم كلكم فعلا ابشكركم من قلبي


يمكن كلامك صح واعوذ بالله من الشيطان

__________________

سبحان الله .!


هالحين يوم انه يغار عليك تعاملينه كذا .؟؟
ليش هو رافض عملك في المكان المختلط ؟

انا بالنسبه لي والله لو ادري ان زوجتي بتتوظف في مكان فيه اختلاط حتى لو معزول على قولتك
والله ما اوافق

بعدين .!

سنه ونص وما هو واثق فيك وانتي زوجته ام ولده ؟؟

تصرف بتصرفات ثانيه يعني مثلا منعك من جوالك ؟ شال التليفون من بيتكم ؟؟ يراقبك وانتي تروحين للسوق ؟ او تروحين لاهلك ؟؟


لا تصيرين شكاكه و موسوسه !

دوري عمل ما فيه اختلاط وان شاء الله بيوافق على عملك وبتسير امورك تمام
ابليس لا يلعب براسك

اللي يقرى كلامك يقول نازلتن عليك مصيبه الدنيا !
تعوذي من ابليس تراه حريص على تضخيم الامور وزيادة المشاكل بينك وبين زوجك

اعلمي اختي الكريمة ان طاعة الزوج مقدمة علىكل شئ، و خاصة اذا كانت الأمور ميسرة و لله الحمد!!
لا احب ان اذكرك بنصائح النبي للنساء بطاعة الزوج و قصص الموظفات و نصائح اعلم انك تعلمينها و لكن الشيطان قاعد و يزن على الراس!!

استعيذي بالله و صلى ركعتين و انسي كل الدنيا و ناجي الله،

و الله يقرب الذي فيه خير لك في اخراك و دنياك..

بارك الله فيك..

احترامي..

__________________

أول شي باقول لك ما شاء الله ولا إله إلا الله ، ما شاء الله تبارك الله . لا أحد يحسدك على زوجك هذا لأني اكتشفت وحدسي يصدق_ بإذن الله _ أن زوجك يحبك ويموت فيك ، لكنه يغاااااار عليك ، وهذا واضح تماما ، وغيرته محمودة وليست مذمومة ، ولاحظي أن شغلك علشان مساعدتك له، ومع ذلك رفض أنك تشتغلين وهذا دليل أنه ضحى بالمساعدة من أجل غيرته عليك .

بس لا تفهمين الغيرة اللي فيها زوجك أنه يشك فيك أبدا أبدا ابدا. لكن هذه الغيرة أنه يبغى كل شي فيك له وحده. ولوشك فسوف يكون الشك في الرجال الذين في العمل ، وبصراحة يا أختي الفاضلة فإن كثيرا من الرجال لا يمكن أن تأمنهم، بل يتحينون الفرص لمحادثة البنات والتقرب منهن رغم ان البنات عفيفات عاقلات ، وقد لاحظت هذا من أشخاص أعرفهم . ولان زوجك نظرته ثاقبة ، وأعرف منك بالمجتمع الذي تعيشون فيه فهو يدرك ابعادا قد لا تدركينها انتي.

__________________
https://soundcloud.com/abo-faisal-9/...5-wa0024-mp3-1