السلام عليكم
أتمنى اقرا اكبر عدد من اراء الاعضاء

انا عندي مشكله .. هي مو مشكله يعني كبيره
بس تضايقني حييييل

انا للحين (مخطوبه) مملكه واكتشفت في زوجي صفة بالنسبه لي واتوقع
بالنسبه لكثير من البنات مب حلووووة

زوجي هو مسؤل عن اهله وهو اكبرهم وبعده كلهم بنات وعنده اخ واحد صغير

طبعا هو متأثر كثير بسوالف وشغلات الحريم لأن أغلب وقته مع خواته
وانا استغرب منه.. دايم يحكيلي شغلات تهم المرأه
يفهم في الموضة .. ولما يجي يوصف شي نفس طريقه خواته

خواته يحكوله مشاكلهم مع صديقاتهم حتى اتفه الاشياء يقولوله
يعني مثلا فلانه والله اليوم دقت علي وقالت كذا كذا

انا استغرب اشفيهم

بس وهو مره قالي ان فيه ميوعه شوي ويعتبره عيب فيه
قلتله اني لاحظت عليه وذكرتله بعض الكلمات اللي يقولها وبعض المواقف
وقالي ساعديني اشلون اتغير

ابيكم تعلموني اشلون اقدر اغيره
اخاف مرات اجرحه

واي اعرف اذا كانت وحده في مكاني اشلون تتصرف
ابي ارائكم بليييييز

تحياتي

خليه يشترك في نادي أو حلقة تحفيظ للكبار.

اختى يوجد رجال فيهم هذه الصفه وهذه شخصيتهم وطبعهم الى من الصعب تغييرها فقد لازمتهم سنين
وهو ذاته لاحظ الوضع ولا يعجبه ولا يقدر يغير حاله
فعليكى تقبله كما هو ولا احد فينا كامل ولا حاولى تحسسيه بالنقص من هذا الشىء ولا تعيدى ذكره له
فالرجال مخابر وليس مناظر
فتحكمين على الرجل من افعاله وليس من دقائق الامور
فماذا تستفيدين من رجل خشن المظهر ولا يبالى بك او زير نساء او يشرب الخمر او لا يؤدى نفقته لبيته؟!!

من شب على على شيء شاب عليه ، لكن إذا أردتي أن تغيري طبعه فدعيه يحتك بالعالم الخارجي أكثر ، دعي الدنيا تتولى عملية تغيره.

فالدنيا أكبر معلم .

هو يخرج ويطلع
بس لما يقعد في البيت يقعد مع خواته ويحاورهم في الاشياء اللي تخص البنات

بصراحه اعصصب واتضايق

اوف ياربييييي

يا اختى لا يوجد احد كامل وهذه ليست بالمشكله الكبيره
لو تقارنيه بغيره من الرجال بيكون ملاك عليهم

عزيزتي:
ما دام يعلم إنه فيه هذه الصفه معناه إنه إنشالله يستطيع إنه يغير نفسه..
أول شي.. أطلبي منه إذا جلسوا إخواته يتحدثوا وهو حس إنه الموضوع بدأ يصير فيه حديث نساء يقوم من الجلسه.. ومافي داعي يكملها..
ثاني شي أنصحك إنه تنشطيه وتحفزيه على الإشتراك بنادي رياضي.. رح يشغل وقته فيه ويفرغ طاقته ويزيد هرمونات الذكوره عنده..

وآخر نصيحه بيني وبينك:
صدقيني إنك في المستقبل إن شالله رح تنبسطي معه جدا.. بتعرفي ليش؟؟
لأنه رح يكون فاهمك أكثر.. ورح يعرف شو بدك ورح يتحدث معاك وتناقشيه.. ورح يكون جدا قريب لك.. لأن الرجال شخصيتهم مختلفه عن النساء ومو دائما بيفهموا عليهم أو بيتحدثوا معهم..
فإنتي خذي الموضوع من الناحيه الإيجابيه.. وانبسطي..

تحياتي,,

اوافقك الراى بهذه النقطه تماما

اوافقك الرأي 100% لكن في طريقه شوي بسيطه عشان شوي يكون خشن ... حاولي دائماً اذا كلمتيه او شفتيه تخلينه هو اللي يبدأ يتكلم ونتي تردين له ردود فقط وقتها يحس انه هو القيادي في الحديث ووقتها تتعزز عنده الثقه ويحس بأهمية الرجل وراح يخشن مع الوقت .... او حاولي انك تستفزينه شوي عشان يعصب على الخفيف ووقتها لمن يعصب عليك سويله شوية خضوع وتأسفي وحسسيه انه قيادي ونك تحبين الرجال الخشن ولا تحاولين انك تتطرقين لمواضيع الموضه معاه حاولي دائماً تسألينه عن علاقته بأخوياه ودوامه وعن الرياضه والكورة وشغلات زي كذا ومع الوقت ان شاء الله يتغير

برد عليج بالنصيحة الي قريتها توني من المنتدى و الي هي:

إذا لم تجد ما تحب ، فحب ما تجد