الى كل عضو في هذا المنتدى الى كل قارئ لموضوعي الى كل من يستطيع فهم معاناتي:
اكتب لكم معاناتي انا اكبر اخواني في البيت امي امرأه عامله طيبه جدا متدينه مريضه والسبب في مرضها ابوي وابوي شخص متسلط يحب التحكم والتملك وتقييد الشخص يتمتع برؤية الهوان في عيون اولاده وهم يطلبون مساعدته ولا يساعدهم
لي اخو اصغر مني بسنه في المرحله الجامعيه منذ ان كان في المرحله المتوسطه وابوي يدور عليه الزله ويكرهه وماابي احد يقولي مافيه ابو يكره ولده كان دايم يهينه يحسسه ان ماله قيمه ولا اهميه ولمن وصل اخوي للمرحله الثانويه زادت اهانة ابوي له وصار يطرده من البيت لاتفه السباب كان مايبيه ينام ولا ساعه بعد مايرجع من الدوام كان اذا تاخر عن البيت بس 5 دقايق عند المسجد طرده برا البيت ومع كل هذا كان اخوي يطيعه وما يعصي له امر وكان يتسمح منه مع انه ماغلط بعد مادخل اخوي الجامعه مارضى يعطيع سياره من السيارات الموجوده عند الباب ولا يشتريله وبعد فتره اشترى له سياره ورجع سحبها منه بدون سبب واضح وحاليا طرده من البيت طرد نهائي وامي طردها لسبب تافه بس انا وخواتي الصغر مارضينا انها تطلع اثر على نفسيات اخواني الصغار اللعب عنده ممنوع مايبي يسمع صوت في البيت لدرجة ان اخوي الصغير يسالني يقولي لمن اكبر ابوي بيطردني من البيت؟
هو انسان متناقض مع نفسه ماندري وش يبي ولا ندري شلون نرضيه كل شي ينتقده حتى لوكان مافيه اي عيب وكل شي مايعجبه ولمن احتج واقول له انت الي طلبت يدعي علي كأن عنده انفصام في الشخصيه اومرض اوقات تشوفه راضي وبعد 5دقايق يقلب عليك بدون اي سبب تفكيره غير طبيعي يخاف على املاكه على بيته وسياراته وامواله حالته الماديه جيده جدا ومع هذا بخيل مايعترف انالانسان يحتاج للترفيه نظامي لاقصى درجه ودرس في اكبر الجامعات الامريكيه وحاصل على الدكتوراه وهو متقاعد حاليا
الناس يمدحونه لانه يظهر لهم بوجه الشخص المثقف المتفتح الواعي وهو على العكس مع اهله واولاده

انا اوفر له كل طلباته وانا الي في وجه المدفع وكل الضغط والمسؤليه علي انا ارجوكم ساعدوني ودي يطلع من البيت ويخلينا بس شلون مع العلم ان كل الطرق جربناها علشان يرضى بس مافيه فايده ساعدوني........
انتظر ردودكم في اسرع وقت.......

أعتقد ابوك مريض نفسيا..
ومتأكدة أنكم مستحيل تقترحون عليه انه يعرض نفسه على طبيب..
الله يعينكم عليه..
حاولوا تتجنبونه قدر الامكان..
وعوضوا أخوتكم الصغار عن حنان الأبوة..
وكان الله في عونكم...

الله يعينكم والله ...........شي صعب جدا ولكن حاول ان تتحمل المسؤلية وان تكون مثل الاب في البيت .......لان الصغار يحتاجون الحنان ولا اظن ان والدك حنون ابدا ...اعانك الله اخي ...وكل عمل خير ستثاب عليه...اختك الحائرة مرات ((ام ملاك))

__________________

مشكورين حبايبي بس ابي اي واحد مختص يحاول يساعدني لاني حيل تعبت وانا اختهم الكبيره اشيل الحمل واداري المي وعذابي واحسسهم بالامان قد مااقدر وماابكي علشان امي ماتتعب واخواني الصغار مايتاثرون بس انا الي الحين تعبت لاني تحملت مسؤليه اكبر مني وانا عمري 21سنه ساعدوني ارجوكم وعالعموم مشكورين حبايبي

استخدمنا هالحل اختي zayna بس ماجاب نتيجه استعنا بعمامي وخوالي ومافيه فايده يطلعنا احنا الغلطانين ونتسامح منه ويرجع بعد يومين لنفس الحاله
ترى كل الطرق جربناها حاليا انا اتمنى اي احد يشيله من بيتنا باي وسيله لاني قربت انجن

السلام عليكم
آختي العز يز ة آ ض آ ن وا لد ك في حا جة لمن ينصحه ويبين له خطءه وآوصيك بآ حد يثق به من الآ هل والآصحا ب
و بإ ذن الله سير اجع نفسه
ونطلب له الهد اية من الله عز و جل

عليكم المواضبه على اداء الصلاة والدعاء الدعاء

__________________

اختي الكريمه والدك يعاني مسالتين مهمتين

1- طفوله صعبه و شباب جاد ركز على التعلم و ربما تحمل مسؤليه اخوته
الحياه لم تكن بهذه السهوله فيما سبق و الناس تعبت الى تحصلت على الشهادات العليا
و انحرموا من متع كثيره في سبيل اتمام دراستهم و الوصول لمستوى اجتماعي و تعليمي
2- والدك كان مشغول بالتدريس و العمل و حياه اجتماعيه من احترام و تقدير الهيئه التدريسيه و الطلاب
و اعتقد انه يفتقد هذا الان و حدثت له نوع من الشعور بعدم الاهميه و القيمه التي تعود عليها
اقترح عليكم ان يقترح عليه احد اعمامك او اقاربكم
يقترحون على الوالد بتاليف كتاب في تخصصه
او على اقل تقدير ذكرياته
هذا سيشغله كثيرا عن تتبع كل صغيره و كبيره بالبيت و يقلل من تركيزه عليكم و على اعصاب الوالده
و اذا اقتنع بهذا بينوا له انه شخصيه عظيمه و اكيد المجتمع في حاجه لخبرته
و هكذا يرتاح و تنالو اجر ان علمه لم يذهب سدى و يكون له في ميزان حسناته
و الله يوفقكم

__________________

اللهم أنت ربي ، لا إله إلا أنت ، خلقتني وأنا عبدك ، وأنا على عهدك ووعدك ما استطعت ، أبوء لك بنعمتك ، وأبوء لك بذنبي فاغفر لي ، فإنه لا يغفر الذنوب إلا أنت ، أعوذ بك من شر ما صنعت(البخاري)