السلام عليكم ورحمة الله وبركاته

اعتذر عن ازعاجكم ولكن ودي بنصيحه صغنوووووووووووووونه ان ما كان عليكم أمر


اولا : الحمد الله قرب موعد سفرنا انا واختي وامي للخارج من اجل العلاج الله يكتب الخيره كلها ثلاث اسابيع ان شاء الله


ثانيا: انا عادة لما اسافر لخارج اكون مجهزه ملابس للحجاب يعني اما بناطيل واسعه او تنانير مع بلايز ساتره وحجاب


المهم قررت هذه المره ان البس عبايه ويكون حجاب الرأس ملون غير الأسود

بس ودي اسأل ايش رأيكم ألبس العبايه سوداء او البس عبايه بلون مختلف يعني كحلي او زيتي او بني او ...

المهم مايكون اسود عشان ماابغا لفت الأنتباه ان احنا سعوديات .........وانتو عارفين ليه



ثالثا: اذا كان عندكم صور لملابس حجاب ياليت تزودوني.

رابعا : اذا عندكم نصائح لي قبل السفر احطها بإذني خصوصا ان احنا مسافرين من غير رجاااااااااااااال الله الهادي


خامسا:ادعولي ربي يثبتني ويحميني ويبعد عن عيال الحرام لأن المسؤليه كلها عليه بين رعاية امي واختي الله يعين




وشكرا اخواني واخواتي

ربي يسعدكم ويفرج همكم وينولكم مرادكم


اختكم في الله

اختي الكريمه
شفا الله مريضتك . اللبس و الالوان راحه شخصيه و يختلف الزوق من فرد الي اخر. و لا اجد اي داعي ان تخافي من لون العباءه الاسود و كونك سعوديه يزيدك شرف و ليس خجل و لا اعرف الي اين انتن مسافرات. علي ايه حال انا طبيب اعمل بالمانيا و ياتي الينا الكثير من اهل الخليج و يلقون كامل الاحترام بصرف النظر عن لبسهم فالزي يجب ان يحترم في اي مكان
ان كانت وجهتكم الي المانيا و احتجتم اي مساعده لا تترددي في طلب ايملي من اداره المنتدي و انا علي استعداد للمساعده
تحياتي
د. نبيل

اختي الكريمه

اعلمي ان حجابك فخرك وتاج راسك

ولاتفكري بتاتا بكشف الوجه واستسهاله
لأن هناك اجنبيات يرتدين الحجاب الاسود وعبائة الراس والقفاز!!!!!!!!!!

واستبعادا للمضايقات
اتركي عنك الروحه والجيه على غير ضروره
يعني كملوا الشغل اللي انتم رايحين له وبس
مو لازم اسواق وتمشيات خصوصا انكم بدون محرم

وضحي مو عشان شي فقط تضحيه لدينك وشرفك
وذلك ابتغاء مرضات الله

وانصحك قبل السفر تروحين لتوعية الجاليات وتأخذين من عندهم هدايا عباره عن كيس يحمل معلومات دعويه عن الاسلام بلغة البلد اللي انتي قاصدته

وخذي منها للمسلمين وغير المسلمين واذا كان اهل البلد يحملون اكثر من لغه او اكثر من ديانه خذي لهم بعد وفي الكيس العديد من الكتيبات والاشرطه
اطلبي كرتون مثلا يحوي عدد من الاكياس
وابتغي بذلك وجه الله
على فكره انا سويتها ونجحت معاي والله لايحرمنا الاجر


الله يوفقكم ويرجعكم بالسلامه

في النهايه لاتفهمونا خطا انا غير مؤيده لسفر المرآه بدون محرم بس ماأعرف ضرفك

__________________
سبحان الله وبحمده سبحان الله العظيم

البسي عادي بناطيل وبلوزات واسعه بس ما تكون ملفته للانتباه
هذا اللي انا قاعده اسويه
جبت معاي عبايه سوداء وراح البسها لما الجو يساعد في الصيف يعني
اشوف حتى الامريكيات المسلمات يلبسن العبايه وحتى القفازات وغطاء الوجه
هني في امريكا ما في تحرش بالبنات زي اللي عندنا في الخليج في الاسواق
يعني عادي تروحين السوق ولا احد يفتكر وش انتي لابسه
ولا تخافين هذا انا بروحي في امريكا بدون محرم الحمدلله اموري ماشيه احسن ما يكون

نقل الى قسم المرأة والأزياء ليجد التفاعل المنشود

د\نبيل

ربي يسعدك ويفرج همك وينولك مرادك ادمعت عيني لكلمتك الطيبه (اذا احتجتم مساعد لاتترددي)
الله يريح بالك ويرفع قدرك ان شاء الله

اما بالنسبه للعباءه فكلي فخر بها وشرف واعتز بأني سعوديه





اختي الحبيبه ختام

حجابي تاج راسي وربي الله يستر علينا دنيا واخره

وبالنسبه للروحه والجيه والله مو مفكره اي شي اخترنا السكن بالقرب من العياده وشرطنا ان يكون في السكن سوبر ماركت حتى لانتضطر للخروج بعيدا
وان شاء الله خير


وفكرتك حبيبتي راحت عن بالي الله يجزاك خير بأجهز لها وادور على مكتب توعية الجاليات

ربي يسعدك ويفرج همك وينولك مرادك ويريح بالك




اختي الحبيبه pomegranite الله يحفظك ويحميك من كل شر

انا فعلا اولا كنت البس كذا بس هالمره ربي هاديني ماأدري متمسكه مررررره على لبس العبايه

وبالنسبه للمضايقات انا معاك بس الخوف من شبابنا اللي هناك

وبيني وبينك ابغا اتحداهم في اسلامنا وديننا ان مهما صار احنا مسلمين ونفتخر بأسلامنا

انا اللي مخوفني اكثر انوا مافي معانا رجال والمسؤليه عليه ومتحمله مسؤليه امي واختي

يعني انا الي في الصوره بس الله كريم وان شاء الله خير


ربي يسعدك ويفرج همك وينولك مرادك ويريح بالك



اختي البتول مشكووووووره حبيبتي انك نقلتيه للمكان المناسب

ربي يسعدك ويفرج همك وينولك مرادك




اختكم في الله

يا اختي
احس ما له داعي لبس البناطيل
لانه مو لبس ساتر وفيه تشبه بالرجال
ومعلوم ان التشبه بالرجال حراااااااااااام

البسي لباس ساتر ومحتشم
والله معك
ومو مهم لون العبايه
اهم شي مو ملفت
الله يوفقك
ويرجعك لنا بالسلامه

__________________

أيها الحائرون .. أستمضون فوق جثتي؟؟ أم ستذهبون؟؟ ففي جسدي دم يهتف: بالعز سأدفن تحت الأرض وأنتم بالذل سوف تعيشون!!!!

أختي الحبيبه..
الله ييسر لكم ويفرج همكم
كل مااريد قوله لك..

...دعي الله يراك كما يحب وكما يرضيه جل وعلا...

تقبلي تحيااااااتي

__________________
.. ربي لك الحمد والشكر ..

استودعك الله الذي لاتضيع ودائعة
استودع الله دينك وخواتيم اعمالك

__________________