مشورتكم الله يجزاكم خير - منتدى عالم الأسرة والمجتمع
logo

الملاحظات

المطلقات والأرامل والمتأخرات يعتني بالمطلقات والأرامل والمتأخرات عن الزواج

موضوع مغلق
أدوات الموضوع
انواع عرض الموضوع
قديم 23-06-2006, 02:39 AM
  #1
شوبارد
كبار شخصيات المنتدى
 الصورة الرمزية شوبارد
تاريخ التسجيل: Jan 2006
المشاركات: 5,397
شوبارد غير متصل  
مشورتكم الله يجزاكم خير

اخواني اخواتي الله لايحرمني من أرائكم ودعواتكم ويجزاكم ربي كل خير


تقدم لي رجل منفصل وعنده طفلة..

الرجل مدحوه الناس .. لو مدحوه الين بكرة ماقتنع لأن كلامهم رجال طيب ولد حمولة يصلي راتبه كذا


بصراحة أنا مرة خايفة ومترددة وضايقة وكل شي.. وفيه من يضغط علي للأسف

مشكلة المطلق ماتفرق عندي اذا كان زواجه لفترة بسيطة هذا مادري كم مدة زواجه؟

والبنت خايفة تعيش معي من اول عمري وتحرمني من حقي كعروس

وخايفة تكون عند امها ولما تكبر اكيد بتكون معاي وذيك الساعة تكون امها مكرهتها فيني وتعيشني بعذاب

انا والله حنونة ولما فكرت قلت أكسب فيها أجر بس ولو خايفة

وحتى سبب طلاقه ماعرفته وكل ماقلت أسألو القى الصراخ بوجهي وبس!! << معاملة جديدة عند الخطبة

ابغى السلبيات والايجابيات بالزواج هذا

وآسفة على كلماتي المبعثرة بس غصب عني والله


على فكرة انا أتأثر بكل كلمة تكتبونها لي << يعني شوي شوي علي
__________________
اللهم لك الحمد والشكر
"ولئن شكرتم لأزيدنكم"

التعديل الأخير تم بواسطة شوبارد ; 23-06-2006 الساعة 02:43 AM
قديم 23-06-2006, 03:10 AM
  #2
كاتم الاّهات
عضو نشيط
 الصورة الرمزية كاتم الاّهات
تاريخ التسجيل: Feb 2006
المشاركات: 161
كاتم الاّهات غير متصل  
والله ياأختي شوبارد ماأدري وش أقولك بس أنا راح أتخيل إنك أختي من أمي وأبوي وتقدم لك واحد مثل اللي ذكرتي وجيتي تستشيريني فردي راح يكون الاتي :
إذا كان اللي تقدم لك عنده بنت بتسكن معاك فبصراحة أرى انك ماتوافقين لأنك ماشاء الله عليك فيك صفات كثيره يتمناها أي شاب وبعدين عمرك 26 يعني توك صغيره ولاتنسين ان خواتي اللي قبلك (على اعتبار انك اختي) كلهم ماتزوجوا الافي عمرك أو أكبر وكلهم أخذو شباب ماطلقوا ولا عندهم أولاد فمن رأيي انك ماتستعجلين وراح يجيك شاب يناسبك ان شاء الله والأمر في الأول والأخير راجع لك .
أخيرا : أنا ياأختي كتبت الرد مثل ماقلتلك على افتراض انك اختي من امي وابوي وتقدم لك هذا الشاب فهذا هو رأيي ويمكن فيه كثير راح يخالفوني عليه . ولك تحياتي
__________________
يسخر من الجروح كل من لا يعرف الألم
قديم 23-06-2006, 03:48 AM
  #3
شوبارد
كبار شخصيات المنتدى
 الصورة الرمزية شوبارد
تاريخ التسجيل: Jan 2006
المشاركات: 5,397
شوبارد غير متصل  
الله يجزاك خير أخوي كاتم الآهات ويوفقك ويحقق لك ماتمنيت يارب

شوف اخوي انا البنت لو تجيني بعد كم سنة يعني مثلا بعد مايكون عندي طفل عادي جدا بحاول اكسبها وبياجرني ربي ان شاء الله بس انا خوفي بداية الزواج

تكون عندي وبصراحة لو صار نصيب مابغى احد يعرف ان عنده بنات ألسنة الناس بتذبحني بس بعد مايكون عندي طفل عادي خل العالم تدري!! << تحس الدنيا على كيفها بس هذا اللي ودي فيه

انا خوفي هو اخاف انه شكاك والله الرجال مع احترامي الشديد لك اخوي ولجميع الاعضاء المحترمين مالهم امان

ولا فيه بلا الله يستر وخايفة يقارن وخايفة يكون سبب الطلاق هي رافضته وهو راغبها

عاد الله من الهواجيس في تالي الليل فيها وانا طاق عندي الامبير

واذا قلت لامي هالكلام قالت افرضي اخذتي شاب ماسبق له الزواج وله سوابق ماخلى وحدة ماقعد معها بيقعد يقارن ويهوجس وكل شي!!

والله كلام امي مقنع شوي بس غير الزواج غير عشرة نوم وقعدة وسوالف ومطاقة!!

ادري بتقولون ياصغر عقلك والله الحريم يختلفون وانا وحدة عارفة نفسي ماعندي قدرة عالتحمل

مابي اقعد عند واحد يتذكر وحدة غيري بنهبل بيطق فيني عرق الحمدالله مافيني قاصر عشان يقعد يقارن

اهلي قاهريني ابيهم يسألون عن سبب طلاقه ورافضين يقولون عيب


وبنفس الوقت لما أفكر فيه ايجابيات اهلي مادحينه مررررة وماديته حلوة ويمكن ( نجيب نقطة تفاؤل ) يمكن يطير فيني لأنه فشل بحياته الاولى وبيخاف من الفشل مرة ثانية

وعنده بنت بيحس اني ضحيت والله ماضحيت عشانه ولاجبت خبره ضحيت عشان نفسي او بالاصح أمي.. وأهله مرة طايرين فيني

بس فيه عيب شين مرة كنت ارفضه ايام الصبا لكن الحين تنازلت

حتى لو قلتو لي ارفضي عشان هالسبب ماراح ارفض خلااااااااااااص مابقى عالثلاثين الا 4 سنين ابي اتهنى بشبابي

ابي احس بأنوثتي ابي ارتاح من كلام امي اللي ذبحني

يدخن وعععععع ريحته مخيسة ويخلي شفايف سود وحرااااام بس انا لمحته وماتذكر شكله بس لو شفايفه سود كان لفت نظري

من كثر مانا شايلة هم رحت كلمت صديقتي زوجها يدخن وقعدت احقق معها تقولي شفيك شوبارد ودك تدخنين هههههههههههههه

تقولي اول ماتزوجت بغيت اموت وبعد مرور شهرين خلاص تعودت يعني الامر طبيعي

اهم شي سالفة الطلاق والبنت شرايكم

ادري انكم متعجبين من كلامي وتنازلاتي لكن فيه من يضغط علي ويحاول يقنعني

وانا متردةة مرة اقول ايه ومرة اقول لا
__________________
اللهم لك الحمد والشكر
"ولئن شكرتم لأزيدنكم"

التعديل الأخير تم بواسطة شوبارد ; 23-06-2006 الساعة 04:06 AM
قديم 23-06-2006, 12:05 PM
  #4
مشكلتي اصدق
قلب المنتدى النابض
 الصورة الرمزية مشكلتي اصدق
تاريخ التسجيل: Jan 2006
المشاركات: 3,893
مشكلتي اصدق غير متصل  
شوبارد حاولي تصلين الاستخاره قبل لا تنامين وحاولي ان ما احد يكون حولك على شان تكونين مركزه مع نفسك ولا يتشتت انتباهك او احد يجي يضايقك بكلمه او يفرحك بها وتحسبين الشعور الحاصل انه من الاستخاره

وركزي واستوعبي انك بين ايدي الله
ان ارتحتي فبتحسين انك مو شايله هم وممكن يصير فيك مثلي انا جاني ضحك غريييييييييييييييييب ما انساه الين اموت
وكررت الصلاه ثاني يوم وبرضو جاني ضحك غريب بالمره وانا فسرته انه راحه

اختي لما تقدم لها اخر واحد حست بإنقباض وكأن فيه مصيبه بتحصل فأنتي ما عليك من اهلك ولا من ضغوطهم
وادخلي عليهم من باب الاستخاره
فهميهم انك استشرتي الله بعظمته في شأن هذا الرجل وجاتك الاجابه انك .......
ومعليش بيزعلون شوي وبيهدون بعدين
وان شدوا عليك فلحبهم فيك وحرصهم عليك

انا قريت انك صليتيها كذا مره ولسا متردده
حاولي تصلينها بالطريقه اللي قلت لك عليها وحتحسين بشعورك الحقيقي
__________________
[/IMG]
قديم 23-06-2006, 01:41 PM
  #5
الكبير
من كبار شخصيات المنتدى
تاريخ التسجيل: Nov 2003
المشاركات: 2,573
الكبير غير متصل  
اختى شوبارد

طالما البنت توها صغيره وامها متزوجة خلاص ماعندك مشكله من البنت

وإن شاء الله يحنن الله قلبك عليها وتكون عوضا عن أمها ولك أجر ذلك

إن شاء الله ، ولا راح تكون بإذن الله أغلى من الأولاد الثانين أبد عند الزوج

إذا انت عوضتيها وحس الزوج بحبك لها ،

نبقى في الرجل الذى لم ينجح في حياته الزوجية مؤكد أن هناك أسباب ولكن

ماهي ؟ هل السبب بزوجته وطبعها ام بالزوج وعيوبه ؟

حتى انتى اختى لم توضحي هل هو الذى رغب الطلاق ام هي ؟

لأن ذلك تقريبا يوضح أمور تساعد على الرأي

نصيحتى لك ان تطلبى من اخوك ان يذهب لزوج حرمته الأوله ويطلب منه يسأل

الزوجه ويطلب منها ان تصدق مع الله عن سبب الطلاق وبعدها يمكن تتضح لك

أمور على أساسها تاخذين قرارك صح

الله يكتب لك اللي فيه الخير ويسعدك وكل الاخوات
قديم 23-06-2006, 01:56 PM
  #6
0555
موقوف
المشاركات: n/a
 



عليك بالدعاء دوما وسؤال من يعرف الخيرية أين تكون



ثانيا



مممكن خطبة وتتعرفي عليه عن قرب



ثالثا



الزواج مافيه مجاملة في الأهل


هادي عيشة يابنت الناس



رابعا



مافيه مشكلة للمطلق


بل ما ألمسه في الحياة أن الشاب المطلق يحب زوجته التانيه جدا


عشان حس بمرارة الطلاق وفقد الزوجة بعد أن وجد بعد حلاوتها


كمان يخاف أن يكون فاشل في الحياة الزوجية


ويخشى ايضاً تساؤلات المجتمع واتهاماته


والبنت احتسبي الأجر من الله فيها


إذا جاتك في بيتك ممكن تمارسي طقوس الحب والحرية إلى حد كبير


كمان


اتوقع الأب إذا تزوج يفضل حد يأخذ بنته أو آخرين بيعرضوا هالشي


كأهل أم البنت



احتسبي الأجر فيها وربي بيوفقك



لا تفترضي أوهام تتعبي دون فائدة


الواحد مكفيه المصائب اللي طالعه ليس ينبش في مصائب أخرى



ربي يوفقك ويسعدك
قديم 23-06-2006, 04:56 AM
  #7
وجه الحقيقة
عضو مميز ومثالي
تاريخ التسجيل: Feb 2006
المشاركات: 622
وجه الحقيقة غير متصل  





انا بصراحة اقولك لا توافقين الا اذا عرفتي سبب الطلاق



اولا ثم بعد ذلك لا تستعجلين.

.

التعديل الأخير تم بواسطة وجه الخير ; 04-07-2006 الساعة 05:38 AM
قديم 23-06-2006, 05:36 AM
  #8
الكبير
من كبار شخصيات المنتدى
تاريخ التسجيل: Nov 2003
المشاركات: 2,573
الكبير غير متصل  
اختى شوبارد

اسمعي من اخوك الكبير

الموضوع له اتجاهين رجل مجهول الطلاق ، وبنته

اولا البنت :

اذا انتى متأكده انك ماراح تغارين من غلاها عنده واذا انتى على استعداد

ماتقولى لها ولا شي حتى لو غلطت يعنى لاتهاوشيها ولا تقولى لها شي

وراح تصبرين على هالوضع نقول ماشي 0

إذا وافقتى على النقطة الأولى نجي للرجل انا رأيي وافقي واطلبي مهله

للتفكير ، ومسأله أنكم ماتسألون ليه طلق هذا تهور صراحه وش عرفكم

بالخوافي ؟؟ لاتتهورين بلا ضغوط بلا غيره

خلى اخوك الكبير يسأل عنه مو انا 00 اخوك اللي من امك وابوك على راي أخوي

كاتم الآهات خليه يجيب خبر الرجال 0

وانت شوفي صديقه تجيب الخبر من زوجته او قرايبها بطريقتها 0

لاتتهورين ولايهمك ضغوط وخرابيط هذى حياتك وانت اللي تقررين يمكن لاعرفتوا

الخفايا قلتوا الحمد لله ما تورطنا اصبروا وش معجلكم لايضغط عليكم ويقول مستعجل

ويربككم تراها من عادات بعض الرجال اللي وراهم شي ، اللي واثق من نفسه يصبر

هذا رايي وانت ادرى اختى

اسأل الله العالم بالخفايا ان كان فيه خير لك ان يتمم لك بخير وإن كانه شر ان يصرفه

عنك وعن طريقك ولك تقديري
قديم 23-06-2006, 06:33 AM
  #9
شوبارد
كبار شخصيات المنتدى
 الصورة الرمزية شوبارد
تاريخ التسجيل: Jan 2006
المشاركات: 5,397
شوبارد غير متصل  
اقتباس:
المشاركة الأصلية كتبت بواسطة الكبير
اذا انتى متأكده انك ماراح تغارين من غلاها عنده واذا انتى على استعداد

ماتقولى لها ولا شي حتى لو غلطت يعنى لاتهاوشيها ولا تقولى لها شي

وراح تصبرين على هالوضع نقول ماشي 0
أخوي الكبير مافهمت قصدك زين!! طيب بنته عادي يعني لو يجون اطفال ثانين بتصير هي الاغلى؟

وبعدين هي صغيرة الحين يعني بتصير على هواي وعادي اهاوشها واقولها اي شي لأني راح اكون بمثابة امها

اخوي انت رجل وتعرف تفكير الرجال انا مافهمت سالفة الغيرة زين وضحي لي اذا ممكن؟

الاعتراف بالحق فضيلة انا وانا ماتزوجت أحس اني غيارة درجة اولى!!

وسالفة السؤال والله معك حق وهذا سبب الطقاق مع اهلي ومع ذلك راح أصر عليهم..

الله يجزاك خير اخوي ولايحرمنا من ارائك السديدة
__________________
اللهم لك الحمد والشكر
"ولئن شكرتم لأزيدنكم"
قديم 23-06-2006, 11:52 AM
  #10
مشكلتي اصدق
قلب المنتدى النابض
 الصورة الرمزية مشكلتي اصدق
تاريخ التسجيل: Jan 2006
المشاركات: 3,893
مشكلتي اصدق غير متصل  
شوبارد
ولا تحتارين ولا شي
ولا تسألين ولا شي
ولا تنحرق اعصابك وتعصبين ولا شي
استخيري
ان ارتحتي فاعلمي انه كويس واذا الثانيه الله يستر عليه
__________________
[/IMG]
موضوع مغلق

مواقع النشر


ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 07:29 PM.


images