هذي اول مشاركه لي واتمنى انكم ماتطنشوني
مشكلتي اني اغلي صديقتي غلا زايد عن حده احس انه افقدني كرامتي
حبيتها من يوم كنا بثاني ثانوي وهي نفس الشي
والحين انا وهي متخرجات لنا 7 سنوات
يعني عشرة 11 سنه
وكنت اظن حبي لها ايام مراهقهاو نزوة لكن استمريت احبها الى الان مع اني ماشفت منها الا الجفاء للاسف
يعني هي ظلت تحبني ومهتمه فيني الى زواجها
بعد الزواج تغيرت انا اللي اتصل عليها بالتليفون
وهي ماتتصل بحجة انها ماتحب تتكلم بالتلفون
وازيارات زارتني بعد زواجي مرتين وانا بعد زواجها زرتها مرتين ايضا
واذا عاتبتها وقلت لها ليش ماتتصلين ماتشتاقين لي قالت انتي تدرين اني احبك بس مااحب استخدم الهاتف
المهم الحين انا توني والده وطالعه من النفاس كلمتني اول ماولدت فقط وقالت ابزورك اذا رحتي لبيتك
والحين انا ببيتي لي 20 يوم
ولا جت وارسلت لها رساله بالجوال ماردت واتصلت فيها 3 مرات ماردت
وبعدها انقهرت وارسلت لها رسالة كتبت فيها ليه ماتردين لكن انا الغبيه اللي الاحق وحده ماتبيني وعقبها ماردت ولا انا اتصلت
وش رايكم اقطع علاقتي فيها نهائيا
بس مااقدر لاني احبها واتحلم فيها كل ليله
اعطوني حل الله يجزاكم خير 000

اولا اهلا بيكي بينا

ثانيا ليش احس حبك بزياده لها

اكيد هيا حست ..بيني وبينك الواحد مايشتهي احد يلاحقه ...يحب ايكون على راحته

وانتو خلاص اتزوجتوووووووو يعني صارت عندكم بت وزوج ومسؤوليات ...اكيد مو مثل ماكنتو قبل الزواج وايام الدراسه .


بصراحه ولا تزعلين صديقتك معاها حق تبتعد اشوي ...يمكن حتى اشك ان زوجها لاحظ هالتعلق الزايد ومو بعيد اهو الي قالها تبتعد اشوي

باقولك ليش شكيت انو يمكن من زوجها

انا كانت عندي صديقه ودايما معاها بالجامعه وبعد الجامعه تتصل عليا ونتكلم ونسولف ...حتى زوجي ايقوللي ولا مخطوبين ماتخللص سوالفكم ..انتو مع بعض بالجامعه وبرضو بعدها !!!
ولاحظت عليه انه مو مرتاح


وبعد هالسالفه بديت اخف من ناحيتي ....يعني احيانا المسكينه تتصل بس انا يااكون مشغوله ولا ارد عليها (يعني مو مثل اول حتى لو اغسل الصحون ارد عليها ) ...او ارفع واقول الها انا مشغوله دحين اكلمك بعدين

واشوي اشوي خفت الاتصالات كثيييييييييير .


طولت عليكي

بس حبيت اقولك لاتكونونين مره مندفعه لها هاذي مو زوجك يتحملك بهالطريقه ..هوا حتى الزوج يزهق ان الوحده لاحقته بهالشكل

خلليها على راحتها

ان انتي ماسويتي شي يزعلها راح ترد بيوم لمن اتكون هيا حابه اترد


بس انتي الله يهديكي شنهو اتحبينها بجنون وتتحلمين فيها !!! عاد ماتوصل لهالدرجه
!!!!!!!!!!

__________________
عمـــيت عينا لاتجعلك عليـــها رقيبا

حبيبتي ام الزين كله

والله كانك تتكلمين عني

انا كذا بنت خالتي وصديقتي من يوم كنا صغار

وتزوجت قبلها ومانسيتها بالعكس اهتميت فيها اكثر

وبعدي بسنه تزوجت هي ونستني

ونفس العذر انها ماتحب تكلم في التلفون

مع اني لاحظت انها تكلم اللي تبي وبس

انصدمت صدمه منها لدرجه اني بديت اكرهها

ايش اللي يخلي الناس تتغير؟؟؟؟؟

حبيبتي لاتهمك والله ان كرامتك ابدا

وطنشيها وراح تشوفين كيف ان الايام راح ترجعها

والله اني حااااااااااااسه فيك بس جربي واذا قابلتيها خليك باردة معاها

وراح تشوفين

على فكرة انا دايم على بالي بيت الشعر هذا وانشاء الله يعجبك

لآخآب ظنك بالرفيق الموآلي.....................مالك مشاريه على باقي الناس

اختي الكريمة ، لا تتسرعي بقطع العلاقة ، الامر لا يستدعي كل ذلك ، لا بد انها مشغولة ولها عذرها ، ولاحظي ان علاقة الصديقات العازبات تختلف تماما عن الصديقات المتزوجات ، كذلك هناك ظروف تحكم الامر يمكن انتِ متفرغة اكثر منها ، لا تعلمين ما هي ظروفها سواء من ناحية طبع زوجها او وقت فراغها ، هي قامت بالواجب وقدمت التهنئة لك .

لا تتوقعي ان تكون صديقتك نسخة طبق الاصل عنك ، والصداقة تعني ان نتقبل صديقاتنا بكل الظروف .

اخت نرجس
انا مني لزقه مثل منتي فاكرة وبعدين انا يوم اقول اني لتحلم فيها دائما ماابالغ لاني فعلا دايم اتحلم فيها وفكرت اسال مفسر احلام عن هالشي
وبعدين واذا تزوجنا يعني خلاص الوحده اذا تزوجت ما يكون لها صديقات يمكن انتي لك وجهة نظر ان الوحده خلاص اذا تزوجت ماتبي صديقاتها يمكن انتي كذا
وبعدين ردك علي قاسي تقدرين تردين علي باسلوب الطف شوي مو دفاشه لاني حساسه وش قصدك يوم تقولين بعذرها تبعد عنك ؟؟
ويكون بعلمك ترى انا مااتصل فيها الا مرة بالشهر ا!!

------------------------------------------------
البتول
مشكورة على الرد واتوقع لو اني مااتصلت فيها ماراح تتصل لو نقعد شهور وابشوف 00
---------------------------------
متغربه
ياليت اكرهها بس قلبي مو بيدي وبعدين مااظن راح اقابلها يعني وين اشوفها !!
والمشكله اني احس انها تحبني بس وش الفايده اذا كانت ماتتصل ولا تجي ولا حتى تقول تعالي 00

هلا بأم الزين كله....حبيبتي نصيحه أنصحك فيها من القلب ,,لاتقاطعيها بين كل فتره والثانيه اسألي عنها عشان الأيام اللي كانت بينكم بس انك تهينين نفسك لا...لأن الصداقه مايوقف بينها اي شي ...وأتوقع اللي تسوي كذا ماتبي صداقه ..انتي حاولي تشغلين نفسك بأي شي ومن ناحية الأحلام لأنك تفكرين فيها لا أكثر ولاأقل ....لاتتمادين بعلاقتك معها لدرجة كرامتك والله تندمين...................وادعيلي,,,

يا غاليه للصداقه حدود وصداقتكم رائعه لكن مو لدرجه انك تتحلمين فيها وتزعلين اذا ما ردت عليك
انتي لازم تعرفي انها الحين متزوجه وانتي بعد وتعرفين مسئوليات الزواج فطبيعي انها تنشغل

ماله داعي قطع العلاقه بس حطي حدود لها افضل من الاندفاع

اهلين اختي ام الزين كله
انا مثللك بالظبط وحبنا الزايد خلانا مانفكر نتغلى شوي بس الله يعين الزمن تغييييييييير
ومااحس ان احد يستاهل الوفاء والتضحيه غير"" الام"""
الله يقدرنا على برهااااااا
ودمتي بخير

كان الله في عونك اختي

انا صار لي زيك مع صديقه عمري وبالنهايه فرقتنا الدنيا

واتمنى الان اني مااشوفها ابدا

لانها ستفتح جروح في قلبي داواها الزمن

ابغا اكون قاسي معاكي شوي بالله عليكي ماانتي في بيت زوجك مرتاحه الف مليون بنت تتمنا الي انتي فيه ...
لمتل الشذوذ هاذا يااختي انا اقول صديقه مافيه مشكله لاكن حب وايام مراهقه خلاص يااختي اختشي انتي عند زوجك
لاتزعليني مني لاكن انا في هاذي الحالات اكون عصبي

__________________


عرضـــــــــــــــــي دون عرضك يارسول الله