تصدقون من اسبوع دخلت الشهر السادس لين الحين ما حسسني زوجي ولا مرة أني حامل ...

واليكم التفاصيل :

في أيام الوحام كا يتأفف مني ويوم أتم أصيح من التعب أكثر شيء يسويه أنه يسألني باستغراب .. أنتي تعبانه ؟

كل شوي قومي قفلي النور ؟
روحي المطبخ سويلي كذا ؟
حتى ونحن نتغدا سيري وتعالي ؟ على الرغم من الألم اللي احس فيه مافي فايده ؟

يوم قلت له اني حامل عادي عنده ما شفت ردة فعل مع انه اول حمل لي .

يوم قلت له انا حامل بشووو كأنه العيد عادي ما تفاجأ ولا حسيت بردة فعله .

كان ايام الوحام كل شوي يقولي تعالي نطلع ويوم اقووله تعبانه احس برجع يتأفف ..

والحين انا اقوله تعال نطلع اريد اغير جو هو يتأفف..

طبعا نسيت اقولكم اني تزوجت شهر 7 ولا تضنون ان زوجي ما يحبني بالعكس وايد يحبني بس اللي قاهرني انه مش مثل الراييل الطبيعين اللي يحسسون حريمهم انهم حوامل ..

يا خوفي يظل جذي حتى في الولادة احس ما بييبله عيال مرة ثانيه الا اذا طلب وأصر ؟؟؟؟

نسيت اقولكم اني انا وزوجي يوم حملت كانت اعمارنا 24 سنه

حبيبتي حور الاحزان تصدقين كأني اقرأ عن نفسي كل الي ذكرتيه حصل معي لدرجه كان يقول لي انا ما كنت ابي تحملين ؟؟؟؟؟؟؟؟؟
وحتى الان ما يبيني احمل لكن الله يهديهم ما انكر انه فرح بالطفل اكثر مني لكن ما يبيني احمل الرجاجيل غريبين جداااااااااااااا
وانا بعد تزوجت بشهر سبعه مش اقولك كأني اقرأ عن نفسي
عادي حبيبتي ومو مشكله وبس يشوف البيبي رح تشوفين فرحته فيه وما تنسي اننا بس نحمل نسير حساسين زياده
في رعايه الله

__________________
سبحانك اني كنت من الظالمين

وييييه عااادي ..أنا ألحين توني حامل بالطفل الرابع وجزاه الله خير عقل واااااايد عن أول وقام يسألني شنو بالضبط أحس فيه مع العلم إن نساتي نوووووم مش ترجيع ولوعة خفيفة بس أنا حملت بالأول أثناء فترة الملكة يعني بسرعة ماشاء الله ويوم قلت له بعد العرس إني حامل ضاااقت فيه الدنيا وكان طول حملي يقول أنا ماكنت أبيج تحملين وطبعا ملابسه ماكان يقتنع انه يوديهم المصبغة أنا أغسل الثياب والشمغ والغتر بيدي وأكوي بيدي وأتنسى ودرجة حرارتي 40 وصايمة برمضان والله بهذا الوصف ودخل علي ابوي بدون استئذان وسأل زوجي وين زوجتك ليش مازارت وليش ماتتصل وقاله هذه في المطبخ تغسل ويوم دخل ابوي ماخلاني أقعد ولا دقيقة ورحت المستشفى وفطروني وأبر وسونار والحمد لله ألحين ماكو أحن منه علي الله يخليه لي تدرين؟ إذا يحبج صبري عليه صبري وطلعي الزين اللي عندج واللي مايعجبج فيه نبهيه بأسلوب لطيف وكرري عليه متى ماتكرر التصرف ولاتيأسين وسامحيني طولت عليج وايد بس للعبرة

أختي

أنا زوجي بالحمل الأول و اللي أجهضت فيه ، كنت أشعر إنه لا يهتم بالطفل القادم و أشعر بالحزن

لكن بعد نزول الطفل و إجهاضي له و رؤيتي لدموع زوجي و حزنه على طفله

علمت بأن شعوري كان خاطئ

مشكورين على ردودكم

بصراحة عطيتوني أمل أنه يتغير

السلام عليكم

السبب اختي انه لا يشاركك مشاكل و تغيرات حملك و بالتالي لا يشعر زوجك بما تشعري به من مشكلات و معلوم ان الابوة بالاكتساب اي انك يجب ان تحرصي على ان تجعلي زوجك يهتم بك حتى يهتم بطفلك بعد ولادته ويشعر انه مسؤول عنك و عنه و على البيت وغيره .

لذلك انصحك :

- اشتري كتب عن الحمل و مراحله و يمكنك ايجاد الوقت المناسب لتجلسي مع زوجك و تقرءا الكتاب معا فيتعرف هو بشكل علمي عن تغيرات الحمل المختلفة و الصعوبات التي تواجهها الحامل فليعلم انك فعلا تشعرين بتعب ولا تتدللين عليه !

- احرصي على اصطحابه لك للطبيبة عند المتابعة الدورية فمن شانه ان يشعره بالمسؤولية .

- الاهم و الذي انصحك جدا به ان يرافقك زوجك وقت الولادة فهذة التجربة ثبت انها افادت زوجات كثر ممن يعانون من اهمال الازواج و عدم تحملهم للمسوؤلية فبمجرد ان يتابع عملية الولادة وي رى كيف يخرج طفله من زوجته يتبدل و يتغير كثيرا و تؤثر هذة التجربة عليه تأثير ابيجابي فعال في الشعور بزوجته و آلامها و تحمل مسؤولية طفله بعد ذلك ان شاء الله ..

تحياتي لك ..

__________________

ترى الرجال على وجهه مايعرف شي عن الحامل يحس أنها تقدر تسوي أي شي..أحسني الظن

طيب أنا عندي فكره أتفقي مع الدكتوره على أنها تبين لزوجك أنك تلزمين الراحه أو أي شي ثاني ويكون زوجك داخل معك عند الدكتوره وتقول هذا الكلام...ترى مو قصدي أي شي أوتخريب بس ودي يحن عليك..

الله يسخر لنا أزواجنا...ما في أحد مرتاح بها الحياه ماقول الا الله يهدينا ويحسن خاتمتنا

__________________
لااله الا الله

سالفة انه يروح معاي للطبيبة مستحيلة

لاني اروح الصبح وهو يكون عنده دوام ثانيا قسم متابعة الحمل نسائي بحت ممنوع دخول الرجال منعا باتا

اما سالفة يجي معاي عند الولادة هذا اللي مقررة أسووويه عشان يحس فيني شوي

مشكورة على الاقتراحات الحلوة

حبيبتي اخذي وخلي ،انه يوم حملت بالبكر اول ما اتصلت ابشره اني حامل رد علي ببرود:ادري ،ويوم ردينا البيت ثلالث مرات طرشني المطبخ حتى ابوه استحمق يقول هي توها حامل وهو روحي وتعالي

__________________