اخواني انا سبق وطرحت عليكم مشكلتي مع اهل زوجي وكيف انهم يتهموني اني احسدهم وان عيني حاره

وامس صار لي موقف معهم

او شي بعد ما اتغدينا رحت انام شوي

الا واسمع صراااااااخ ام زوجي وخواته وسمعتهم يذكرون اسمي وانا مدريت وش يقصدون بس حسيت ان الموضوع خطير

وبعدها دخل زوجي وسحبني مع شعري بقوووه

وداني الصاله عندهم وقال انتي السبب في الحادث اللي صار لولد اختي

كنتي في اخر عزيمه تطالعينه قصدهم اني (نظلته ) يعني حسدته

وجات ام زوجي ومعها قارورة موية صحيه وطلبت مني اقرا فيها اية الكرسي

وقريت فيها

وغصبوني اروح معهم المستشفى علشان انفث على ولد بنتهم

وهو صار له حادث وانكسرت رجله بسبب تهوره في القياده

وهم اتهموني اني حسدته



عيشوني في قلق وحرب نفسيه ضدي

كرهت زوجي وامه وخواته

مايمر علي يوم الا ويتهموني اني نظلت (حسدت) شي عندهم

وانا اقول اذكار الصباح والمساء يعني مو معقوله بحسدهم وانا ذاكره الله

ياناس والله اني كرهتهم وافكر اطلب الطلاق

وش رايكم ياخواني

والله ماصارت اذا على الرايحه والجايه بيتهمونك فانصحك تردين الصاع باربع اصواع وهاذي الاشكال ماينسكت لها وريهم العين الحمراء مو تمشين وراهم حتى لو يبون منك"تنفثين لهم" لاتعطينهم وجهه اذا صدق محتاجين بيقدرون ياخذون منك من دون ماتدرين... مراااااااااعاة لمشاعرك.. والادهى والامر ضرب زوجك هذا بصررررررررررراحه ماينسكت عليه ولو يوصل الامر للطلاق لاتسكتين مو رجوله انه يمد يده عليك...والله يعينك ويصبرك ويجعل ماصار في ميزان حسناتك والله يسخر لك زوجك ويهديه وياااااارب تنتهي كل مشاكلك على خييييييير ااااااااااامييييين يارب العالمين...

مااقول الا الله يصبر قلبك

من جد هذا جهل وقله فهم فيهم

بس لازم تكلمين زوجك وتوقفينهم كلهم على الحد

الله يسهل عليك ويهديهم

هايدي جزاك الله خير على هالدعوات الطيبه

والله شكلي معطيتهم وجه اكثر من اللازم

انا افكر في الطلاق بجد

همسة وفا جزاك الله خير وان شالله اوقفهم عند حدهم

والله مايستاهلون الطيبه الزايده مني

حشى وش هالعائلة ؟؟!!
المفروض مانفثتي ولا رحتي للمستشفى يحترقون هم وعيالهم...
قهرتيني...
ليه معطيتهم وجه ؟!!!

لا حول ولا قوة الا بالله..

شو هالمعامله السيئه..

مادري والله ياختي اذا كنت بدالج شو راح اسوي..

الله يعينج..

__________________

..اللهمــ ارزقني زوجـاً صالحـاً يحبني وأحبــه ويعينني على طاعتـك,, اللهـم آآمين..

كل شي الواحد ممكن يستحمله الا الضرب الضرب عندي علاااامه كافيه على الذهاب لبيت اهلي ... انصحك اختي انك تروحي بنت اهلك وعلمي ابوك او احد اخوانك السالفه وهو يتفاهم معه ولا ترجعي الا اذا بيطلعك بيت ثاني كل شي الا كرامة الانساان وبالنسبه لاهله فهذولا ناس مريضين
ورد الصاع صاعين بالنسبه لهم ما راح يحل المشكله بالعكس راح يزيدهاا

بس ان زوجك يضربك ويذلك قدامهم لااا والف لااااا روحي لبيت اهلك اليوم قبل بكره والله يساعدك يارب

__________________

الله يعينك يا عمري انا متابعه موضوع من الاول بس وصلت لضرب لا والله ماسكت وبعدين مو كل شي يصير لهم يردونه انك السبب هذا قدر ونصيب وهذولا ناس ضعفاء الايمان وانتي معطياهم وجه وطيبه زياده عن الزوم انا لو مكانك الله يستر ايش كنت بسوي ليش تجرين بعدهم وتصدقين كلامهم وتنفثين في القاروره وبعد روحتى للمستشفي يا عمري احنا في زمان الطيب فيه مايقدر يعيش .... الله يعينك ويسخر لك زوجك ويبعدك عنهم ويبعد عنك كل شر

أختي
فرج الله كربك ويسر لكي امرك
أختي
حاولي التقرب لهم بطرق منها
1- الهدية يقول الرسول صلي الله عليه وسلم ( تهادوا تحابوا )
2- حاولي ان تكوني داعية لهؤلاء المساكين
وضحي لهم ان بعض الظن اثم
حاولي ان تنمي فيهم جوانب الخير
تقربي الي اكثر امراة في اهل زوجك معروفة برجاحة العقل وحاولي توصيل مفاهيم
ديننا الصحيح التي تحث علي الأخاء والمودة
وهي بدورها ستؤثر عليهم
حاولي ان تتصحيهم بمشاهدة القنوات الفضائية
البناءة التي تسعي الي نشر الخير والحب بين المسلمين
احتسبي الأجر عند الله
وتحمليهم حتي يفيقوا من ضلالهم هذا علي يديكي باذن الله
لا تتخلي عنهم يا أختي
فهم مساكين محتاجين الي من ينقذهم من هذا الضلال
3- قد تكون الزوجة احيانا مستاثرة بمال زوجها ولا تشرك أهله فيه
قد يكون ذلك هو السبب
4- ابحثي عن سبب بغضهم لكي وحاولي معالجته
أحبيهم يا اختي في الله وسوف يبادلونك بأذن الله حبا بحب

__________________
انا منتدي عالم الأسرة و المجتمع