لا حول ولا قوة الا بالله العلي العظيم



اخيتي لا اعلم ماذا اصبح حل نحن تطورنا ام تخلفنا

مع كل الاسف نعم هاذا ما يحدث عندنا البنت ماا تتزوج اله ولد عمها المقصود به من قبيلتها او قبيله الفلانيه استغفر الله




اخيتي ابوح لكي بسر...

انا انا نفسي خطبت بنت خوالي والاهل لم يوفقوو عشان هم من قبيله وانا من قبيله ثانيه مع العلم جد القبيلتان واحده ههههههه ماذا اقول او ماذا سوف يقولون لله سبحانه ... الله المستعان..


رزقك الله الزوج الصالح الذي يقر به عينك ويعينك على امور دنياك عاجل غير اجل


بوووركتم

__________________

الله يفرجها عليج ان شاء الله يا حبيبتي.... ثقي بالله فإنه رؤوف رحيم بعباده بيده ملكوت كل شي.... ربي يزقج ان شاء الله بأحسن الأنساب والدين والخلق....اطمئني يا حبيبتي ربك ما راح يضيعك ان شاء الله وراح يهدي أهلك بس انتي ظلي ادعي لنفسك ولأهلك ان الله يهديهم ويحسن من تفكيرهم.....

__________________

هلا يااختي REMANY.
تعالي اقولك قصه واقعيه حدثت في بيتنا.

عندي اختي الكبيره تاخرت في الزواج ولم تكن مثل باقي اخواتي من ناحية ((الجمال))
وكل ماتقدم خاطب لاخواتي الاخريات كان الوالد يرفض ويقول دايما مستحيل ازوج اي وحده منهم
قبل الكبيره .

المهم اثناء دراستي في الخارج اتصلت علي الوالده وذكرتلي بانه اختك انخطبت (( والله اذكر هذاك اليوم بكل تفاصيله)) فسالت عن العريس وطلع مو من قبيلتنا وتقوم الدنيا عندي واكسر الجوال خصوصا يمكن الكثير منكم يعرفني هنا اعصب بسرررررررعه وافقد اعصابي في كثير من الاحيان.

طبعا الخاطب ايضا هو قبيلي وقبيلتنا وقبيلتهم لايقل قدر احدهما عن الاخرى باعين انفسنا على الاقل (القبيلتين).

4 شهور مااكلم اهلي ابدا ابدا...لكن السبب الوحيد اللي يخليني اكلم اخوي الصغير هو الفلوس
كنت في الغربه ومفلس ومصاريف جامعه وغيره((وكنت اقولهم دين دين....على اساس هم مو اهلي ومتبري منهم انا))

بعدها جاء عمي على البلاد اللي انا فيها وانا احترم هذا الرجل كثير كثيررررررر وترجاني بان انهي هذي القطيعه مع اهلي واني مقبل على موسم اجازه ولازم ارجع.
طبعا كلمت ابوي وامي واخوي الكبير وهم طبعا كانوا دول المواجهه في وقتها او دول الضد..والخلاف كان بيني وبينهم في وقتها.

واتفقنا بعد مااخلص الكورس الصيفي اني ازورهم بس بدون مااشوف زوج اختي هذا ..ولا يجي المجلس
طول ماانا موجود في الاجازه..(وقلت لهم بالحرف مابغى اشوف رقعة وجهه)

تمت الصفقه..وبينما انا في الكورس الصيفي..جاء نصيب اختي الثانيه..وبعدها بشهرين جاء نصيب اختي الثالثه والاخيره..والله على مااقول شهيد..بظرف 4 شهور فقط.
طبعا انا فرحت لهم وخصوصا انه العرسان من قبيلتنا وناس اعرفهم زين واعرف معدنهم.
رجعت للملكه في الاجازه وجلست شهر ونص وشفت اختي المتزوجه وكانت تبكي تبغاني اسلم على زوجها وكنت ارفض واروح على بيوت خواتي الثانيات وعلى عزايم ازواجهم وهذاك مسويله ((IGNOR( كانه مو وجود.

رجعت للدراسه هناك ورجعت للملكه باجازة نصف السنه وماشفت زوج اختي الكبيره ورجعت للدراسه وكان اخر كورس لي وبعد الكورس الصيفي رحعت رجعه نهائيه للمملكه . وكان في وقتها اختي الكبيره رزقت بطفله ...وصار اجتماع كبير في احد المجالس واذا بشخص يسلم علي وياخذني على طرف وبعدها عرفني بنفسه مع اني اعرفه او سمعت فيه من اول..صار كلام كثير كثيرررررررررر كثيررررررررر بيني وبينه
كان عذب في نقاشه وراقي في تعامله دين تبارك الله... خلق عالي..لطف ولباقه..وكان كل همه ينقذ زوجته ((اللي هي اختي)) من شي واحد اسمه القطيعه..والتفكير اللي ادى بها الى المرض احيانا..وعلى فكره فيه اخواني اكبر مني بس انا الوحيد اللي كنت معارض هذا الزواج. المهم بعدها طلعنا بسيارته ورحت على اختي هناك في بيتها ((وكانت اول مره ازورها في بيتها)) وكان هذاك يوم عظيم ودموع اختي وحتى انا مامسكت نفسي..!!! قسيت على اختي كثيررررررررررررر كثيررررررررر وعلى اهلي وعلى نفسي ...!!!

وعلشان ايش؟؟ علشان هو من قبيله ثانيه؟؟؟ التخلف والتعصب ركب راسي..!! بحيث لم ارى اشرف وانقى دم من قبيلتي...لادراستي ولا ثقافتي ولا سفراتي حاولت تزيح هذا الجهل والتخلف الذي عشعش في راسي...زعله ماكان له داعي ؟؟ والسبب الاكبر بان هذا الزوج اللي ماهو من قبيلتي افضل بمراحل من ازواج اخواتي الاثنين (وفي كلهم خير ان شاء الله) ولكن احس انه الاميز وخصوصا دينيا.

اختي الان فرحه بزواجها بعدما خيم عليها شبح العنوسه ولديها طفله صغيره..واقسم انه حتى لون بشرتها تغير...واصبح جمالها الشكلي بجمال حياتها الحاليه..اسال الله ان يديمها عليها وزوجها ويفوفقهم ان شاء الله.

انا اسف على الاطاله وسرد هذه القصه ولكن والله هذا ماحصل..وكل مااذكر تصرفي السطحي اللامسؤول
تجاه زواج اختي..اعرف مدى تفاهتي وسطحيتي وجهلي.

وكنت دايما اطرح سؤال على نفسي؟؟؟ لو لم تتزوج اختي الكبيره من هذا الشاب؟؟
النتائج هي
1- اختي الكبيره راح تعنس
2-خواتي الثانيات راح يطاردهم شبح العنوسه.

يحضرني شي ثاني له صله باالموضوع كثرت هذه الايام ان الاب يخطب لابنته؟؟ لو كنت بالعقليه السابقه
كان انتقد هذا النوع من الاباء..لكن الان بالعكس والله تغيرتي نظرتي جذريا.
وثق ايها الشاب لم يختارك هذا الاب واخذك على زوايه منفردا ليخطبك لابنته..الا لانك تستحق فلا تخيب ظنه؟؟؟؟

__________________

اخونا الفاضل الميترو..قصة احتك جميلة..الله يسعدها ويسعد اخواتك كلهم مع ازواجهم...امينن
قصة مليئة بالعبر..الله يبارك فيك

__________________

لا تنسوني من دعواتكم

أرجو أن تدعو لي بالفرج وبالزوج الصالح الذي يخاف الله فيّ

الاخ الفاضل
A b d u l l a h
للاسف حتى اصحاب العلم والدين
ومنهم مشايخ وعلماء
يتوقفون عند هذه النقطه
فلاهم مؤيديين ولامعارضين
ولكن يفضلون الصمت مع قليل من الامتعاض
الله المستعان

اختي الغاليه
ام الحسين و عمر
ماعندنا حجز ولاعندنا البنت لولد عمها
لكن لازم يكون من القبيله
الله يفرجها قريب

الاخ الفاضل
Lunar eclipse
الحمدلله الذي لايحمد على مكروه سواه

اختي الغاليه
اظلال الماضي
شكرا لمرورك الكريم

اختي الغاليه
مشمشة عمري
الله المستعان
اهلي حتى لو اقتنعوا قبيلتي مستحيل ترضى او تقتنع
المشكله القانون على البنات بس

الاخ الفاضل
قزم بس عصبي
والله الذي لااله الا هو ان قلبي يعتصر الما
من تلك العادات
الغيت اعتبارات الدين والخلق
وحلت العصبيه القبليه في المقدمه
انا وقبيلتي ومن بعدي الطوفان

اختي الغاليه
الوفية لوالديها
لاحرمك الله اجر دعواتك
الله يجزاك كل خير

__________________

ياااااااارب فرجا عاجلا من عندك
اللهم اغنني بحلالك عن حرامك ومن فضلك عمن سواك
وارزقني زوجا صالحا قرة عين لي

السلام عليكم

حبيبة قلبي انت الله يجبر بخاطرك ويعوض صبرك ياروحي



اسمعي انا مره نصحني مستشارنا ( صاحب رأي سديد) الله يذكره بالخير وين ماكان ويفتح له ابواب رحمة

وطبقت نصيحته في جميع اموري في الحياة


كانوا اهلي رافضين اني ارتبط بشخص ما


ذكر لي المستشار ( ان ابدأ بهدوء بالبحث عن افراد الحزب الموافق والحزب المعارض


ثم نطلب من الحزب الموافق بالضغط على الحزب المعارض))


يعني انا كانت امي موافقه واختي شبه موافقه

تكلمت مع امي وصارحتها بكل شي

ورحت لأختي وصارحتها وشرحت لها كل شي وفهمت وجة نظري


الي هنا انا توقفت لأني حسيت اني مااقدر او عندي لغة حوار مع البقيه من اخوتي


بدأت امي واختي بالضغط على اخواني الكبار واختي الكبييييييره


وسبحان الله مافي ايام الا البقيه كلها وافقت وقالوا مابيدنا غير صلاة الاستخاره نصلي ونستخير

واللي ربي كاتبه لك بيصير


قلت وهذا اللي انا ابغاه

وفعلا سبحان الله شوفي بعد ما اهلي موافقين وكل شي


يتصل الله يصلحه يهديه ويسامحه ابن الناس ويعتذر من الزواج



وبكذا انا وكلت امري الي الله

اهم شي اهلي ماوقفوا بطريقي



فأنت دحين

ابحثي عن حزب الموافقه وتكلمي معاهم

عن رغبتك بالزواج


وذكريهم بحديث الرسول عليه الصلاة والسلام ( من ترضون الدينه وخلقه فزوجوه)


وقولي لهم ما نترك هذا الموضوع هو اساس ارتباطي


امشوا خطوات معينه




يعني اذا تقدم شخص

اسألو عن دينه واخلاقه


ثم هل هو قبيلي مو شرط من قبيلتنا

هل هو مناسب من كل شي

نتقدم خطوه ثانيه

وهي انكم تشوفوا بعض شوفه شرعيه


لآن يمكن ماترتاحوا لبعض

يمكن مايصير في توافق

وقولي لهم نمشي بخطوات

واللي ربي كاتبه بيصير


وتكلمي معاهم كل مره وفاتحيهم في الموضوع ( الحزب الموافق) وهم بطريقتهم يقدروا يضغطوا عليهم




واخيرا عليك بالدعاء والاستغفار وقيام الليل والصدقه

واسأل الله العظيم رب العرش العظيم


ان لا يحول الحول الا وانت متزوجه في بيت زوجك سعيده ومستقره

الله يفتح لك ابواب رحمة ويسخرلك القلوب القاسيه والعبيد العاصيه

حصنتك بلا اله الا الله

__________________

لااله الا انت سبحانك اني كنت من الظالمين .. ربي اني مسني الضر وانت ارحم الراحمين .. إنا لله وإنا إليه راجعون ولاحول ولا قوة الا بالله .. يامغيث أغثني

إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا

ياكثر اثر فيني هالكلام والله قصة اختك تبكي

لكن الحمدلله اللي رزقها باخ واقعي وقلبه ابيض.. على الاقل انت اعترفت بالخطأ اللي ارتكبته في حق اختك وزوجها غيرك ينتطر لين اخر ساعه بعمره وتوه يتذكر.

الله يوفقك ياخوي انت وخواتك ويديم المحبه والرحم بينكم

يارب ارزقها الزوج الصالح والذريه الصالحة

__________________
ربنا هب لنا من أزواجنا و ذرياتنا قرة أعين واجعلنا للمتقين إماما

أرجوكم ادعو لي ..بإن ربي يجمع بيني وبين زوجي على خير

إلى زوجي ..إلى مقلتي.. إلى فؤادي...إلى بسمتي... إلى دمعتي... إلى حياتي وروحي... إلى عشيقي، حبيبي، فارسي، أميري، إلى القلب والكيان... والحب والهيام...

الـعزيـــــــــــــــز بو وداد..

أحبــــــــــــك ...

__________________

اللهم مازويت عني مما أحب فإجعله فراغا لي فيما تحب ،،

اللهم ما أعطيتني مما أحب فإجعله قوة لي فيما تحب ..

له له له !!!
الأخ ؟ والفاضل كمان ؟
مرررة كبيرة !!!

مو عشان انتِ زعلانة ما تركزي
مو أنا كمان زي حالاتك !!

بس والله ما تيجي .. رجل وقمر !؟؟