بسم الله الرحمن الرحيم
أنا عضوة جديدة في المنتدى ، حبيت أساهم بهذه الفكرة والتي تزيد من شعلة الحماس بين الزوجين ، أتمنى انها تعجبكم، على فكرة خاصة للزوجات فقط
أختي الزوجة الحبيبة هذه فكرة حلوة واتمنى انك تنفيذها وبدقة علشان تطلعي بالنتائج المذهلة.
جهزي الحمام ، ويستحسن ان يتم تنفيذها في وقت الصيف ،املئي البانيو بالماء البارد ، وخلي بالونات حمراء في الماء وفي كل بالونة ورقة مكتوب عليها أي عبارة مثل أحبك...مشتاقة لك .... أنت عمري ...الخ من كلمات الحب والغزل ، وضعي بالونة حمراء في المغسلة وفيها ورقة مكتوب عليها مفتاح الباب موجود في المكان الفلاني وحددي المكان ، وبالونة أخرى فيها ورقة مكتوب فيها عذرا حبيبي ما خليتلك ملابس أخرج من الحمام بالفوطة وانثري بعض الورود الحمراء على الماء في البانيو ،واشعلي مجموعة من الشموع الحمراء ،واغلقي اللمبة أو الإضاءة اللي في الحمام ،ولزقي ورقة على باب الحمام من الداخل ومكتوب فيها : يا بعد عمري هناك مجموعة من الخطوات لازم تسويها .
أولا: فرقع كل البالونات ما عدا البالونتين اللي في المغسلة ، فرقعهن آخر شيء.
ثانيا: أسبح زين ما زين.
وطبعا أنتي بتكوني مجهزة أدوات الاستحمام كلها.
الحين تبدأ الخطوة التالية يوم يرجع زوجك من السهرة ، روحي بسرعة وخذيه بالأحضان ، وبدهاء منك قولي له يع ريحتك وايد خايسة أحسن لك تروح تسبح، وخذيه من ايده ودخليه الحمام ، واقفلي عليه الباب من الخارج ، طبعا هو راح ينصدم بالحركة اللي سويتها لكن بمجرد ما يشوف الحمام والأشياء اللي فيه وكل شي فيه يدعو للرومانسية راح يسكت وما بيقول شي بل بالعكس بيطير من الفرح لما بيقرأ الورقة اللي على الباب ، ولما بيفرقع البالونات وبيقرأ الكلمات اللي بتجننه. المهم أنتي في هذه اللحظة جهزي نفسك وحطي بعض أدوات الزينة كالكحل وأحمر الشفاه ولا تنسي العطر الجذاب ، ويا حبذا لو تجهزي شي من العصائر الباردة ، والبسي الروب مالك واجلسي مرتاحة البال على السرير ، يوم بيطلع من الحمام ، قومي واعطيه العصير البارد، وصدقيني ما بصدق على الله متى يخلص شرب العصير ، وممكن أنه ما يخلصه أو ما يشربه أصلا، وسوف يأتي اليك على احر من الجمر ، والله يسعدكم ويغمركم بالسعادة والفرح ،ولا تنسوا تدعولي لان زواجي بعد شهرين تقريبا، وآسفة على الإطالة.

__________________
[fl=سبحان الله وبحمده ... عدد خلقه ... ورضى نفسه ... وزنة عرشه]WIDTH=400 HEIGHT=350[/fl]

فكرة حلوووووووووة موووووووت ..... تسلمي...

أخت أم فارس العتيبي...

ليش هالهجوم علينا .... الله يسامحك ... والله في رجال أكثر رومانسية من زوجاتهم ...

مرحبا


(((وبدهاء منك قولي له يع ريحتك وايد خايسة أحسن لك تروح تسبح، وخذيه من ايده ودخليه الحمام ))))



طيب فرضا فرضا ماعجبه هالكلام وحس بالإهانة في هذي الحالة كيف ترقعها الحرمة


مشكورة على هالفكرة الرائعة

تحياتي

همسة

الفكرة تهبل

ياريت الازواج يسوها لزوجاتهم

بس المشكلة لو ان الزوج مايحب يتحمم ليلاً ..فقط صباحاً
بتكون مشكلة!!

ولكن انا حورت مثل هالافكار
وخليتها .. في السيارة!

يعني قبل لايركب سيارته الصبح انا الليل
اسوي له فيها مفاجأة واسوي البالونات
واكتب واخلي الهدية !

الحركات ماتخلص .. بس ليش دوم نحن يالحريم نسويها في رجالنا
وهم مايسووووووون لنا!!

ليش الرجال الرومنسي هو فقط يتذوق الرومانسية والا يمارسها من خلال الاخذ والعطا!!

تحياتي للجميع ولج ياعزيزتي

فعلا كلام الاخت (هيام الروح ) وتساؤلها في محله : ليش الرجال يكتفون بتذوق الرومانسية دون ان يبتكروا الاساليب ؟!!
سؤال وجيه ولعل الرجال يشرحون لنا لماذا .

أفكار روعة


سؤال هل هذا مجرب أم ناتج عن خيال واسع ؟؟؟؟؟؟؟؟؟؟؟؟؟




وشكراْ .............زوج في الغربة ( غواتيمالا)

ام لقاء
فكره حلوه مشكوره
ولاتحرمينا من هالافكار
والله يوفقك0

__________________

ما مجرب بس أتمنى أن كل الزوجات يجربونها وبيشوفوا النتائج بانفسهم

فكرة حلوة بس متعبة...