السلام عليكم ..........كل سنه وانتم طيبين ورمضان كريم.........انا عندي استفسار انا ولله الحمد حامل في اخر اسبوع من الشهر السادس ..وزوجي ولله الحمد ناوي ياخذ عمره بكره وانا اصريت اني اروح معهلان عمري ما اخذت عمره برمضان وفرصه جت لعندي واقنعته سؤالي هل في خطوره علي او على الجنين ياليت تقولون لي عن تجاربكم او نصائحكم لان حتى لو اقول استنى ا السنه الجايه ايش يضمني اني اعيش للسنه الجايه ياليت تردو علي

توكلي على الله و روحي..أنا زيك في الشهر السادس واخذت عمرة قبل رمضان ..مررررة حلوة..طفت على رجلي..و سعيت بعربية ((ما قدرت أتحمل ولدي عمره سنة أخذته معي وتعبني ))..أهم شيء أختاري وقت مناسب..أنا أقترح عليك بعد صلاة التراويح تخف الزحمة و يكونوا المصلين خرجوا ما بقيوا غير المعتمرين..و تكوني فاطرة و الجو لطيف في الليل...و يمديك بعد العمرة تتسحري و ترتاحي..لا تنسي لمن تعتمري تقولي شرط العمرة " و إن حبسني عنها حابس فمحلي حيث حبستني " عشان لو تعبتي أو ما ربنا أراد تكملي ..تقدري تحللي من العمرة ..

__________________
أدعوا لي ربنا ينور لي دروبي..و ييسر لي أموري..و يفرج لي همومي..و يبارك و يوسع لي في رزقي..

مافي داعي اختي

الحرم هذي السنه مره مزحوم يعني مو زي رمضان اللي فات او اللي قبله

ولا تنسي انه اللي في بطنك امانه في رقبتك لو حصل شي انتي المسئول الاول والاخير

الله اعلم بالنيات وربنا عارف نيتك الطيبه فاجليها لما بعد الولاده او رمضان القادم اذا كان مكتوبلك تعتمري...

وبالنسبه للاخت اللي اعتمرت قبل رمضان الوضع جدا مختلف فيه فرق بين شعبان ورمضان...

__________________

لا اختي انا ضد انك تاخذي عمره
اجرك بنفسك وباللي ببطنك والحرم مرره زحمه يعني اكيد بيصير فيه مضايقه لك وان شاءالله ان ربي بيكتب لك الاجر على النيه بس نصيحه لاتروحين وتندمين بعدين
انا مثلك الحين حامل بالسادس ومع الحركه برمضان تعبت مررره ورحت للدكتوره قالت لي لاترهقين نفسك بالشغل وانا والله شغلي مو كثير بس الحامل تتاثر باي حركه فماباللك بالعمره والزحمه!!!!

__________________

اللهم اجعل اخر كلامي في الدنيا لا اله الا الله محمد رسول الله

اقول خوذيها وتوكلي على الله اعرف جارتنا حجه حجه وهي حامل وكلت امرها لله

الوضع أكيد مختلف..

لكن ما نصحتها إلا عن تجربة (دائما أخذ عمرة في رمضان و ألمس الواقع عن قرب)..ولو نبغ نقول الحرم زحمة ما راح نأخذ أبدا عمره و لا حتى نحج..الحرم دائما عامر..ما راح يفضى من الزوار و المعتمرين و المصلين..الواحد يتوكل على الله ..و ربنا يسهلها له..

وعلى قولها ما حد مهو ضامن السنة الجاية ..أيش ظروفه..ممكن تحمل مرة ثانية

الله يكتب لك اللي فيه الخير و يوفقك و ييسر لك أمرك..

__________________
أدعوا لي ربنا ينور لي دروبي..و ييسر لي أموري..و يفرج لي همومي..و يبارك و يوسع لي في رزقي..

والله لو انا مكانك ما اعتمر هالفتره
هو الواحد يخاف يصير له شي بعدين يندم
والحرم زحمه وموت وكل الناس تدف في بعض
اجليها بعد الولاده عشان تعتمرين بكل يسر وسهوله وراحة بال

__________________
[IMG][/IMG]
اللهم اني استودعتك مافي رحمي انت الذي لاتضيع ودائعك فأحفظه وثبته واتمم حملي على خير

انا اشوف هل عندك اي مشاكل في الحمل اذا معندك اي مشكله روحي وتوكلي على الله وهو المعين لكن في فترة مابعد التراويح لكن قد فطرتي والليل بارد ومعاك وقت ترتاحي قبل ماتصومي تاني

لا انصحك فخلال رمضان يكون زحمه
بنت خالى اعتمرت باوقات اخرى من السنه مرتين واجهضت بالمرتين
اول مره كانت ببدايه حملها
والمره الثانيه كانت شاكه بحملها وفعلا طلعت حامل واجهضت

فيه فرق لما تكون حامل او مو حامل...
لما تكون مو حامل وقتها نقول ايوا روحي والله يسهلك لكن وهي حامل وبهذي الايام بالذات فانا اعتبره صراحه مجازفه مالها داعي..

__________________