الله مايخليك وبيرزقك مادامت نيتك صالحة وتريد اعفاف نفسك وانتظر الفرج من الله

بس لو تخلي زواجك مختصر على العائلتين أفضل بلاش قاعة وطقاقات وتبذير وتعري من الحريم الله يعينك

هناوي
الله يكون بعون الجميع ان شاء الله

صبا نجد
الله يسمع منك
اتمنى يكون كذا ويكون الكل مقتنع ومقدر

__________________

اللهم اني أردت البائه والعفاف فاغنني بحلالك
اللهم يسر امور زواجي واتمه على خير
واكتب لي الخير والسعاده وارضى عني

أخوي هون على نفسك
والله أخوي بس قرر يتزوج ما مكان معه كل التكالفي
وما كنا عارفين كيف بدنا نسوي
بس أخلص نيتك للهه وإنك بدك تتزوج للستر والعفاف
وربنا يرزقك ويهون عليك
ورح تتيسر أمورك بإذن الله

حزينة جدا الله يسعدك

موكلين امرنا لله



انا ما أخرني عن الزواج لين صرت على مشارف الثلاثين الا التكاليف الزايده

محد يرحم الشاب التقاليد والمجتمع كلها تفرض عليك اشياء انت في غنى عنها

تخيلوا لو كان الزواج ابسط من كذا كان كثير من الشباب تزوجوا وخففوا من العنوسه الي قضت على آمال البنات



الحين الكل يقول نعين ونعاون واي شي حنا حاضرين وفي الخدمة واذا جا وقت الجد ماشفت احد

انا ضد الاعتماد على الغير خاصه في هذا الموضوع الاجمل ان الشاب يتزوج من كده وتعبه لكن المحبط
انه يشوف تعبه يروح هدر في اشياء اقرب شكليه لاتقدم ولا تؤخر

نسمع كثير يقولون حنا نشتري الرجال وماهان تبارك ومن هالكلام ولا جات ساعة الجد شفت غير

كل هذا يعتبر هين ؟

لاجيت مخصص مبلغ راح تجلس خمس سنوات تسدد فيه يعني اجمل سنين عمرك مديون تطلع عليك مصاريف ماتدري عنها

واذا دروا اخوانك ان عندك مبلغ الله يعينك ياجماعه هذا مو لي هذا حق الزواج يارجال ماعليك حنا نعين ونعاون ولسى زواجك بدري عليه

هذا متورط في ايجار البيت ولازمه اربع الآف شهرين وارجعهم لك

والثاني عنده اقساط سياره متأخره فزعتك وانا اخوك تراك ماخذ قرض ولا جاء زواجك ماراح نقصر معك

والثالث وده يسجل في كلية اهليه وناقصه فلوس ولايهون القرض

وانت يالعريس لازمك اشياء واشياء

يبي لك عيادة اسنان عشان تصلح ما افسده الدهر مايصير فشله عند بنت الناس

ويلزمك نادي صحي عشان اللياقه والنظافه تراك مغبر من سنين

واكيد فواتير التلفون عشان سواليف آخر الليل مع الخطيبه

و و و و .. الخ

على طاري الخطيبه مالقاها الا الخطيبات فترة الملكه سوالف ودلع واحلام وردية مالهن هم الا الانتظار
الغريب انه كيف هن ينحفن من الهم اصلا ليش مهمومات

اها صحيح عندهم هم الحوسه في الاسواق واختيار الملابس والعطورات والكريمات

اما حنا همنا كيف تلقى شقه بسعر مناسب وكيف تحصل استراحه للزواج وكيف تلقى اثاث ومصاريف حفل الزفاف
وكيف تبقي مبلغ لشهر العسل وكيف وكيف وكيف


والله مانبي شي يخرب فرحتنا بايام الخطوبه بس الحلو مايكمل لازم شي يوشوش لك دماغك




الظاهر انا نسيت نفسي وقمت اهذر

هذي مجرد فضفضه للتنفيس وارجوا الا تاخذ مأخذ الجد في بعض نقاطها

وسامحونا

__________________

اللهم اني أردت البائه والعفاف فاغنني بحلالك
اللهم يسر امور زواجي واتمه على خير
واكتب لي الخير والسعاده وارضى عني

الله يعينك ..

ايه أحسن لك تفضفض عشان لاجا آخر الليل ولاك مرتاح ومروق مع خطيبتك ..
نصيحة استمتعوا بهالفترة قد ماتقدرون وعيشوا هالليالي بالطول والعرض ولاتخلون في نفسكم شي أبد ..!
ترى والله بعدين تتمنون يوم واحد من هالأيام بس مافيه أمل ترجع ..
خلوها أحسن فترة في حياتكم ولاتزعلون بعض أبدا ( إلا الزعل الي لزوم الدلع مسموح به لها )

الله يسعدكم ويهنيكم ويبارك لكم ..

بارك الله لك وبارك عليك وجمع بينكما في خير .... ويسر الله أمر زواجك وجعله مباركا ... غدا عندما ترى عروسك في ليلة زفافك ستنسى كل ذلك التعب وتشعر بمعنى أن الزواج سكينة ورحمة وحب ومودة ... فقط أخي إجعلها تحبك وبعدها تفاهم معها على أمر الزواج وتخفيفه صدقني إن أحبتك ستتنازل عن أمور كثيرة إرضاءا لخاطرك ... يسر الله أمرك

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

جنة الدنيا

ربي يسعدك ويخلي ايامك كلها جنه

انا احاول بقدر المستطاع في هذه الفتره عدم استنزاف المشاعر والعواطف الا بعد ماتكون زوجتي في بيتي
يعني ابيها تسمع شي جديد مباشر تتفاجئ فيه ولو انه الآن في فترة الملكه بدأت تظهر بعض الكلمات
عفويا لكن المهم يبقى شي أجمل يكون في وقته
احاول اقلل من المكالمات بحيث ماتكون بشكل يومي وفي وقت محدد ويكون النصيب الاكبر من النقاش
في امور التخطيط ليوم الزواج ولما بعد الزواج ولامانع من الضرب على الوتر الحساس للأنثى بكلمتين حلوين
تكون مناسبه لهالفتره ..

هي تقريبا شهرين ان شاء الله تتم الامور بخير

سرني ردك الجميل اختي الكريمه قبل خروجي للعمل

صباح التفائل

__________________

اللهم اني أردت البائه والعفاف فاغنني بحلالك
اللهم يسر امور زواجي واتمه على خير
واكتب لي الخير والسعاده وارضى عني

بنت طيبه الطيبه


جزاك الله خير وان شاء الله بتتنازل عن امور كثيره

مع ان البنت بحكم انها صغيره مندفعه ومتحمسه للامور الشكليه الا انني ساحاول ان اجعلها (تكبر)
عن هذه الامور باسلوب مقنع والحمد لله ارى انها تتاثر بما اقول بشكل واضح


يعطيك العافيه

__________________

اللهم اني أردت البائه والعفاف فاغنني بحلالك
اللهم يسر امور زواجي واتمه على خير
واكتب لي الخير والسعاده وارضى عني

الله يوفقكم ويسر لكم الخير


ولا تنسى الوصايا وقراه سوره الواقعه


وهونها وتهون


الدنيا كذا لابد فيها من الهم والتفكير الكثير


والاهم ان يكون فيها شي جميل يبعد عن الانسان

كل المتاعب وينسيه كل هم




الله يسر اموركم ويتتمها على خير ياحي ياقيوم

__________________

اخوي عزوبي.. أولاً احب اقول لك حاجة؛ وهي ان كثرة التفكير والقلق تزيد الوضع سوء وانت مفروض تهتم بصحتك النفسية والجسدية قبل دخول حياتك الجديدة... الحياة الزوجية.
ثانياً، ما له داعي تسوي حفل زفاف، الناس الحين تحضروا وتعلموا وفهموا، كثير أعرفهم اكتفوا بعشاء عائلي في البيت وبعدها سافروا لشهر العسل. حتى عيال الأغنيا يسوون كذا لأن الناس خلاص شافوا خير الحين وهالحركات قديمة وما تصدر إلا من ناس حديثين نعمة فلا تسوي مثلهم.
والله الفلوس هذي توفرها للسفر وتأثيث الشقة أحسن لك وأحسن لها هي بعد لأنك اذا بديت حياتك الزوجية بديون بتتوتر علاقتك فيها أكيد وممكن تصير خلافات لاحقاً.
والأثاث مو ضروري يكون غالي، فيه محلات أثاث راقية وبأسعار حلوة مثل إيكيا وهوم بلازا.
وبالنسبة للهدايا، ما له داعي الذهب، الحين سعره مرتفع وغالي مرة وبعدين الذهب حق اول، اخذ لها ساعة ماركة كشخة ومعاها عطر وخلاص. وفي فترة الملكة المفروض تكون هدية واحدة والباقي تجيب لها باقة ورد أو شوكولاته كل ما زرتها.... من جد ما له داعي الإسراف.