السلام عليكم و رحمة الله و بركاته

أخواني و أخواتي

أحلم بأمرين :

1 - ان اتبنى أنا و زوجي يتيم أو يتيمة ، ليس الآن لكن بعد كم سنة إن شاء الله

عندي ولد الله يخليه لنا ، فهل تنصحونا بيتيم أو يتيمة ؟؟؟؟؟؟؟؟؟؟

2 - اتمنى إني أشترك و أكون عضوة في جمعية للأطفال المعاقين عقلياً أو بطء في النمو العقلي

أحب الناس هذول و أحس إنهم بحاجة لكمية كبيرة من الحناااااااااااااااااااااان و التعاطف

و ماحد أعرفه له خبرة

لكن الفكرة في راسي من كم سنة و صارحت زوجي و بدأت الفكرة تنضج في راسي


طبعاً القرارين هذول مو ألحين بعد ما نرجع من غربتنا إن شاء الله و نستقر بعد كم سنة

لكن بداية كل مشروع ، تكون بفكرة

فهل ممكن تنصحوني و توجهوني ؟

جزاكم الله كل خير

ملاحظة / أنا موظفة فهل الأمر هذا مستحيل ؟

هل يصعب التوفيق بينهم ؟

السلام عليكم ..

الله يجزاك كل الخير يا اختي ..

انا بقول لك عن وحده من الجيران ما تنجب اطفال .. ولما ولدت اختها جابت طفل يعاني من تخلف عقلي .. وامه مريضه ولاتستطيع تربيته .. ففكرت بوضعه في ملجاء .. ولكن اختها العقيمه رفضت ذلك واخذت الولد وقامت بتربيته..

وبعد فتره اخذت ولد وبنت من دار الايتام .. وربتهم احسن تربيه والكل يدعو لها .. ولكن عندما كبروا قليلا .. تقول بدات المشاكل .. واتفق الولدان على البنت .. والام الان كبيره في السن وتقول لااقدر عليهم خصوصا ابن اختها لاعاقته العقليه ..

اما في حالتك .. اذا رغبت في اخذ بنت .. هل انتي قادره على تحمل مشاكل الولد على البنت .. لان الولد غالبا ما يكون اقوى من البنت .. وقادر على ايذائها ..

هذا الشي انتي تقدرين تحددينه .. والله يوفقك ويجزاك خير

الصراحة أنا فكرت في إني أتبنى ولد ..

أولاً لإن البنت أحسها بتكون مسؤولية صعبة جدا و إذا بنتك تشيلي همها للممات فكيف في بنت مسؤوليتها أكبر من كذا ؟

و لحد ما أفكر بالتبني إن شاء الله يكون ولدي عمره في سن المدرسة و اكون جبت غيره بإذن الله



أما جمعية المعاقين عقلياً فما أعرف الطريقة ؟ و هل من الممكن إني أقدم لهم شئ ؟؟؟؟؟؟؟؟؟

احبهم و أحس إني أقدر أفهمهم و أحس عندهم حاجة كبييييييييييييييييييييرة للحنان

اتمنى أقدر أقدم لهم شئ ياليت أحد يساعدني في طريق الخير

انا ما ادري انتي من اي منطقه .. عشان اقدر افدك بجمعيات الاطفال المعاقين ..

او اعطيك رقم جمعيه وتكفلين يتيم بس يكون عندهم وما تاخذينه ... ويرسلون لك تقرير عنه بشكل دوري . .. ويرسلون لك صورته ..

بس ممكن سؤال .. انتي قلتي راح تولدين ولد ثاني .. معناته انتي مو عقيمه .. طيب ليش تبغين تتبنين طفل .. لاني ما فهمت وش قصدك بالضبط؟؟

واتمنى اني اكون افدتك

لا الحمد لله و الشكر ماني عقيمة

أنا عندي ولد صغير ربي يخليه

أبغى أتكفل يتيم انا و زوجي إن شاء الله إذا حملت بعد كم سنة و جبت نونو تاني و أرضعهم سوا

علشان أجر كفالة يتيم مو علشان شئ ثاني

و أنا من السعودية أصلا

طيب اختي ممكن تروحي جمعية انسان ولها فروع كثيره .. اذا كنتي بالرياض .. فيه فرع بتقاطع التخصصي مع الملك عبدالله ..

تقدرين تكفلين يتيم .. والله يجزاك خير

تقدرين تكفلين يتيم وهو في الجمعية مثل ماقالت الاخت

__________________


اللهم اعنا على ذكرك وشكرك وحسن عبادتك

ألا كل شي ماخلا الله باطل ـ ـ ـ ـ ـ ـ ـ ـ وكل نعيم لا محالة زائل


في درب الحياة ضيَّعت نفسي ثم وجدتها في فناء الله،
وفي متاهات الطريق فقدت غايتي ثم ألفيتها في كتاب الله،
وفي زحام الموكب ضللت رحلي ثم وجدته عند رسول الله .