اهل زوجي لاحظت اني اذا رحت لبيتهم خواته يتهربون من الجلوس معي

في البدايه يجلسون بعدين ينسحبون وحده وحده لغرفهم

فكرت في الموضوع اكثر من مره لقيت اني اقيد حريتهم وكنت اطول عندهم

وحتى ام زوجي احيانا ازورها وهي كانت ناويه تروح مشوار او بتسير على جيرانها وتجلس عشاني

واشوفها متوتره ومستعجله على روحتي

اخر شي فكرت اسويه

قلت لازم اذا جيتهم

اولا ما انتظر منهم الضيافه اجيب الشاهي والقهوه وتوابعها

ثانيا ما أحسسهم اني ضيفه عادي اقولهم خذو راحتكم في المشاوير واللي عندهار شغل تقوم عادي وامسك ريموت التلفزيون واقلب لحد مايجي زوجي وهم يروحون لاشغالهم

وبكذا صاروا يجون ويتفرجون معي التلفزيون وماحسوا اني بقيد حريتهم

ثالثا ما اتأمر عليهم في الاشياء اللي احتاجها بالمطبخ لو بغيت مويه مغلي لرضاعة ولدي عادي اروح للمطبخ واسوي اللي ابي

رابعا ما اتدخل في خصوصياتهم ابدا ابدا حتى مايحسو اني جاسوس عندهم في البيت وحتى الاشياء اللي يخبونها عني ما اسألهم عنها

اذا قالوا لي خير وبركه وماقالوا بكيفهم

خامسا ما اغتاب احد نهائيا وحتى لو جابوا سيرة احد اقولهم لاتتكلمون في الناس وبكذا راح يكونو واثقين فيني ان ما انقل كلامهم لاحد

سادسا ما احاول ادق احد منهم بالحكي واذا دقوني باي كلام اسوي نفسي مو فاهمه عليهم وربي معاد يكررونها

سابعا مايكون كلامي معهم عن زوجي ايش عطاني من فلوس ووين وداني ووين تمشينا علشان ما اثير غيرتهم ويحاولون يحرضونه مايعطيني

وامه تعرفون بتقول مسكين ولدي زوجته تشفطه شفط

ثامنا اسرار اهلي ماتطلع عندهم ابدا اخلي سوالفي عامه معهم درءا للمشاكل لان اهل الزوج علاقتك معهم تكون مثل الشعر اي شي بسيط يأثر عليها

تاسعا ما اخلي ام زوجي تسوي عشا او غدا بدون ما اساعدها علشان ماتعدني مع الضيوف

عاشرا ما اتدخل بين سوالف زوجي وامه وخاصة قدام امه الا اذا كانت سواليف عامه

وأخيرا اتمنى تستفيدون من تجاربي اللي لاحظتها على اهل زوجي ونجحت في كسب قلوبهم وكسر الحواجز وحطمت الغيره وكل شعور سيء منهم تجاهي والان والله كأني وحده من البيت لاني ماشيه على كل النقاط اللي فوق

ياالله
لييييييييييييييييييييييييييت تكونين وحده من زوجت اخواني

انا زوجات اخواني العكس تماما

انا اضمن لكل وحده متزوجه تمشي على هاذي الطريقة بحذافيرها رح تخلي اخوات زوجها يحبونها وايد

وانا اكيد اذا الله راد وتزوجت رح اسوي نفس الشي بالضبط

لاني شفت حركات نص كم وايد من زوجات اخواني

وانتوا يا متزوجات ارحموا اخوات زوجكم من الدق في الكلام والتدخل في الخصوصيات ومن الكذب اللي

ماله داعي تره يبين، مب هي لنا تكون زعلانه على شي تروحون تسون عزيمه او حفله

ونصيحه ثمينه لا تطلعين واتخلين اطفالج عند اخوات زوجك وامه ترى والله هم بعد بشر ويبون

يطلعون ويغيرن جو مثل ما انتي تبين اتغيرين جو

__________________
سبحان الله وبحمده

تصرفات جميلة جداً جداً،، بالجملة تصلح أن تكون منهج في حياتك العامة مع الناس.. وبالذات للنساء مع أهل الزوج.




هذا التصرف يسمى استغباء ،، وليس غباءً.. يقول الشاعر في هذا المعنى:
ليس الغبي بسيد في قومه ،،،،،،،،،،، لكن سيد قومه المتغابي

ان شاءالله لاطلعت فبيت بروحي باتبع نصايحج الثمينه .. مشكوره

ونصيحه ثمينه لا تطلعين واتخلين اطفالج عند اخوات زوجك وامه ترى والله هم بعد بشر ويبون

يطلعون ويغيرن جو مثل ما انتي تبين اتغيرين جو

انا اذا بغيت اطلع او اي شي مااخلي اعيالي الا عند امي وخواتي غير جذي مستحيل مو قصور فيهم ولكن اكيد بيتأففون ويملون .. الهانم رايحه راده وهاده عيالها علينا !! متناسين انهم عيال اخوهم!!!
لكن خواتي لو يتأففون والله ماعلي منهم!!! بحكم الميانه والاخوه وعموما الخالات يتحملون ويحبون عيال اختهم اكثر من عيال اخوهم!!

__________________
اللهم احفظ لي زوجي وسخره لي واحفظ لي اولادي

كلامك صحيح 100%
والسبب لأن تعامل الأخت مع أخواتها غير تعامل زوجة الأخ مع أخوات زوجها ,
أتكلم من ناحية الحساسية و الغيرة و حركات الحريم

لا والله مو الكل لية التعميم
انا عندي اخوان متزوجين ولما زوجة اخوي تبغي تروح مشوار انا ادق عليها واطلبها امسك الاولاد
والبنات واحيان اجمعهم كلهم
ولا لو امهم راحت مكان وخلتهم عند اخواني يجون عندنا والعيال معهم
يعني ان العمات مو مثل الخالات ؟؟
هذا مو تعميم
الا اذاا انا عمة غير

__________________
[ ]

نصائح من ذهب

لك خالص الشكر

__________________
اللهم ارحم والدي واغفر له

شكرا لكم واتمنى منكم الاستفاده

مشكورة على هالنصائح

دروس خصوصية فعالة ومجربةو مجانية

شكرا لك

__________________
ما تخطه هنا ستجده هناك "فاحذر ان تكون هناك من النادمين