السلام عليكم ورحمة الله وبركاته

بدخل بالموضوع على طول بدون مقدمات

أخوي رجل متزوج ويريد ان يتزوج بأخرى وسبب لما يخبرنا بأي شئ ويقول أبحثو لي

وقلت له ماني متدخله رح دور لنفسك قال أفااا وخلاني بالأخير ابحث له عن زوجه

ونا ضمير يوجعني ماودي اتدخل يقول مافيه مثل خطبة الأخت لأخوها

وش رايكم ادور له ولا لا والله مدري ليش ضمير يأنبني
على انه ناوي يتزوج ناوي وهذي الفكره متمركزه براسه

مدام انه ناوي على هالشي فمابوه شي يرده
اخطبي له انتي احسن لان الحريم يعرفن بعضهن في الاخير هو حاط الزواج براسه وراح يتزوج الا مشاء الله

__________________
إن جيت وأن ماجيت
باقي لك الشوق والقلب مثل ماهو
علي حطيت إيدك

نصيحه اذا مافي سبب مقنع لزواجه
لاتخطبين له

ترضين بنتس يتزوج عليها زوجها
ياربي منكم. يابعض خوات الزوج

افتكي من دعاها عليتس

__________________
ياقبر وش ضميت من ذيك الاجســاد
الله ياضمـٓـه أبوي الحنونه

:*

ضميرك يأنبك..؟!

طيب ريحي ضميرك

مع إني استشفيت رغبتك في مساعدته
وتريدين مؤيدين لرغبتك..


:*

__________________

مشكوره أختي الغاليه

طيب وربي اني قلت له لاتدخليني الله يعافيك مالي دخل
وقلت له دور لنفسك مابي وعطيته قايمه طويله عريضه
عن زواج الثاني وتكاليف والمصاريف وش للك بزواج بس والله براسه براسه هزواج
يقول عطيني دليل ولا آيه تحرم أنك مايجوز تخطبين لي
وش أسوي له أنا فيني من الهموم مايكفيني

اعوذ با الله يختي خافي ربك لاينقلب حالك بيوم وليله من دعاوي الحرمه عليك

الي ماترضينه ع نفسك لاترضينه ع غيرك

اصلحي مابينهم بدل ما تهدمين حياتهم

حنا ماندري بتفاصيل وش سبب رغبته بزواج مره ثانيه
بس اتمنى انك ماتخطبين له و شوفي
وش فيه على زوجته خلي اخوك يصارحك .

لا والله مو مساله ابي مؤيدن ولا لا
بس مدري ليش صورة مرت أخوي بوجهي راحمتها مسكينه
ومشكله ناشب فيني يقول ابي وحده يقطع زينها الطير من سماء هذي من وين انجيبها له
الله يعين شاكره مداخلتك

ياغاليتي وش فيك الله يصلح قلبك حسستيني اني مسويه جريمه
أنا موب راضيه علي نفسي ولا عليها من سمعوكم قال أني انا اللي قلت له أعرس
هو اللي يبي أنا مالي دخل ابدا
يقول ربي انعم علي بالخير وابي اعدد يقولي حرررام
قلت لا موب حرام بس بعد ذي العشره
يقول لا هي معززه مكرمه ماعليها قاصر
وسألته وقلت ليش طيب
يقول ابي اعدد واخوي من نوعيه اللي مايحب يطلع وش بينه وبين الحرمه

خراب البيوت مو زين بس باين عليه يبي وحده جميله طيب وزوجته وام عياله انا مدري النظره الشرعيه هاذي وش الفايده منه احد يرد عليا