الف مبروك حبيبتي انتي في نعمه يفتقدها الكثييير لذلك اشكري الله كثيرا واحمديه ,,

ومثل ما قالت صفاء انا كمان احس انك مبسوطه

الآن ما عليك الا تعيشي اللحظه وطلعي كل الخطط من راسك عيشي اللحظه فقط وبعدين ربك يهونها

اسأل الله لك وجنينك السلامه ,, ربي يتمم لك على خير

__________________




سبحان الله وبحمده ♥
سبحان الله العظيم ♡
♥♡♥♡♥

افرحي يا قلبي
هذه خيرة الله لك

افرحي وانبسطي ولا تفكري
اللي جاي يحله الله سبحانه وتعالى

وشوفي أنسب الحلول لك وطبقيها
أعتقد ان امورك طيبة اذا أخذتي تفرغ سنة وراتبك ينزل كامل

وبعد الولادة على طول ركبي اللولب
لا تتأخري

__________________
الحمدلله الذي بنعمته تتم الصالحات

الله يعينك حاسة بشعورك لاني مو متقبلة فكرة التالت ابدا بس ما بدي احكي كلمة غلط اخد اثم عليها
اذا بنت فرحي مافي احلى منن
الله يقويكي عتربيتا و يجعلا قرة عين الك ولابوها

__________________
.
.

استودعتك أهلي في سوريا يا من لا تضيع ودائعه

نورة

البنات صحيح يخلو للبيت طعم ؟ دايما أسمع البنات همهم للممات ، و أخاف أجيب بنت و أشيل همها

بس نفسي في بنوتة ، أحس الأولاد كل ما يكبروا .. يشيبوا راس الواحد
الكبير بدأ يريحني في جهة و يتعبني من جهة تانية

و كويس لقيتي لي نقطة ايجابية ، إنهم يكبروا مع بعض و ما أفكر بعدين متى أجيب لهم أخت و أخ ..

لإني كنت أفكر بعد خمس أو أربع سنوات أحمل ، و أكون بديت في دراستي و قربت أخلص

و لا تشيلي هم التنظيم ..

شيلي ( هم البيبي الكبير ) الي عندي ..

تدري إني صايرة هادية من أسبوعين ؟ .. شكلها البنت بتطلع هادية على أبوها

زوجي لما كنت أقول له ، بأجيب بنت تشبه لك .. يقول لي ( أعوووووذ بالله ،، تبغيها تعننننس )

+++++++++++++++++++++++

و ترى مافي لخبطة و لاشي ، ماشية بالحسابات صحيح ( مية مية ) ..
بس إرادة ( ربنا ) .. فوق ارادتي و ارادة زوجي ..

و أختي تقول لي ، النونو اللي دايما أهله يحسوا إنه جاي بالغلط ..
بيطلع أكثر واحد ( أهله يتعلقوا فيه )

ولدها الصغير كانت بتنزله و راحت المستشفى و كانت برة
و الدكتور قال بياخد فلوس و ينزله ، و صدفة هذاك اليوم .. الدكتور ماجا ..

و جاها نونو ،، زوجها يمووووووت عليه و هي كمان ..
مع إنه ولدها ( ما ينحب ) ههههه .. بكاااااااااااااااي و دلووووووووووووع

قلب مشغول

امييين ، عقبالك

++++++++++

دوندرمه ..

من يوم شفت أمي بالحلم و تبشرني بالنونو الجديد و هي مبسووووطة و فرحانة ..
و تكرر الحلم ، استبشرت خير ..

بس كان في بالي بعد ما ولدي الصغير يكبر و يصير عمره 4 سنوات ..

بس ربنا يعرف الخير فين ..

و أمي الله يرحمها ، كانت لما تعرف إني حامل .. كانت تفرح لي و تهتم فيا بفترة وحامي

عكس بقية أخواتي ، و كانوا دايم يقولولها ،، إيش معنى روح الطير ؟؟؟

بس ما بأحط الشي هذا براسي ، و بأفرح و انبسط ..

نور الإيمان

امييييين يارب ..

++++++++++

أم سلطان ..

إيش حكايتكم إنت و نورة ،، غيرتوا أساميكم ^_^

و المشكلة يا بنت الحكمي ،، مو إنه كلها فترة و تعدي ..

المشكلة ، إنه ( الوقت ) محسوووووب ..

إنه الأيام عندي محسوبة ، و السنوات كمان ..

و ماكان نفسي أسافر برة ، و معايا ثلاثة أطفال .. بس خييييرة ..

و مازلت أتخيل نفسي ، لسى بأحلم .. حتى اليوم نقزت من السرير و رحت أجري للمطبخ .. بعدين افتكرت إني حامل ..

.
.

بنت الحكمي ..

ضحكتيني الله يضحك سنونك يارب ، دايما كلامك يشرح القلب ..

إنت ماشاء الله تبارك الرحمن ،، زوجك و نعم الرجال ، ربي يحفظه لكم ..

بس إنت عارفة إنه زوجي ( طفل ) لحاله .. و محتاج لعناية .. و بيتعود عالمسئولية .. و ظروفه شايفة كيف ..

فحاسة كأني ( رب الأسرة ) و حامل .. تخيلي بسسسس ..

.
.

و فيه شي بنفسي ، حاسة إنه فيني عقدة .. إني أتخيل نفسي راح أموت .. دايما كذا أفكر ، إنه الدنيا قصيرة و لازم أجري فيها و أتطمن على مستقبل أولادي قبل لا أموت ..

يمكن عشان أبويا الله يرحمه مات و هو صغير .. و ما ضمن مستقبلنا ، و وقت كان عايش .. عيشنا أحلى عيشة و ما عمره بخل علينا ..

فما أبغى أولادي يتعبوا من بعدي ..

و ماني حاطة أمل ، إني راح أعيش لسنوات جاية ..

و فيا عقدة ، أتعقد من شكلي بعد الحمل و يجيني اكتئاااااااااااااب .. أكره إني أحتاج لأحد و أكون عاجزة عن خدمة نفسي ..

و مثل ما قلت لك ، تويييي اللي الحمد لله حسيت إني خلاص .. رجعت قمت على رجولي ..

فما أبغى أخلي الحمل يكسرني من جديد ..

و زوجي ما يقصر الحمد لله ، و لما جبت الولد الثاني .. تغير عن قبل ، و صار يتحمل المسئولية أكثر من قبل ..

يمكن الثالث ، يكون فاتحة خير بإذن الله ..

و ضحكتيييييييني لما قلتي عن أولادك و هما يتضاربوا على أختهم هههههه

أخاف أجيب بنت ، و أخوانها ينظلموا .. أو العكس ..

و ولدي الكبير من كم شهر ، و هو يقول لي ( ماما يالله قومي نروح المستشفى و نشوف فيه نونو و لا لأ ؟ )

يا ماما ، قومي نروح المستشفى نشوف فيه ولد و لا بنت ؟

فاول علي .. : (

.
.

بس تدري ؟؟؟؟

إحساسي يقول إني بأجيب ولد ، و زوجي كمان حاسس إني راح أجيب ولد .. بس يمكن احساسنا يخيب ؟

لإني في ولدي الثاني ، كنت حاسة إني حامل ببنت ،، و صار اللي ببطني ولد ..

فالله أعلم ..

و زوجي يقول ، أهم شي بصحة و سلامة و معافى بإذن الله

على فكرة .. بنت الحكمي

مو بس زوجي تغير بعد ولدي الثاني ،،
أنا كمان تغيرت و صرت أتحمل مسئولية البيت و مختلفة عن قبل ..

فأتمنى الثالث أو الثالثة ..

تنور لنا البيت أكثر يارب ..

rosettelibre

اميييين يارب و عقبالك

+++++++++++

الأخ الفاضل
مارد الجنوب

شكرا و الله يبارك فيكم ..
و تفائلت لي بالبنوتة ؟ ^_^

بس لسى هي ما جات ..

حياك ياروح الطير شوفي يالغلا بالنسبة للإسم اللي غيرته هذا الله يطول عمرك علشان اني بعرس سلطان فحبيت اغير الإسم هذاك الأول مصغرنا بالعمر شوي فحبيت اغير تعرفين عاد لو الوحدة ولدها اعرس وبعد فترة يجيها احفاد وخلاص بنصير تيتات إن شاء الله عقب كم سنة يعني كبرنا بالعمر

بالنسبة لتغير زوجك شوفي ياروح كلمة وخذيها من اخت لك محبة الزوج لما تكبر اسرته ويصير عنده اكثر من طفل يركد ويعقل ويبتدي يفكر في اسرته وبيته اكثر واكثر تلاقينه يحس بالمسؤلية انها كبيرة على راسه وصار مسؤل عن زوجه واطفال وبيت يتعدل وضعه شيئا فشيئا حتى لو كان بالبداية غير مهتم وغير مبالي تلاقينه يوم عن يوم يتغير ويبتدي يفكر بعقل كيف يسعد اولاده وكيف يتحمل مسؤليتهم وتلاقينه مهتم فيكم زيادة ويبحث له عن شغل ويساعدك بكل جهده لأنه عارف انه صار رب اسرة وصار مسؤل عن اولاده وانه هما بحاجته وان مالهم غيره بالدنيا احد بعد الله

زوجك راح يتغير ان شاء الله للأفضل وللأحسن وراح تتذكرين كلامي لأنه كل مازاد الحمل كل ما اهتم فيكم اكثر واكثر
بقول لك قصة واحد نعرفه زين المعرفة
هذا الشخص توظف وبعد الوظيفة اهله زوجوه وكان كسول مرة يروح لدوامه ومرة يغيب الين تم فصله من عمله وكان عنده طفلين وصار يدور على عمل كان يتوظف في المجال الشركات الأمنية شهر شهرين ويتركها وامه مسكينة هي اللي كانت تصرف على اولاده من راتب ابوه المتوفي راتب تقاعد وهو ساكن عندها بالبيت وزوجته كانت تجيب اطفال واحد تلو الثاني الين وصلت خمسة اطفال كان هذا الرجل مع كل حمل تضعه زوجته يتغير للأفضل ويحس بالمسؤلية اكثر وابتدى يشتغل في كل شغله يكرف ليل نهار علشان اولاده وزوجته كان موظف في شركة اتصالات في الصباح ويعمل كداد تكسي اجرة بعد نهاية الدوام الين الله فتحها عليه ورزقه واشترى له بيت ملك وعنده كم محل مأجرها والحين ماشاء الله تبارك الله وضعه ميسور ومبسوط هو واسرته الله يسعدهم
وهو بالبداية كان مجنن امه المسكينه في اليل سهر وفي النهار اكل ونوم لاكن لما زاد عدد اولاده وكبروا صار يفكر بعقله وترك الكسل والهروب من المسؤلية وشمر عن سواعده واشتغل وتحمل مسؤلية اهل بيته

هناك ازواج لما الدنيا تطلع بوجههم وتكبر مسؤليتهم حتى لو كانوا غير مبالين في النهاية بينصلح حالهم بالذات اللي يحبون اطفالهم ومتعلقين فيهم تأكدي انه راح يفكرون بسعادة ومستقبل ابنائهم وفي استقرار وراحة اطفالهم لأنه مافيه لهم مهرب غير تحمل المسؤلية ومواجهة ظروف الحياة بكل اشكالها

فتوقعي تغير زوجك للأفضل ان شاء الله تعالى وبإذن الله بتعيشون حياة سعيدة واستقرار اسري إن شاء الله
وربنا يوفقكم ويرزق زوجك بالوظيفة الزينة اللي تريحه وتسعدكم وإن شاء الله ان هالحمل بإذن الله فال خير عليكم


وعلى فكرة ترى بقول لك شئ ترى مارد الجنوب اخوي وفاله طيب بالعائلة وامس نبهت عليه قلت له انت تبارك للحرمة بالبنت وهي توها ماجت باقي الحرمة حامل
وان شاء الله انك حامل ببنت وربي يرزقك برها وصلاحها وطاعتها يارب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

اونا

ماعرف ليه ولدي الكبير احس اني اعزه اكثر ..
يكفييييييي انه تربية امي و امي كانت توصيني عليه و تحبه

الصغير مسكين احس اني اخاصمه .. بس ماشاءالله صاير رجال الصراحة
حتى زوجي عاجبه الصغير عشان ماشاءالله رجال ..

الكبير دلوع و يقرف من كل شي ..

.
.

فاللي بيجي بالطريق .. اخاف اظلمه ..
لاني ما احس حالي مهتمة بالحمل مثل ما كنت مع الاثنين ..

.
.

و بإذن الله باكمل دراستي .. لا تخافي علي ^^
و المجال مفتوح لي دحين .. بس اكون مجنونة لو سافرت دحين ..

عالاقل هنا اقدر اخد اجازة و ارتاح ..
و فيه شغالة .. و حتى لو كان لسانها طويل و تعل القلب ..

بس كنت اتمنى خلاص اسافر خلال ست اشهر بالكثير ..