أسال الله ان يصلح بينكم اختي اسالك بالله ان تسمعي لهذه النصيحة الغالية ولا تسمعي لي اي شخص مجهول عن طريق شبكة النت

كنافه دايما تقولين عن زوجش انه حقود طيب وانتي مثله حقوده .. تدعين عليه وتسبينه ما اختلفتوا عن بعض

زوجش راح عند مستشار اسري وهذا دليل على انه يبي يصلح حياته الزوجيه

ليش ما قعدتي معاه واستفسرتي شو الي صار كنتي سلبيه معاه وما شجعتيه على الاستمرار

ليش ما قلتي انا وياك بنروح سوى نفهم بعض ونتقدم سوى

زوجش يفتقدالتقدير

__________________
وهل من مصير اخر ؟

كوكي سألته مارد
لاعطاني اسمه ولا مكانه
ويقول باخذك للمستشار
قلت متى قال بعدين اشوف

بعدين ايش هالمستشار اللي مكبر راسه علي
تعامل زوجي من سيء لأسوأ
ولما سألته ايش قلت للمستشار
قال اشياء ابدااااا والله مو فيني
ابداااا ابداااا
اقسم بالله متجني علي كثير
على سبيل المثال
يقول اني متسلطه وافتح تحقيق باي مشوار
قلت احلفك بالله متى؟ ما ارد
اقسم بالله ماعمري قلت له وين رايح
ولاعمري دقيت عليه وهو برا

قلت له في حريم غبيات وتلقاها تنشب بالاسئله
ويبين عليها العبط على الفهاوه
وفي نوع ثاني هاديه وصوتها واثق وماتظهر اهتمام
ويعمل لها زوجها حساب ويشوفها متحكمه بدون سبب

قال صح!
قلت اذا انا من النوع الثاني فيعني مو متسلطه
هذي اتهام باطل وانا اعرف نفسي
لكن معناه ان شخصيتي مو ماشيه على هواك
قال: ابداااا


طيب يا كوكي
هذا جزء بسيط من اتهاماته المغلوطه
بالتالي كلامه للمستشار اكيد بيكون مبني على خطأ

جزاك الله خير اخوي
الشيخ يتكلم عن الرجل الحازم
زوجي مو حازم ولا شيء
اللي عندي رجل جاحد حاقد غاوي نكد واليوم يكمل 34 زعلان رغم محاولات الضعف المستميته اللي قدمتها حسب نصيحة الشيخ

كنافة

انا شايفة انك حاولتي وتقربتي وشهر يعتبر كافي
صحيح صدك كان غلط شرعي
بس اقصد غلطتك ومحاولتك الاصلاح..

انصحك تتركي كل شيء
الدعاوي والتفكير
وروحي اقري سورة البقرة كاااملة بجلسة وحدة
واستغفري 1000مرة
ماأوعدك يتحسن
بس متأكدة أنك انتي بتقلب نفسيتك وترتاحين
خليها كل يوم
بيجاهد الشيطان انك تتركينها اضغطي على نفسك وبتشوين كيف البركة والهدوء على نفسك وأطفالك..

ربي يصلح شأنكم

شو بيستفيد لما يعطي المستشار معلومات غلط .. كيف بيعالج المشكله يعني ضيع وقت وفلوس وما انتفع من الاستشاره

__________________
وهل من مصير اخر ؟

هو فاهم امور كثيره غلط بشخصيتي
انا ماعمري سألته وين رايح وين جاي
ولا اعرف اسماء اصحابه
واحيانا اخذ معلوماته من اهله.. انه كان بالبحر وكذا

ولا عمري اهتميت
حتى مره قال لي بيسافر دبي
ونزلني عند اهلي
ثاني يوم هو كلمني قلت له كيف الرحله
قال لا صارت امور وانلغى الحجز الخ
طيب
حتى بالسفر مو سأله
هذي شخصيتي بالعربي
فكيف يتهمني بالتسلط
وهو مصر على اني متسلطه

مدري ايش المطلوب بالضبط

نبض الدان
اجاهد باكمال سورة البقرة بس الشيطان شاطر
الله يعيني يارب

أسلوبك خطأ في التعامل معه

و أنت تعرفين الحل و لكنك مكابرة

أنت مره فيك الخير و لكن إذا وصلتي للمهم للأسف تخربينها و تدخلين الكرامه في أوقات خطأ

محب السنة والله ما اكابر
تأكد جربت كل شي معه ما فاد


وزي ماقلت لكم تعبت الفجر
ترى كنت اكتب ردودي وانا ابكي مقهوره
وقبل شوي ارسلت لزوجي:
اعذرني تعبانه اليوم ما اقدر اطبخ، لوسمحت هات لنا غداء

لقيته اتصل يسأل ايش فيني
قلت له عالتعب اللي جاني وانا ابكي
قال طيب ايش يهديك؟
واذا تبغي ننسى كل شي خلاص
قلت كذا مره تقول كذا وترجع تذكرني
وضمن كلامه سألني:
انتي حابه يعني تروحي لاهلك عشان رمضان جا؟
قصده حتى ارتاح من كرف رمضان!!
رغم اني ماجبت طاري اهلي!!
قلت بهدوء لا والله
قال خلاص اهدئي واحمدي ربك انك بخير وعيالك بصحه
وقال بيجيب الغداء وهو جاي


مدري اخاف جالس يسايرني عشان بطنه
كأنه شك اني افكر ما اهتم بالفطور والسحور
لاني قلت له مو طايقه نفسي كارهه المطبخ
حسيت هالجمله خوفته
خاف اهمله برمضان
وقال اضحك عليها بكلمتين وغداء
عشان برمضان اكرف كرف الحمير
وبالعيد يرميني عند اهلي ويروح يفلها مع اصحابه
ويصير اخذ كل شي مني بدون مايقدم لي اي شي