يعني الان اتكفخ ، واتنشع ، على ولا شي ، إنتوا متخيلين ، وهاذي عادي تركوها تروح للخارج ، قلت اذا عندك جنونه ، لا تطلعها علي .

انتوا تعرفون ان انا ما عندي الي من وسائل التواصل الاجتماعي ، هاذي ، ولا اعرفها ، بس الواتس أب وحذفته صار لي اكثر من سنه ورجعته بس عشان دار الرقيه ، ومنتدين أتردد عليهم ، هذا وتبع تفسير الأحلام ، وطبعا غيري أهل البيت كل البرامج في تلفوناتهم ولا احد يقولدلهم شي ، حتى الوايرس كسرته بنفسي من القهر ، وبعدها لما رجعت اريد اصلح ما سمحوا لي ، وغيري عنده خاص فيه

تفسير الأحلام لان أحب هاذي الامور فاتكلم عنها ولازم كل فتره يخنقون انت محد مجنن فيك غير هاذي الامور ، السياره عندي رخصه قياده قديمه ومن كثر ما خنقوني كلام فاضي ، تركتها وغيري اصغر عني يروح ويرجع ما شاء الله ، وعادي

جلست أكثر من خمس سنوات اقنع فيهم ان تعبانه وتعبت وانا اقنع وانا أتوهم و انا اتخيل وبالأخير. والحمد الله رضوا اروح وفعلا تبين ان مريضه ، والآن صرت مجنونه ، طيب من اللي جنن فيني !

اي شي تطاله يدي ، فهو سيتحول الى مصيبه

مرات اشعر انهم ما خلفوا وحده يتحكموا فيها غيري انا واخي والبقيه تاركينهم على حال شعرهم مثل ما يقولون ، و المضحك ان انا واخي الأكثر الأشخاص المتدينين في الاسره

بس اجلس في الغرفه ، على طول مروا انا وين ، نايمه ، صاحيه ، ميته ، وغيري مدفون فيها ، اشاهد التلفاز ، يوقف عند الشاشه ويعطيني ظهره ، وشوي ويغط علي ويرفع ضغطي بعدها يذهب، طيب ليش !!

كل يوم يعمل نفسه يعدل ستاره المجلس ، ويروح ، ولما انتبه اجد ان الستاره ،قد فتحت قليلا ،عشان يشوف انا شو اعمل ، ارجع اعدل فيها وأغلقها ، مشابه الموضوع في الغرفه .كل مره لازم لازم رفع الضغط ،

أرجوكم لا احد يقول لي خوف و حرص ، انا اشوف الامر مجرد استبداد وتحكم ، وما وجدوا غيري .

وطبعا هي الله يهديها ويهديني معها ، طول اليوم ، لا ارى لا اسمع لا اتكلم ، عندما لا يكون هناك مبرر