سويت نفس الحركة مع خطيبي سابقاً و تحسفت مليون الف مرة على انفصالنا لغبائي,, ترا على فكرة هذا شعور كل البنات اذا قرب زواجهم .. يعني انت اذا سويت الخطه اللي ناوي تسويها.. بتخسرها بدال ما تختبرها لانها خي اللحين بحاجتك توقف معها مو وقته الاختبار!!
انا انصحك اخوي نصيحة اخويه انك تقولها انك ما راح تكلمها ولا تشوفها لمدة اسبوع على الاقل .. اذا هي حست بهالطريقة انها لا زالت تبيك و تحبك و ما قدرت على فراقك معناها زي ما قلت لك حاله نفسية تمر بكل البنات في هالمرحلة ... اما لو ما فرقت معها معناها على قولتك متوهقة..

والله يوووووووفقك يارب ... و دائما تصرف بحكمة فأنت الرجل..

و بشرنا بجديدك

اخي الإخلاق


اسعد الله اوقاتك ........ اخيرا قرر الجوال ان ينتقل من عالم التطور والتكنلوجيا الى عالم العواطف والمشاعر

ليعبث بها ويحدد مصير الحياة الزوجيه منها والحياة الإسريه ............

فردود الإخوان مقنعه واخص رد الإخت اسمااءوبقية الإخوان والإخوات..............اخي لاتجعل الكلام بالجوال

يحدد مصير حياتك الزوجيه ....... في هذه اللحظه المطلوب منك ان تتعامل مع الموقف كرجل وبعقلانيه وترك

الظنون وتحليلاتها الخاطئه ..ففكر في ردود الإخوان والإخوات مليا لإنهم ماقصروا في وفي التوضيح..وارى

ان لاتجعل اني اتصلت ومارديتي وارسلت ومارديت لي بمسج انت اكبر من ذلك ............

اتمنى لك التوفيق..

__________________
وما من كاتب إلا سيفنى ويُبقي الدهر ما كتبت يداه

فلا تكتب بكفّك غير شيء يسرّك في القيامة أن تراه

شكراً لكِ أختي الكريمة على نصائحكِ الأخوية ..



أختي الكريمة :


أمس ( يوم السبت ) من بداية الصباح وأرسلت مسجات ولا ردت علي .. وأتصل كذلك ولا ترد علي ..


المهم في آخر الليل الساعة 1 ( ليلة الأحد ) عطني دقة وسكرت ..وأنا وقتها كنت نائماً وجلست على دقتها ..


وبعدين مباشرة اتصلت فيها أنا ..

المهم سولفنا أشوي عن أخبار كل واحد فينا ..

وبعدها قلت لها : اشدعوه ما تردين علي أمس كله ؟
قالت : تدري الجامعة ..
قلت : والجامعة تنسيك حبيبك ..
وقلت لها طيب مسج منك يطمني على حالك ما بياخذ ثواني ..

المهم :
قالت : بس أبغى أشوف كانك تتصل ..
وبعدين قالت : أبي أشوف ردة فعلك ..


والمهم بعدين قالت أنا كان ما بتصل عليك بس قلت يمكن صاير شيء خلني أشوف ..

لكني توهقت بعدين لأنك كلمتني ..

كررتها ثانية ..

قلت لها أوكي .. أشوفك الليلة ( لأني عندي موعد بيني وبينها الليلة بنطلع نشوف غرفة النوم ) .. وسكرت الخط ..


المهم :
بعد 5 دقايق اتصلت علي ثانية ..

قالت : صدقت أنت ؟؟ وأنت كل كلمة بتصدقها ؟ كنت أمزح معك ..

المهم صرنا نسولف مرة ثانية عن أمورنا بعدها قالت لي أنا مقهورة منك ؟؟ قلت لها ليش ؟؟ قالت تعرف ..

قلت لها ما أعرف والله ..

بعدين قالت خلاص ولا شيء <<< وهذا الشيء يقهرني فيها على كيفها تتكلم وعلى كيفها تستكت ..

وبعدين سألتها مرة ثانية ليش مقهورة ؟؟

قالت ليلة العيد وش عندك ليش طلعت بدري عني ؟؟ ( جلست معها ساعتين ونص فقط ). .

المهم بعدها تسكر الخط لحاله ... << جوالي خربان اشوي

وعاودت الاتصال مرة ثانية ولم ترد اتصلت ثلاث مرات ولا ردت وبعدين أرسلت لي مسج .. قالت فيه بنص العبارة :
( خلاص مو رايقة ) .. فأرسلت له مسج مباشرة بهالنص ( أوكى وأنا مو رايق بعد ) ..


المهم في الصباح ( يوم الأحد ) أرسلت لها مسج ( صباح الخير ) ما ردت ..


بعدها بساعة أرسلت مسج أعبر فيه عن حبي لها .. ماردت .
اتصلت بعد ساعتين ما ردت ..

اتصلت مرة ثانية بعد ساعة كان الجوال مقفل ..

اتصلت مرة ثالثة بعد ساعة كان عندها انتظار ..

وبعد دقيقة اتصلت ثانية صار الجوال مقفل ..<< هذا الكلام الساعة 2 الظهر ..


المهم :
أرسلت لها مسج قبل قليل الساعة 4 العصر .. أذكرها بموعدنا ( الطلعة حق نشوف غرفة النوم )..

وإلى ألحين ما ردت علي... موعدنا الليلة .



أختي الكريمة أسماء بالله عليكِ ما رأيك ؟؟



المشتكى إلى الله ..

أخواني الكرام أخواتي الكريمات ..


أشكركم جميعاً على تقديم النصائح الأخوية والتى تجسد معنى الأخوة الإسلامية الصادقة ..


وأعتذر إليكم جميعاً بسبب عدم الرد على كل واحد منكم على حدة ..



تحياتي لكم وجزاكم الله خير ..

(تقول لها ما رأيك في تقديم موعد الزواج إذا وافقت هذا يدل على أنها تريد الإقتران بك )

مرحبا اخوي الاخلاق

اخوي خطيبتك ان شاء الله تحبك وشاريتك بس يمكن هي من النوع المزاجي او الزعول او انها تبيك تدلعها كثير
وشكلها تبيك تحس بحبها بدون ماتوضح لك اياه بتصرفاتها

الله يسخركم لبعض ويوفقكم يارب

__________________
تركع لك كل النساء حباً و كرامة ، و أظل أنا بينهن الوحيدة تخشاني و لا أحبك!!

خلك إيجابي!

اخي


قد تكون زوجتك تسمع نصائح صديقاتها

اللي يقولون اثقلي عليه

وخليه يلاحقك


وفعلا انت تلاحقها ومااعطيتها فرصه تشتاق لك


نصيحه من الان اتركها ولاترد على مكالماتها

وشوف شلون بتنقلب الايه

الله يسعدكم ويتمم لكم بخير

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..

الأخ الفاضل الأخلاق

صدفني كل هالأمور بسيطة وواضح إنها تحبك ...لا تموت فيك بعد

خلك إنت ثقيل وبنفس الوقت حبيب

يعني لا ترد الكلمة بالكلمة إسمعها مني نصيحة خل أمورك تتيسر

وإذا قفلت لا ترجع تتصل أكثر من مرة إتصل مرة ويكفي

وهيه بترجع تتصل عليك.. وإستمر بإرسال مسجات المشاعر الطيبة بشكل معتدل

ولا تثقل بالطريقة الشينة..

لا

خلك دايم حبيب إذا إتصلت إحتويها

لكن لا تلاحقها خف شوي بطريقة حلوة موب بمشاكل..

وحاول قدر المستطاع تجنب المشاكل

والصغائر...

وصدقني هذا كله من الشيطان يحاول يفرق بينكم..

الله يوفقكم يارب..

وعادي بالنسبة لموعد غرفة النوم خذ الموضوع بأريحية

لو ردت عليك روح لموعد غرفة النوم ولو ما ردت أجله بكل برود

لا تخلي مجال لاي مشكلة تنغص عليكم حياتكم..

أما بالنسبة للإختبار بالطبع لو سويته راح تخسر زوجتك صدقني

تفكيرنا غير تفكيركم بعنى بالطبع الخيار الثاني هو إلي راح يصير لو كنت مكانها

راح أزعل من السؤال وراح أعصب وأقوم وأتركك غاضبة..

فنصيحتي لا تسأله..

وطمنا عليك ...بإذن الله تتيسر أمورك..

__________________

اخي اعتقد انك سويت الي عليك وزيادة

قبل تسوي الاختبار

اتركها ولا تتصل عليها ابد وشوف النتيجة

اذا اتصلت عليك او ارسلة رساله رد بكل حب واحترام واخبرها انك زعلان عليها لكن مدام كلمتك فقلها انا راضي عنك

واذا ما كلمتك او ارسلة رساله فصبر اطول مدة ممكنه بعدها لكل حادث حديث

__________________

*

كلمة ان شاء الله يكتبها بعضنا " انشاء الله " اخواني و اخواتي في اللغة العربية كلمة " انشاء " تعني
بناء و حاش لله ان يوصف بهكذا وصف ولكن ان اردت ان تكتبها فاكتبها " ان شاء الله " بمعني ان اراد
الله و هذا هو ما نرجوه ان يريد الله بنا كل الخير ان شاء الله
----
و كلمة لفظ الجلالة " الله " يكتبها البعض " اللة " بكتابة حرف التاء المربوطة بدلا من
الهاء فهكذا تكون خاطئة تماما فهي اسم صنم كان يعبده الكفار في الجاهلية
ولن يكتبها سوى جاهل بها ، فلا تلقي به إلى النار إن شاء الله.