السلام عليكم
انا سجلت في المنتدى بس ما يصير اكتب موضوع بس انا متضايقه وابي افضفض فدشيت باسم صاحبتي

المشكله اهي مع خطيبي وكنا نعرف بعض قبل لا يتقدم لي ونحب بعض وكان يسمعني كلام حلو وكنت عنده ملكه جمال ومافي شى يعيبني وكان يقولي شلون بيتكم بيوافقون علي وانا مب حلو ؟ وفيني جذي وجذي ... قلت له الرجال باخلاقه مو بشكله المهم انخطبت والحين ماباقي شى واكمل سنه معاه واهو من ليله الخطوبه بعد ما طلعت من الصالون ما سمعني كلمه حلوة كل اللي قاله لي ان الصالون اللي رحتيه شكله ما يعرف يضبط وانا سكت عنه رغم ان الكل قالي اني حلوة وقالي بعد في ليله الخطوبه ان اصغر وحده في خواتج احلى وحده فيكم.. قلت له انا حتى لو المفروض انا جيكرة المفروض ماتقولي هالكلام في ليله خطوبتي. ومرت الايام وانا خاطري يسمعني كلام حلو منه وكنت ارسل لك مسجات حب واهو ساعات يرسل او يطنش .وسالته شفيك متغير لييش ما تعاملني مثل قبل ما تقولي كلام حلو ( رغم ان انا كنت عكسه ايام الحب ما اقوله كلام وكنت اعامله بجفاف بس من انخطبت عاملته بالعكس واهو عاملني بالعكس ) المهم الا يقولي قبل غير والحين غير قبل انا كنت ابي اتمسك فيج ومابيك تبتعدي عني بس الحين صرتي ملكي ومااخاف انك تبتعدي عني . وغير انه قبل كان معتبرني اني ملكه جمال بالنسبه له والحين العكس في كل شى اسوي ينتقدني والله اتعدل له وكل شى ابي اسمع منه شى مستحيل ودايما يطالع يروحه في المنظرة ويقول انا حلووو ..بشكل مو طبيعي انا اول مرة اجوف رجال جذي ودايما يقولي انتي تغارين مني لان انا حلو رغم انه شخص عادي .وفي مرة كنا طالعين مع بعض كانت في بنت تقريبا عمرها 15 سنه واحنا جالسين نتعشى قالت لي انتي وايد حلوة .قام يضحك اهو يقولي ليكون صدقتي الكلام لك .هذا لي انا .لان مستحيل بنت تقول حق بنت انتي حلو .قلت له اوكى الكلام لك عليك بالعافيه .والله هالرجال عدم الثقه في نفسي .لليوم الصبح كنت معاه في السيارة نسمع الراديو يقولون ان البنت اذا كانت مو حلوة عليها واهي تناظر المرآة ان تقول بانها جميله كي تقتنع بانها جميله .عاد الا اقوله بمزح .اقوله مثلك انت دايما تطالع المرآه وتقنع روحك بانك جميل .قام يصارخ علي ويقول انه حلو وانه واثق من روحه بس انتي اللي ماعندك ثقه بنفسك وتحطين لك مكياج .قلت له انا ماعندي ثقه في نفسي بس مو منك انت انت اللي محبطني في حياتي كلها ولا مرة قلت لي كلام عدل .انا والله تعبانه وافكر اني اقول حق اهلي وافكر اني انفصل منه لان عمري ماسمعت ان في رجال يعامل خطيبته بهالطريقه .شلون بعدين بنعيش مع بعض في بيت واحد .ارجووكم ساعدوني هل يحق لي انفصل ؟؟

أختي ما أدري هل اللي بينكم خطوبة ولا عقد قران؟ نصيحتي ألا تجعليه يفقدك الثقة في نفسك فهذه نقطة مهمة و أما هو فيبدو والله أعلم أنه يعاني من مشكلتين:
الأولى: ضعف ثقته بنفسه وهذا أنتي ذكرتيه لما ذكرتي أنه متردد في أن يتقدم لك بسبب اعتقاده أنه "مو حلو" على كلامك
الثانية : أنه ربما بدأ يقارن بينك وبين من يراهن في التلفاز وغير ذلك أو ربما في المجتمع بشكل عام والدليل على كلامي أنتي ذكريتيه لما ذكر عن أختك الصغيرة أنها "أحلاكم"

أسأل الله أن يعينك!

والله يا اختي

أشعر بأن خطيبك غير ناضج بعد ولم يصل لمرحلة النضوج بأنه يتزوج

وغريبه صراحه أن رجال يتكلم عن جماله ويناظر نفسه بالمرآة ويقنع نفسه بأنه جميل

معناها انه عنده نقص من هالناحيه وألي يأكد هالشي عصبيته لما قلتيله انك تقعد تناظر في المرايه

وتقنع روحك بأنك جميل


عموما والله اعلم زوجك من النوع ألي بعد مايـتأكد انه تزوج وحصل على مراده من هالبنت تتغير معاملته

معها وغالبا لو قلتيله خلينا ننفصل بيرجع يعاملك معامله حلوه واحلى من الأول ويمكن يقنعك مره ثانيه

بالرجوع له وتجلسون على الدوامه هذي طول عمركم

اختي صراحه ومن غير مجامله لا أراه زوج مناسب وان شالله يعوضك الله خيرا منه

تخيلي حياتك معه بعد خمس سنين كيف راح تكون

اذا كان من الحين يعاملك بالطريقه هذه كيف راح يكون بعد خمس سنين

؟؟

اتوقع أنك تعرفين الاجابه

اشكركم على ردودكم
ليفربول: اهو عقد قران
let me fly : اهو عمره 30 سنه ومو ناضج متى راح ينضج. انا بعد احس حركاته مو حركات واحد بهالعمر .مادري شسوي معاه

كل هالزيارات ومافي حلول ؟

والله ياختي مدري شقول ...

بس حاولي تكوني هاديه .. واثقه من نفسك ... واذا قال لك مو حلوه ... قولي له ... لو انا مو حلوه كان


ماتعبت حتى اخذتني ... وياختي دامه قال لك انه خلاص صرتي ملكه .. يعني لسه انتي بقلبه


بس لاتردي الخطأ بالخطأ ... تحملي علشان حياتك ... لانه الانفصال مو حلو للبنت قبل الدخله وحتى بعدها


الامور تنحل بشويه صبر اختي


الله يوفقكم يارب


هموووم

__________________
"رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ "

__________________