بعد تجربه الخطوبه الفاشله اللي مريت بها
احس ان رغبتي بالزواج قلت او بمعنى اصح وادق انعدمت
لهفتي على العرس والاطفال اختفت واحلامي بالفستان الابيض تبخرت
وصار الموضوع عادي عندي ولايهمني
عكس اهلي احسهم متأزمين من وضعي مرررررره
وشايلين هم متى اتزوج؟؟ وكاسره خاطرهم بزياده
وانا والله ولاجبت خبر
كنت اعتبر ان حالتي صعبه لاني ماتزوجت للحين واهلي عادي عندهم ولاحاسين بشئ
لكن يوم صار جد واهلي حسوا اني ممكن اعنس صار عادي عندي
حتى ان وحده من خواتي لمحت لي اني ماراح اتزوج الا من معدد او يمكن مااتزوج خير شر
وانا عادي ماتضايقت ولازعلت من كلامها
هل فعلا الوضع خطير وانا مو مستوعبه ولا وش السالفه؟؟
كنت قبل افكر بالمستقبل واحاتي لو ماتزوجت كيف بتكون حياتي
الحين اقصى مدى افكر فيه نهاية الاسبوع
الخوف من العنوسه والمستقبل تلاشى
مستغربه من نفسي بصراحه
حتى الدعاء الله لايعاقبني مالي خلق ادعي بالزوج الصالح
ولاسمعت دعوه لي من هنا ولاهناك مااتحمس لها مثل قبل
ليش؟؟؟؟؟؟؟؟؟؟؟؟ طبيعي اللي اعيشه؟؟
فيه وحده منكم مرت بهالشئ؟؟؟؟؟
كان الزواج من اهم اهم اهتماماتي والحين مااعتبره مهم ابدااا
مدري هو تفاؤل بزياده ولايأس وتشاؤم؟؟
مدري وش جاني ؟
صار مافي شئ يفرحني وبالمقابل الحمدلله مافي شئ يزعلني
حتى المدح لاسمعته عادي مو مثل قبل اطير من الوناسه
لاشفت نظرات الحب والتقدير من طالباتي ماافرح عادي عندي
اليوم مثل امس مثل بكرا
رحت السوق وصرفت كل راتبي على ملابس ومكياج ومجوهرات
شئ احتاجه وكثير مااحتاجه
اسألكم بالله وضعي طبيعي ولا فيني شئ لاسمح الله؟؟
امي مره متنرفزه من برودي لاطرت الزواج لانها متعوده دايما يفز قلبي لسيرته
وحسستني اني صرت غير عن البنات
وربي غصب عني فقدت الرغبه بشئ اسمه زواج
قبل كم يوم حضرنا زواج ولاول مره ماتمنيت اني اكون العروسه
بعد ماكنت احس بالحسره والالم واتحسف على شبابي
صار الموضوع عندي عادي كأي بنت صغيره اخر تفكيرها العرس
يااخوان وااخوات هل انا صرت معقده؟؟؟؟؟؟؟؟؟؟؟؟؟

__________________

ياااااااارب فرجا عاجلا من عندك
اللهم اغنني بحلالك عن حرامك ومن فضلك عمن سواك
وارزقني زوجا صالحا قرة عين لي

كل شى من عند الله احنا البشر مالنا يد و احسن خلج جي

__________________
اللهم انت ربي ، لاالـه إلا انت ، خلقتني و انا عبد وانا على عهدك ووعدك ما استطعت ، اعوذ بك من شر ما صنعت ، ابوء لك بنعمتك على وابوء لك بذنبي فاغفر لي ، فإنه لا يغفر الذنوب الا انت


يا رب إن عظمت ذنوبي كثرة~ فلقد علمت بـأن عفوك أعظمُ
إن كان لا يرجوك إلا مُحسن~فبمن يلوذ ويسـتجير المجـرم ُ
أدعوك رب كما أمرت تضرعا~فإذا رددت يدي فمن ذا يرحم ُ
مــالي إليك وسيلــة إلا الرجا~وجميل عــفوك ثم أني مسلمُ

اختي الغاليه انا مررت بنفس احساسك ياريت تشوفي موضوعي ولاتحاتين
ان شاءالله تستفيدين
http://www.66n.com/forums/showthread.php?t=98404
اختك:الحائــــرة

من سمعك
نفس الي احس بيه
استغفر الله العظيم على قولك حتى الدعاء ماسرت ادعي
احس اني مرفوضة
بالعكس سرت اقنع نفسي واحاول اوجد بدائل للزواج
واخطط 10 سنوات قادمة من الوحده

__________________
لا تنسوني من صالح دعائكم

اعتقدان دى حاله احباط اوبدايه اكتئاب ان ميبئاش فىشئ يفرح ولاشئ يحزن وان يبقى الهدف اللى بتسعى له لايسوى شئ وملكيش رغبه فى شئ ياريت تحاولى تغيرى فى اسلوب حياتك شويه وكمان اياك والياس من الدعاء استمرى ادعىوربنايستجيب منك ومنا جميعا

الله يكتب لك الي فيه الخير
في امان الله

__________________
سبحانك اني كنت من الظالمين

لا أختي انتي طبيعية يمكن هذي نتيجة تجربة كانت فاشلة

انتبهي أختي إن التجربة هي الفاشلة وليس شخصك هو الفاشل ..

هل انتبهتي ..


انتبهي مجدداً

التجربة هي الفاشلة وليست أنتي ...


هذه فترة و بتعود حياتكِ طبيعية ..


ولاحظي لو إن هذا الزواج هو اللي مكتوب لك لكنتي تزوجتي

لكن زواجكِ سيكون مع شخص آخر بإذن الله ..

استغفري ربكِ وادعي ربك يرزقك اللي تتمنيه ..

والله يرزقك ويرزق الجميع إن شاء الله ..

وفيه بنات كثير انخطبوا وفسخوا العقد ومن جديد تزوجوا وعايشين حياتهم طبيعية ..

لا تعقدوا الأمور .. وماعليكِ من كلام النااس .. كلام النااس حتى لو كانوا قريبين منك ماراح يخلص

وحتى لو شافوكِ سعيدة من ناحية راح يدوروا ناحية ثانية ينتقدوكِ قيها ..

والله يوفق الجميع ..

صدقيني طبيعيــــــة ومافيك إلا العافيـة

شيء طبيعي إنك بعد ماوصلت ِ للي إنت تبينه وفجأه كل شيء ينتهي

إنك تبردين وتحسين كل شيء عادي وأنا أشوف إنه حالتك أفضل من غيرك

اللي لو فشلت تقلب الدنيا كلها عليها وتحس نفسها خلاص إنتهت من الحياة

وتصير مكتئبة كثييير وتكره كل الناس ووو

تدرين ياريماني أنا ومن بعد كم تجربة فاشلة مش وحدة

تجيني مثل حالتك وأحس إني متبلدة بشكل ماكنت أتوقعه

لكني لما أجلس مع نفسي وأفكر بحالي أحس إنه هذا من رب العالمين رحمة علي

لأني طول وقتي أيام ماكنت أدعي إنه ربي يتمم لي على خير كنت أقول يـــــــارب

ترزقني الرضى والقناعة بما كتبته لي وأكررها كثيــــــر

وسبحان الله بعد كل تجربة فاشلة أحس إني صحيح بأني أتبلد ومشاعري تصير صفر

لكن جواتي مازال فيه أمل ورجـــــاء وأكيد ماأخذه مني ربي إلا إنه فيه خيـــــر لي

إحمدي ربك ياريماني والله إنت ِ في نعمة عن غيرك وأقصد فيها الناس اللي تتسخط على قدرها

وتقلب الدنيا كلها ، إنت ِ مشاعرك معتدلة وبإذن الله بس بكره تعدي هالمشاعر راح ترجعين

مثل أول وتدعين ربك مثل ماكنت ِ وأكثر وربي مايخيب رجاء عبده حتى لو طال الإنتظــــــار

على فكرة ياريماني صدقيني أكتب هالكلام لك ِ ولي لأني أنا محتاجة كثيييير لمثل هذا الكلام

أسأل الله الكريم لك ِ ولنا بأن يكتب لنا الخير ويرزقنا من غير مانحتسب .

أخيتي في الله...الأمر عادي أنا أقول بعد مثل الأخوات...
(بعد الخطوبه اللي ماتمت...)قولي ..اللهم اخلفنا خيرا منه واتركي الأمر لله...
حالة المرأه النفسيه متقلبه دائما....ولا تشيلي هم...والله يعوضك باللي أحسن منه.....
والصرف اللي صار والمشتريات..ما هي الا تنفيس ..

اشكي لك عن حالي لنا الله