بسم الله الرحمن الرحيم
اولا المشكلة مو لي لاختي عندها بنت عمرها تقريبا 3سنوات ونص وعندها اخ اكبر منها المهم اختي من قبل فترة ولدت ومن يوم ولدت وبنتها ياحياتي ذابحتها الغيرة تطق اخوها الصغير وصارت عدوانية ونحفانة وتعاند امها وما تسمع الكلام حتى لما تروح لعمامها ما تسلم عليهم وكله تصارخ وتطق الجهال لان اول عماتها كانوا طايرين فيها والحين جاء اللي اصغر منها وكانهم نسوها فاكرهتم ما تسلم ولا تضحك وامها اذا نهتها عن شي تعاند وتسوية والله العظيم مره اختي تقولي طقيتها وقلت لها لا تعيدينها ثاني مره ترد عليه وهي تبكي وتصارخ ياحيوانة المهم اختي تقول سكت عنها لاني رحمتها
تكفون ابي حل كيف نتصرف معاها ؟ تعبنا معاها

مسكينة هذي الطفلة الله يكون في عونها دلعتونها ودللتونها وبعد ما فرحت وحست روحها ملكة فجأة وبلا مقدمات سقطتت هذه الملكة من قصرها وقلدتم الحكم لاخيها الصغير ............


الان على الام وعليك انت وعماتها وجميعكم ان تتعاونوا لتعيدوا لها الثقة والامان وان تحسسوها بحبكم لها سواء كان اخوها موجود او لا .....وتحضروا لها هدايا ويقال لها انه من عند النونو ..........

تخليها تساعدك في امو الطفل ..وتمدحيها قدام ابوها وعماتها وخالاتها وتقول انها يعني ماشاء الله عليها ساعدتك وكانت شاطرة وهادية والوالد يفرح ويصفق لها ويعطيها كل مرة تسوي شي زين هدية بسيطة

والله معاكم ...............................

الله يعينكم أنا ولدي عمره خمس سنين ولما جبت التوأم مما عرف يغار من مين فيهم فالحمد لله ما حصلت معاي هذه المشكلة بالرغم من إنه كان دلوع كثير

أهم شي تحن عليها وتضمها وتبين اهتمامها للبنت وأما بالنسبه للصغير لاتهتم به امامها لأنها حست أن احد أحتل مكانها والكل تركها ..

والله يعينها..

__________________
لااله الا الله

في وحدة كانت تغار من أختها اللي أصغر منها .. ودايم تضربها ، بعدها صارت أمها تخليها تشيلها شوي ، وتجيب أختها الصغيرة وتقول لها تربعي وتحط أختها الصغيرة في حضنها ، ودايم تقول لها أنتبهي لها ، وتخليها تلعبها .. والحين ماشاء الله صارت تموت فيها .. < خليها تجرب ذا الأسلوب .

طيب واللي جرب هالاسلوب ومانفع وش الحل ؟؟؟

__________________
"رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ "

شي طبيعي يكون غيره بين الطفال وخاصه ان الكل كان مهتم فيها الحين المفروض امها تهتم فيها بزياده يعني تحاول تقضي وقت كبير معاها اكثر من البيبي الجديد لان هي اللي تفهم وهي اللي تحتاج صحيح البيبي يحتاج حنان امه بس هي محتاجه اكثر منه ولازم العمات يبينون لها انهم يحبونها اكثر من البيبي وان هي كل شي لم تخف عنها الغيره

__________________
Nweerh

مشكورين عالحلول وباذن الله بنجربها وانشاء الله ابشركم انها تغيرت للاحسن وما قصرتوا

لازم تحسسها بالحنان وتعوض لها والاطفال بهذا السن غالبا ما يكونو غيورين فالافضل ان تهتم بها اكتر من اخيها