اهلين غموض

سألتيني عن صديقتي مريم

صار لهسالفة خمس سنولت وهي للحين ماتزوجت ولا حتى خواتها

تخيلي هم تقريبا سبع بنات شقيقات غير الغير الاشقاء يتيمات وهي بذات ما شافت ابوها اللي كان يراعهم زوج اختها وكانت تحكي عنه دائما لانه تحس انه ابوها اول ما طلعت على الدنيا ماشافت الاهو تخيلي كنا نعتبرها عربجية ومايهزها شي وكانت شقية جدا على مرح وخفة دم وجراءة تخيلي انها كانت تجلس على سور الدور الثالث وتناظر الساحة الكل كان يحبها ولا توقعنا ابدا في يوم نشوف دموعها لما جا ذاك اليوم اللي طلبت منا المعلمة موضوع عن اعظم شخص
حويوم قرت موضوعها اللي كانت تمدح شخص على اهتمامه فيها وانها كانت تعتقد انه ابوها والله كان كلامها يقطع القلب وكانت وهي تقرا تصيحوكثير من الطلابات صاحو معها في الاخير قالت ان هذا الشخص هو زوج اختي واني اهديه كل نجاح حققته

كانت تقولي ايام العزوبية (انت في امل تتزوجين اما انا لا )
سألتها ليش قالت خواتي طابور فوقي ومستحيل اتزوج قبلهم والشي الثاني ابوي بدوي وامي حضرية واالحضر مايبوني والبدو انا مابيهم

السلام عليكم ورحمة الله وبركاته

عزيزتي


لي قريبات جداً مني يعانين من (( قلة ذوق البعض )) و (( قلة وعي من البعض الآخر ))

واحياناً تأتي من اناس تشعرين بأن خلف هذه الدعوة مقاصد اخرى "اتحدث عن تجربة ليست شخصية بل عشتها و اثارت اعصابي كثيراً "

احدى خالاتي تفرح بدعواتنا وتقول ليش ما تدعون لي وتحكينااحيانا عن اللي يدعون وهي تشعر بالفرحة وتنبسط بهكذا دعوات .

أما قريبة اخرى فهي تتعرض وللأسف الشديد لضغوط نفسية بمجرد الحديث عن الموضوع وتحديداً إذا صدر عن احدى زوجات اخوانها "لو تمسك لها ولدها او أي شغلة خاصة فيها قالت : الله يرزقك بالزوج الصالح " وزاد الموضوع عن حده وصار يقهر .

لا واللي تقول متى تتزوجين ولا ما جاكم احد يخطب ..أسئلة لمجرد تداول الأحاديث بدون تقدير للمشاعر مع أن الأنسان يستطيع ان يفكر في كلامه ويضع نفسه مكان الطرف الأخر وقتها سيشعر بقيمة كل كلمة تصدر منه.

وقريبة اخرى تعاني من مشاكل صحية يقولون لها بعض عديمي الإحساس ... من راح يرضي ياخذ وحدة مريضة .. وللأسف مرات يوصل لها الكلام ومرات يتكلمن في وجودها فلانه ما تقدر على البيت والزوج صحتها ما تساعدها ... بالله عليك اي قلوب يحملنها وأي قلوب تتحمل هذه القسوة .

حسبنا الله وكفى .



وجهة نظر :
(( افضل الدعوات في ظهر الغيب ... لآنها احرى بالإجابة .. ولأن الداعي في ظهر الغيب فعلاً إنسان محب ويقدر المشاعر ))


والله اعلم

غموض يا حياتي فجرتي قنبله ههههه والله اني اقرا الموضوع ومبسوطه برددوك .. الله يشرح صدرك ووسعه ويصير مقاسه اوسع منك .. ويرزقكم كلكم الزوج الصالح وتصيرون انانيات مثل المتزوجات لان هذي سنه الحياة وراح تقولون وش لكم بعوار القلب والزواج وتجي وحده ليلحين ما عرست وتعصب فيك وتقول نست قبل وش كانت تقول اهاهاهاهاه .. امزح معاك لا تزعلين الله يفرج همومكم ويرزقكم دنيا واخره ويكتب لكم الخير وانتي ما تدرين وين الخير ولا تستعجلين انا عمتي تزوجت وعمرها 32 سنه واعرف وحده ثانيه تزوجت وعمرها 35 يعني سن الزواج يختلف صج الاغلبيه يتزوجون من 22 او 20 وطالع بس يعني في امل يتزوجون الاكبر و .. نسيت اقولك قالت لي وحده ان في وحده عمرها 47 سنه تزوجت وسوت عرس لا صار ولا استوى والكل يتكلم عنه يعني لا تستعجلين على رزقك والله يكتب لك الخير والخير فيما اختاره الله

__________________
Nweerh

لا ما فهمتها يا غموض

لاني انا شايفه انه نظرتك حساسه
طب ايش فيها لو دعولك و بنظرتهم شفقه


ايش فيها لو دعولك دعوه مو صادقه
انت بقلبهم تعرفي دواخلهم
طب ياريت اي احد يدعيلي بشفقه ولا باي طريقه
حا اقول والله الناس بعد بيها خير تدعي لبعضها


طب ليش ما يشكو ازواجهم و الي همه فيه
ما انتوا بتشكو تاخركم بالزواج تشكو حالكم

تقبلي و انت منكده تجي وحده متزوجه و تشوفك فرحتها باولادها و زوجها و بيتها

ما راح تتقبليها حتقولي اكيد قاصدتها تنكد علي
نفس الشي
الزوجه تجي تعبانه من نكد زوجها و اولادها و اهل زوجها و بيتها ما تعرفي البيوت اسرار
و تجي تشوفك لابسه وضحكتك و مزحك
تفكر
تقول كنت ببيت اهلي مرتاحه و لا مسؤليه و انام وقت ما اريد و اكل ان شاء الله سندويتش
مو كل يوم طبخ و نفخ و ودرسي و اكلي ويجي الزوج من شغله قرفان و ما طايق نفسه
وين الاكل و ين الشرب و تعبان نعسان و اريد انام و تنفخ
وماسك القنوات الفضائيه ويقلب

يجي ابنك ولا بنتك و طلبات ما تخلص و مسؤليه
مو كلها الوان رومانسيه وحياه سهله
صح فرحتنا باولادنا ساعه ما يولدو كبيره و الحمد لله
لكن احيان كثيره تنقلب لهم
ما اريد ارجع عليكي المواجع بس الوالد و انت بنفسك تقولون ادعوله
طب الوالده كمان
همه متزوجين صح ولا لا

طب الله ابتلاكي بابن معاق ابن عاق
ابن مريض ابن الحياه مليانه اشكال الوان
ليش تلتمسون لنفسكم 70 عذر و المتزوجين لا


اختي ليش يشتكون لانهم هذه طبيعتهم
شوفيهم حواليكي
شوفيهم الان اتزوجو
هم بعدهم يشتكون
هذه اخت زوجي و ام زوجي ما يحبوني و انا بعد ما احبهم
وزوجها شاريها و موقفه منصف
طب ليش احمدي ربك البطر يطير النعمه


مو هي نفسها البنت الي كانت تبكي وتدعي و تتملل من نظرات المتزوجات
الان نفسها تسويها مع اخت زوجها و ام زوجها
قوليها ليش ما تحمد الله

بني ادم ينسى ويطغى


وتقوليلي ليش المتزوجات يشكون

كنت اقول للبنات بهالقسم راح تتزوجون وتشكون
يقولون لا يا ام اثير احنا اتاخرنا بالزواج ما حنتبطر و نعرف نقدر الحياه الزوجيه و نشكر الله علنعمه
ياما وياما يجون لقسم المتزوجات يقولون من تفاهه مشاكل المتزوجات ما نشارك


ليش احنا لازم نتقبل النقد و التجريج لهذا بالمختسر المفيد

انه اذا ما اشتكينا ما نصير بنات حوا
هذا طبعنا
و يمكن ولدنا و هو بجيناتنا
الشكوى و التذمر هذا طبعنا



الجزء الي ما فهمتيه

موجود بالكلام الي قلته بالشرح الي طولت فيه

يا احبيبتي اتعوذي بالله من الشيطان

هو ارحم الراحمين ارحم بعباده من والديه

الله يسعدك ويوفقك ويكتب لك الخير انت و خواتك

__________________

اللهم أنت ربي ، لا إله إلا أنت ، خلقتني وأنا عبدك ، وأنا على عهدك ووعدك ما استطعت ، أبوء لك بنعمتك ، وأبوء لك بذنبي فاغفر لي ، فإنه لا يغفر الذنوب إلا أنت ، أعوذ بك من شر ما صنعت(البخاري)

وشفيه ردي ؟؟؟ ما هو من نفس عيار موضوعك اللي بادي بالهجوم عالمتزوجات...

بس ما ادعي غير انك تتزوجي يارب ان شاء الله تتزوجي انت وخواتك عاجلا وليس اجلا

ها غموض حبيبتي ..
بشري ..
عسى إرتاحت نفسيتك بعد الهجوم العنيف على المتزوجات وذمتهم بالانانيات ..
معليش ماراح نزعل منك .. عزيزة وغالية ..
ترى أول مافتحت المنتدى فتحت موضوعك عشان أتطمن عليك ..

تعقيبا على ردك علي لما قلتي يكفيكم نعمة الأطفال ..
أقول لك أحيانا تبلغ المشاكل مبلغها ..
وأستغفر الله أستغفر الله ..
أفكر في قلبي ويمكن فيه غيري من المتزجات يفكرون مثلي ..
وأقول جبت عيال وبلشتهم وغربلتهم ..
بكرة أتطلق ويتشتتون بين أم وأب منفصلين ..

وايضا أعقب على كلامك لما قلتي الزوجة تذم في زوجها وتشتكي ولما يتصل تعطيه أحلى الكلام وأسمه في جوالها دلع في دلع ..
يعني وش تبينا نسوي ..
هذا إحنا نجامل والغصة بقلوبنا عشان تمشي الحياة وتستمر وتقل المشاكل ..
عيل تبيني أشتكي من زوجي ..
ولما يتصل أقول له : ها ..؟؟ اشتبي متصل ..؟؟
طبعا مايصير ..

وعلى هالطاري ..
كان إسمي في الماسنجر ( أداوي جروحي بروحي ) ..
وكلمتني مشرفة الله يحفظها معاي ع الماسنجر ..
قالت لي ليش ماتغيرين النك وتتفائلين ..؟؟
ترى إذا حطيتي نك حلو راح تحسين إنك فعلا مبسوطة في حياتك وتخف نظرتك التشاؤمية ..
رحت على طول غيرته إلى ( هايمة بحبه ) ..
تصدقين حسيت براحة نفسية ..
جزاها الله خير اللي نصحتني ..

أنا ما اقول لك هالكلام قصدي لا تتزوجين وإش لك في الزواج والنكد ؟؟
بس بغيت أبين لك احساس الزوجة لما تعيش في مشاكل ..
إنها في ذاك الوقت ماتشوف أي نقطة إيجابية في زواجها ..



شوفي ياغموض ..
أنا وراك وراك لين تشيلين من بالك فكرة إن إحنا أنانيات ..
سامعة ؟؟

عزيزتي غموض هاي اني وياج مرة ثانية والله مافتحت الجهاز ولا طبيت الا عشان اكتبلج والله مثل ما قالت الاخت بحرينية ولكن هذا حالنا احنا المتزوجات والله العظيم الان اكتبلج وابجي ياريتج شفتيني قبل الزواج وبعده والله صار لي اربع سنوات ونص متزوجة والله ما شفت فيهم يوم راحة. اما منه او من اهله

ولا تقوليلي اهله والله جرح ما منه شفا والله سرطان وما تبرين منه والله شوفوني الويل والى الان مستمرين


مرات افكر انا من جنت ببيت اهلي جنت معززة مكرمة مالي لاهم ولا قهر وامي هي امي وابوي هو ابوي تعالي شوفي الان مع اهله حشا ما يشوفوني زوجة ابن لا كل تفكيرهم اني داخلة عليهم عشان افرق بينهم وبين ابنهم هذا لاني غريبة عنهم انا من بلد ثانية غير بلدهم والله حلكي يبس من قولة والله العظيم مو هذي نيتي

وبالنسبة لزوجي فهو دائما مسافر ما موجود عندك اليوم الصبح مثلا سافر ايطاليا الله العالم متى بيرجع يعني انا دائما لوحدي

وعالعيال عندي بنت عمرها ثلاث سنوات والبلد اللي عايشين بيها الحياة صعبة زوجي يضطر يسافر بعيد حتى يشتغل وانا اشتغل باليوم عشر ساعات والله النهار يمر عليا ويل من افكر ببنتي وياترى ايش تسوي الان

والان شهر 11 الجو برد عدنا وصلت درجة الحرارة اليوم 6 درجات وامطار مستمرة صارها ثلاث ايام وانا بالليالي الباردة ما اجيب بنتي للبيت اخاف عليها من البرد خصوصا الى الان ما عدنا سيارة _(والله ببيت اهلى سيارتين عالباب ) تخيلي الليل اشلون يمر علي من افكر انها صار لها يومين ما شايفتني والليل هي نايمة بروحها

تخيلي حالي من احجي ويا بنتي بالتلفون وتقوللي ماما متى تجين تاخذيني

انا ما اقول انك غلطانه لا حشا انت ايضا محقة بوضعج وبكلامج
صحيح حال البنات في بلادنا صعب خنقة ما تاخذ البنت نفس الا من تتزوج ومو كلها تلاقي الزوج اللي يحط تحت رجليها البيت والسيارة والخدم اللهم الا قسم من الدول العربية صح الحياة فيها سهلة للمتزوجات بس حتى غادي المتزوجات مو براحة بسبب ظروف اجتماعية خاصة تقلق راحتهم

عموما اتمنى ردي يكون اخف عليج هالمرة وادعيلج من كل قلبي ان ربي يرزقج بالزوج الصالح والاهل الطيبين وبالعيال ان شاء الله

طيب انتي ليش زعلانه ..

تتوقعين لو قالت لك المتزوجة لاتتزوجين الزواج هم وغم بتسمعين كلامها ...

طنش تعش تنتعش ...

أهلا أختي غموض


ربنل يعينك و يعنا

في ناس سابت الموضوع كله و كل مشكلتك اللي بتحكيها و مسكت في العنوان


أعملي زي و متنسيش تكتبي ( بعض )

عشان تبقي في السليم

__________________
انا منتدي عالم الأسرة و المجتمع

الله يسعدك دنيا واخرة يالغاااااااااااااليه
والله كلامك درر ماشاء الله
الله يعطيك على قد قلبك الكبير

__________________
ياكثر ماعندك من خير يارحيم
بس يبغى لنا شويه صبر
الحمدلله كما ينبغي لجلال وجهك وعظيم سلطانك